Amøc 7:7 - Wëël Jwøk

⁷ Køøre gïn acäŋ nyoothø jïra ki yi wïïa; Wuuö Jwøk ajooda ni cuŋŋö buut dëër øtø mo ogeerø ni thïïŋ, ni cere da thøøl mo nyootha thïïŋ gïrpiny.

Amøc 7:7 Iomraidhean Croise

Wïlöölö 28:13

Ni kar kanyøgø Wuuö Jwøk cuŋŋa bääte, ni kööe, ni «Aana Wuuö Jwøk, na näk Jwø kwaru ma Eeberam ki wäru ma Aydhak; ŋöömmi bäre ni ïïno but piny yie en, cïba cïbö jïrï ki nyïïkwaayï.

2 Camiel 8:2

Køøre Deebit jø Möap abööte thuwø, ni ö jiyi moa maae ki tøŋ ri leny ni cïïm geni na tëëŋŋe, ni wëëk geni but piny. Køøre eni tëëŋŋe ariiø moa cïïmme røk jøøgø anääe, ni wec tëëŋŋö aciel bäre ni kwøw. Køøre, jø Möap aput tïmö ni ge bëënna Deebit ni ge cïpö ka ajwäk jïre.

2 Nyeye 21:13

Aani jø Jerucalem jääla jäälö ni tïïa ki gïn mo leth dëëtge kaawat mana tïïa dëët jø Cameria ki jø dhi øt Akap, ni cweera Jerucalem døøc kaawat man wø ö dhaanhnhe ni wø cweer athaa, ni rïëp gø piny.

Aydheea 28:17

'Ba ŋøl mana na adïëri otïïa ni caala thøøl man wø røm tiir mar øtø ki gø, ni tïïa bëënynyö ni caala thøøl man wø røm tiir mar dëër øtø ki gø. Køøre pey opänhnhi ni raany tööt mana gwøk uuni, ni kwön jwïïe ni raany kwöra kanu dëëtu yïthge.

Aydheea 34:11

'Ba poge oput dööŋŋe jï olwedhe ki thëëwe, ni tïme na kar bëëtö mar tule ka agääe; ni ö Wuuö Jwøki ni put gø wëëk ränynyö, ni dööŋe na ŋöömö mo bäŋ gïrpiny yie.

Wëël Kïmmö 2:8

Aŋøl Wuuö Jwøki ki man nyaa kiir Dhayan piny. Eni paac arøme, ni røm dhi cere, ni käre cere dwøk ŋääe këët ki man raany gø. Eni kiiri atïïe ni kïmmö, ni ränyge bëët.

Edhikiel 40:3

Køøre eni aana kïth kaagø, ni jïta ki dhaanhø mo dëëre nëëni kaamar nywïënyö ma jwïël. 'Ba ŋatøgø cuŋŋö dhi kal ni cere da thøør røm mo tïïc ka waac lïïna, ka athøra mar røm.

Amøc 7:6

Køøre Wuuö Jwøk cwïnye aware ni kööe, ni «Gïnögø thuwø ba tägi këët.»

Amøc 7:8

Ni kö Wuuö Jwøki jïra, ni «?Amøc, agïnaŋø ni nëëni jïrï enø?» Ni kööa, ni «Beeye thøøl man wø nyooth thïïŋ gïrpiny.» Køøre Wuuö Jwøk aköö, ni «Bëët jiya ma jø Icriel orøma keda man wø røm dëër øtø ki thøøl man wø nyooth thïïŋ gïrpiny. Køøre nø, ge ba wiia këët.

Dhekaraya 4:10

«?Aŋø, aŋa ni wø taak cäŋ man wø täk tïïc ni thiinh yie? 'Ba jiy yïthge omïnni kanyo jootge gïr røm man wø nyooth tiir mar øtø ni ena cer Dherubabel. «'Ba gïïa na abïriiø beege nyeŋ mo Wuuö Jwøk mo wø bëëdö ni wïdö ni raŋŋa bäät piny bäre.»

Mana Nyooth 11:1

Kanyøgø aana mooc ki thiir ma mar røøm, ni kööm aani, ni «Ö maal ni rømï Øt Jwøk Mana Dwøŋ, ki gïn wø cïp olämme bääte, ni kwaanï jø wø lämö kaace.

Mana Nyooth 21:15

'Ba ŋata cäänö ki aani jïre da athøra ma warkey mar rumi man røm paanøgø ki gø, ki dhøge ki dëër kiire.