Amøc 7:12 - Wëël Jwøk

¹² Ni kö Amaciya jï Amøc, ni «Ïïni ni wø neen gïï mo ena nyïm, beerra man aayï ni ciï yi ŋööm Juuda, ni jootï cam marï kunöce, ni køpï luum Jwøk kaace.

Amøc 7:12 Iomraidhean Croise

2 Luup Nyeye 16:10

Køøre Aca agootø ki nyikuŋ Jwøk ma Anani, ŋat wø joot jammi ki køør man wø nyooth Jwøki jïre, ni put gø kïth øt twöc, kiper cwïnye akëënynyö ki gø døc kiper luummögø. 'Ba yi kar kaaca, Aca aput tïmö ni jiy møøk di caannø thuwø.

Aydheea 30:10

jø wø köö jï jø wø nyuunh Wuuö Jwøki ki luup mo wø nyooth ki yi wïc, ni ‹Kär dee gïï mo neennu;› ni wø köö jï nyïïkuk Jwøk, ni ‹Kär luup ma adïëri mo wø nyooth jïïu caannu jïwa; 'ba caru luup mo cwïnywa mïnnö ki ge, këël doo na cwøk jaak.

Aydheea 56:11

ni ge caala guu mo owär mo ge ba jäŋ, ni ge caala dïkwääc dïëk mo tiet luup ba kwanyge. Ge bëët, gena gaa wøk ni aacge ki øtjöö marge keerge, ni ŋati man nø dëëtge manynya gïn mo joode kiper dëëre keere.

Edhikiel 13:19

Uuni, aana päätu yïthakic jiya kiper beek wø cwøl ni gäbci mo ena yi thäny cenø ki thääŋ kwön. Ki køør mana cäänu ki luup tööt jï jiya mo wø cek ïthge ki jap tööt, jiy moa ba doo rømø ki thøø anägu, ni ö jiyi moa ba doo rømø ki man bëëtge ni kwøw ni wëëgu ge kwøw.› »

Amøc 2:12

'Ba uuni jø Nadhir amaathu ki kwøk nyïïomøki, ni köömmu nyïïkuk Jwøk nee dwør Jwøk ba køpge.

Amøc 7:11

Kiper Amøc aköö, «ni ‹Jeröbäm di nääö ri leny, ni ö jø Icrielli ni maai ki tøŋ, ni käl geni yi ŋöömö marge ni kïth ge paac mør.› »

Milkiya 1:10

Ni cäŋ köö, «Beerra mana di dhaanhø acielli cøø dëëtu ni cïëk dhøgi mo kal mar Øt Jwøk, kiper nee bäŋe dhaanhø dïïu mo äp maac bäät gïn wø cïp olämme bääte mana näk mara ki gïn mo bäŋ tiere jaak. Bäŋ gïn mo døøc yia mo met ki uuni; olämme moo cïpu jïra ba jïëa.

Mathiew 8:34

Kanyøgø paac bäre ree ajiie ni cige nee røømge ki Jecu. 'Ba kanya jootge eni, ena kwacge nee aae poge.

Luk 13:31

'Ba ki nyi kanyøgø kiree, jak møøk ma jø Paricith aöö baŋ Jecu, ni köge jïgø, ni «Laar riï daak kany, kiper Eerat manynya man 'näk ïïni.»

Moa Tïïc Nyïïatwieli 16:39

Kanyøgø gena öö ni kwaacge ge nee cwïnyge cïpge piny. Ni kälge geni wøk ni pëënyge geni nee aacge paanøgø.

Wëëlö Mana Göör Pøølli Baŋ Jø Röm 16:18

Kiper teeŋ jøøgø nø ba tïny Kwääyø ma Krictø, 'ba ge tïnynya yïthge, ni ge maaŋŋa wïth jø wø cwïnyge cwøk ki luup mo ŋweeth.

1 Körin 2:14

'Ba ki jï ŋat mo cwïnye ba en køør Jwøk, muuce mo Jwïëc Jwøk ba jïëe, kiper nëëni keda jap bøøl jïre, ni ba maar lønyø jïre ki man kwany geni, kiper wø joot ka cwïny mo ena køør Jwøk.

1 Piter 5:2

Gwøgu pïïth mar Jwøk ni en ceŋŋu, ni paa ni uuno maa ki teek, 'ba tïïyu ka met ec kaawat man wø many Jwøki; ni paa kiper nou jïtu ki jammi ree, 'ba beeye kiper mana cïbu cwïnynyu køøre bäre.

1 Camiel 2:36

'Ba ŋat moo bøth ki thøø ri dhi øtø marï öö ni këël cøŋŋe piny ni kuul wïïe piny nyïm ŋato thïïŋa na dïlämi, kiper nee jïte ki gwel mo thenh wala gïn came, ni kwääe nee eni jïte ki kar tïïc kwör tïïe mo wø tïï dïlämme yïthge kiper nee jïte ki gïn came.› »

1 Camiel 9:9

'Ba wara bëëde dïkwøŋ Icriel, kanyo näk mo dhaanhø cøøa kuna pëëny Jwøk, eni wø köö, ni «Ööï, waa cøø baŋ ŋat wø joot jammi ki køør man wø nyooth Jwøki.» Kiper ŋat cwøl ni nyikuŋ Jwøk nïri en, dïkwøŋ cwøl ni ŋat wø joot jammi ki køør man wø nyooth Jwøki.