Amøc 7:14 - Wëël Jwøk

¹⁴ Køøre aløk Amøci jï Amaciya, ni kööe, na «A patha nyikuŋ Jwøk na bëëda cøøn, naa ba en dëët jøw wø kwaan dëëtge ni gena nyïïkuk Jwøk. 'Ba aana dïpïïth dïëk ni näga ŋat wø cooŋ nyïïjer wø nyïïge cam,

Amøc 7:14 Iomraidhean Croise

1 Nyeye 19:19

Køøre Ilaaja atïŋŋö kaace, ni joot Ilaaca o Capath ni purö ki dhäk mo orööpö na ariiø ariiø kwöre apaar kurriiø; 'ba eni purö ka mana näk aŋuudi. 'Ba Ilaaja aci baŋ gø, ni ö aleeŋŋa mare ni leeŋ gø bäät gø.

1 Nyeye 20:35

'Ba nyikuŋ Jwøk aciel røk nyïïkuk Jwøk aköö jï watge ki køør mana caan Wuuö Jwøki, ni «Gøøc aani.» 'Ba watge akweer ki man gøøc eni.

2 Nyeye 2:15

'Ba kanya ö lwaa nyïïkuk Jwøk moa therø moa käl Jerikö na jootge gïïa tïïc Ilaaca, gena köö, ni «Teek Jwøk mana en bäät Ilaaja anø ö bäät Ilaaca.» Køøre gena öö ni røømge ki eni ni kuulge wïthge piny nyïme.

2 Nyeye 2:3

'Ba lwaa nyïïkuk Jwøk moa therø moa en Bëthël gena ö wøk baŋ Ilaaca ni köge jïgø, ni «?Ŋäyï ni Wuuö Jwøk kwäärö marï käle kälö buutï dïcäŋi?» Køøre ena köö, ni «Yaa, ŋääa; bëëdu mëëth jaak.»

2 Nyeye 2:5

'Ba lwaa nyïïkuk Jwøk moa therø moa en Jerikö gena nyänh buut Ilaaca ni köge jïgø, ni «?Ŋäyï ni Wuuö Jwøk kwäärö marï käle kälö buutï dïcäŋi?» Køøre ena köö, ni «Yaa, ŋääa; bëëdu mëëth jaak.»

2 Nyeye 2:7

'Ba jiy ma pïërabïïc dëët lwaa nyïïkuk Jwøk moa therø gena läp køørge ni cuŋge ni ge dïët ki Ilaaja ki Ilaaca kany mo bäär mëëth, ni geni karge riet ge cuŋŋa bäät Naam Jördan.

2 Nyeye 4:38

'Ba kanya ö Ilaaca na duu Gëlgela, käc dagø kaace. 'Ba kanya bëëde ni lwaa nyïïkuk Jwøk moa therø opï piny nyïme, ena köö jï ŋat tïïc mare, ni «Cïp dak mana dwøŋ maac ni tëëdï ki kadø jï nyïïkuk Jwøk.»

2 Nyeye 6:1

'Ba lwaa nyïïkuk Jwøk moa therø aköö jï Ilaaca, ni «Neenï, ennø, kany ni bëëtwa yie buutï en atïmö ni thiinh kiperwa.

2 Luup Nyeye 16:7

'Ba yi kar kaaca, nyikuŋ Jwøk ma Anani, ŋat wø joot jammi ki køør man wø nyooth Jwøki jïre, aö baŋ Aca nyeny Juuda ni kööe jïgø, ni «Kiper mana tïme niï ŋäätha nyeny jø Aram niï ba ŋääth Wuuö Jwøk, Jwøk marï, jø leny mo Aram apäär wøk cerï.

2 Luup Nyeye 19:2

'Ba Jiyu wär Anani, ŋat wø joot jammi ki køør man wø nyooth Jwøki jïre, aci wøk kuna røømge ki nyeya ma Jøcapat ni kööe jïgø, na «?Aŋø, ï kønya jøøa reyø ni mëërï ki jø wø män ki Wuuö Jwøk, niï käla wëëc Wuuö Jwøk bäätï keerï?

2 Luup Nyeye 20:34

'Ba tïïe møga moa tïïc Jøcapati, ki mana täge këël aŋuunge, ogöörö yïth luup mo Jiyu wär Anani, moa näk ogöör piny yi Wëël Luup Nyec Icriel.

Jööp 30:4

Jenni moa näk otuy dïtëën wø puthge wøk ni camge ge, ni tïm cam marge ni beege lweet jenni.

Amøc 1:1

Moi beege luupa køp Amøci, na en røk dïpïïth dïëk paana cwøl ni Tëköa. Luupögø beege moa nyooth jïre ki yi wïïe kiper jø Icriel yïth nïra beet Udhaya ni ena nyeny Juuda ki yïth nïra beet Jeröbäm o Jeyöac ni ena nyeny Icriel. Gïïögø akwøŋ nyooth jïre kanya poode ni poot dööŋŋa cwiiri ariiø ki man täk dïjäŋ pinynyi.

Amøc 3:8

'Ba ennø, ŋuu anø määr; ?A ŋata ŋa ni ba lwäyi? Wuuö Jwøk mare anø caane; ?Aŋa no män ree ki man køp luummögø?

Dhekaraya 13:5

'Ba eno kööi, na ‹A patha nyikuŋ Jwøk; aana ŋat puur, a bëëdö naa bëënna puur cøøn ki mana käla thïnhö ni aano ŋeeø na laŋŋø.›

1 Körin 1:27

'Ba Jwøk jiera gïïa näk bøøre dï jap piny, nee wïth moa wïthge leer lääe, ni Jwøk jiera gïïa jägö dï jap piny nee wïth moa teek lääe.

1 Camiel 10:11

'Ba kanya ö jiyi bëët moa bëëdö ni Cøøl ŋäcge na jootge eni ni wär ki duut ki nyïïkuk Jwøk na aciel, gena cäänö yïthakicge, ni köge, «?Agïnaŋø na tägö dëër Cøøl o Kic? ?Aŋø, Cøøl thuwø atïmö ni ena dï nyïïkuk Jwøk?»