Amøc 6:8 - Wëël Jwøk

⁸ Wuuö Jwøk, eni na wïth jammi bëët, akööŋ dëëre keere ni kööe, na «A män ka atöör mar jic Jeekap, ni yia raac ki uudi moge na teek; kiper manøgø nø, pääny marge ki gïïa en yie bëët ocïba ceŋ nyïïmän moge.»

Amøc 6:8 Iomraidhean Croise

Wïlöölö 22:16

ni kööe, ni «Mana caan Wuuö Jwøki beeye en, ena köö, ni ‹Kiper gïna tïïyï enøgø, ni kärï wäädï ma aciel keere mänö,

Pwöc Leec Wïc 8:13

Ki man lwäär Wuuö Jwøk beeye ki man mänö ki raay. Aani na leec wïc, a män ki koorø ka atöör, ki bëët jöör raay ki wel luup.

Aydheea 28:1

Otïmö ni leth jï Cameria, päänya näk caala adun atöör mar jø Ipariem na näk jø meerø, päänya näk ajiem mïërö mare caala wï jaath mo oŋøøk ni manynya närö, na näk ogeer bäät thuur buut gool mana ŋöömme beer na näk mar jøøa no oŋääö ki maath.

Jeremaya 12:8

Jiya atïmö kaamar ŋuu mo bëëdö paap, ni öge ni märge bääta kaamar ŋuu. Kiper manøgønø, aana tïmö naa män ki geni.

Jeremaya 22:14

ŋat wø köö, ni ‹Dëëra gëënna gëënnö ki øt nyec mo dwøŋ døc, mo bääte yaa gëënnö ki øtø mo yïthe døøŋŋø, ni kïtha dëëre ki uut awëërnyeŋŋi mo thööth, ni tïïa gø ni mïërö ko opämi mo beyø, ni rwødha gø ki booya mo kwaar.›

Jeremaya 22:5

'Ba ni näk mo luumma ba wïnynyu, a na Wuuö Jwøk, a puta kööŋ ŋëëta keera, ki man räny paan dwøŋŋi man na bäre.›

Jeremaya 44:26

«'Ba u na jø Juuda bëët, u ni bëëdö Ijep en, wïnynyu dwør Wuuö Jwøk. Wuuö Jwøk aköö, ni ‹Ennø, aana kööŋ ŋëët nyeŋŋa na dwøŋ nee bäŋe dhaanhø mo nyeŋŋa cura dhee këët røk jø Juuda bëët moi ni en Ijep ii, ni mare kööŋ ri nyeŋŋa, ni «Ŋëët Wuuö Jwøk, Jwøa kwøw.»

Jeremaya 49:13

A na Wuuö Jwøk, aana kööŋ ŋëëta keera, ni Bödhra, pääny Ëdöm, oränynyi ni tïme na gïn mo cwïny jiy böö ki gïno tägi dëëre, na gïr ajøøŋ, na gïr acïëni, ni ö päänye moe bëët ni nigeruuth na bäre bäre.»

Jeremaya 51:14

Wuuö Jwøk, eni na wïth jammi bëët, ena nø kööŋ ŋëëte keere, ni ‹Ka adïëri møn, aani, jø leny mo thööth mo caala lwaa bäänyö ojääŋŋa bäätï, ni kwöŋge bäätï kanyo böötge ïïni.› »

Wëël Kïmmö 2:5

Kwäärö Wuuö Jwøk atïmö kaamar nyimän. Eni Icriel bäre araanynye, ni raany kwör gwøk røk bëët mo gø. Eni kiiri mo päänye mo Icriel moa no ogeerø ni teek araanynye, ni ö eni ni meet kïmmö ko oduuru mar jø Juuda.

Edhikiel 24:21

ni ‹Caanï jï jø Icriel ni man beeye luumma caan Kwäärö Wuuö Jwøki, ena köö, Ni aani øt lam mara na en kur keere wëëga päät; ni beeye kanya teek ni wø ŋwöu kipere, nou töödö ni yïthu met ki man raŋŋu gø, ni cwïnynyu ee tïïö ni met. Ni ö wäätu ki nyïïu moa wiiu ŋäthu Jerucalem ni 'näk geni ko opëëllö.

Odheea 11:6

'Ba leny nakwaar yïth päänye moge, ni ö dïdëëdi mo odhuule mo dhøk kiir marge ni nigenyaŋŋa piny, ni tïm aŋuun jammi bëët moa caarge ni bäŋgø.

Ciik Kiper Dïlämme 26:11

Aani kar bëëtö mara tïïa tïïö nee bëëde ni ena dïïu, ni bëëda nou ba kwiera.

Ciik Kiper Dïlämme 26:30

Aani kwör lam mou moa en bäät thuuri raanynya raanynyø, ni ö gïïö ni wø duuŋ gïn wø jïye ŋwääi ni met bäätge ni tøya geni, ni ö dëët jiy moa no othøw ni lööra ge bäät gïïa näk you tieŋø ni wø lammu moa no otøyø, kiper aano nø männö ki uuni.

Amøc 3:10

Jøøgø tïïc gïn mo beer kucge, jøøa näk jap twëër ki gïïa jaaŋge ceŋ jiy ege cooŋ piny yïth uudi moge na teek.» Beeye Wuuö Jwøk ni cäänö enø.

Amøc 3:11

Kiper manøgø nø, Wuuö Jwøk aköö na ennø, ni «Nyïïmän, ŋöömö maru otiigi dïër, ni raanyge teek maru, ni twierge yïth uudi mou na teek.»

Amøc 4:2

Wuuö Jwøk akööŋ ri bëëtö mare na en kur keere, ni kööe, ni «Kare møn, da dïcäŋ mo ööa bäätu, mo u di kälö nou pieyi ka dïgäni, ni piec uuni ko obïïdhi, ni bäŋ dhaanhø mo dööŋ.

Amøc 5:21

Wuuö Jwøk aköö, na «A män ka ajwöm mo wø tïïyu kipera, ni kwiera geni; acooŋi mo lam mou ba känni ki met ec jïra.

Amøc 8:3

«Dïcäŋöce dudi moo wär po nyeya otïmö na mo jwøk thøø. Ni gääp pinynyi bäre ki dëët jøøa no othøw, ni tuut geni wøk ni bäŋ dwøl mo wïnyi.» Beeye Wuuö Jwøk ni cäänö enø.

Amøc 8:7

Wuuö Jwøk ni wø jït jic Jeekapi ka atöör kipere akööŋ dëëre keere, ni kööe, ni «Røk gïïa tïïcge bëët bäŋ gïn mo wïïa wïl ki gø.

Dhekaraya 11:8

'Ba ki yi dwääy aciel, dïkwääc dïëk moa na adäk ariemma. Kiper aana kwierge, ni puta gootø ki geni thuwø;

Tiet Ciik 32:19

«'Ba Wuuö Jwøk gïna tïïc wääte ki nyïïe, ni beege jø Icriel, ajoode, ni männe ki geni kiper mana cwaatge yie këël mana wëëre.