Amøc 6:10 - Wëël Jwøk

¹⁰ Køøre, kanyo ö tuuŋ jøøgø no kälge dëët jiy wøk kiper nee koonyge, ŋata en yi øtø tääŋtiel opëënyge ni köge, ni «?Da dhaanhø moo dööŋ buutï këët nø?» Noo kö ŋatøgø, ni «Bäŋgø,» køøre jøøa pëëö puta köö, ni «Lïŋï nø, kiper nyeŋ Wuuö Jwøk bäŋa døø cwølø.»

Amøc 6:10 Iomraidhean Croise

2 Nyeye 23:16

'Ba kanya ö Jöcaya na lwïthe, bwör moa en bäät kïdi aput joot, ni jääge ki dhaanhø ni käl cuu wøk ki yïth bwör ni waaŋ ge bäät gïn wø cïp olämme bääte, ni tïïya gø ni ba waany, ki køør dwør Wuuö Jwøk na caan nyikuŋ Jwøki cøøn, kanya bëëde ni nyeya ma Jeröbäm cuŋŋö buut gïn wø cïp olämme bääte manøgø dïcäŋ man wø wøør na jwøk. Køøre ena cäŋ lwïthö ni joot kïdi mana no ocwöth bäät bwörö mar nyikuŋ Jwøk mana car gïïögø dïkwøŋ.

2 Nyeye 6:33

'Ba kanya poode ni eni poot cäänö ki geni, ka adïëri møn, nyeya ki ŋata jääŋŋi aput pïï baŋe; ni kö nyeya, ni «Ka adïëri møn, käc man ni raac en käla baŋ Wuuö Jwøk. ?Poode naa køya Wuuö Jwøk aperŋø?»

Jeremaya 16:6

Jiy moa kwörge døøŋŋø ki moa kwörge bäŋgø ge thøøa yi ŋöömmi en, ni ge ba koony, ni bäŋ jiy mo jwøk geni, ni bäŋ ŋat mo tïïc dëëre ki gïn mo leth kiperge, ni bäŋ ŋat mo gwäära wïïe wøk.

Jeremaya 44:26

«'Ba u na jø Juuda bëët, u ni bëëdö Ijep en, wïnynyu dwør Wuuö Jwøk. Wuuö Jwøk aköö, ni ‹Ennø, aana kööŋ ŋëët nyeŋŋa na dwøŋ nee bäŋe dhaanhø mo nyeŋŋa cura dhee këët røk jø Juuda bëët moi ni en Ijep ii, ni mare kööŋ ri nyeŋŋa, ni «Ŋëët Wuuö Jwøk, Jwøa kwøw.»

Jeremaya 9:21

Kiper thøø kare anø cäännö, ni nø pïïe dhøk awëërnyeŋŋi moø, ni døny kwöra näk ogeerø ni teek, ni thöör obwöre dï paac, ni thöör cwøw moa teek kwör acooŋe.

Edhikiel 20:39

«'Ba kiperu, u na jø dhi øt Icriel, luumma caan Kwäärö Wuuö Jwøki jïïu bee en, ena köö, ni ‹Cou, ni ö ŋati man nø ni tïny kït gïï wø lame! 'Ba ki køør gïïögø, uuni ïthu cegu ciiø na adïëri ki luumma, ni tïme ni nyeŋŋa na en kur keere ba päätu këët ki muuce mou ki kït gïï wø lämmu.

Edhikiel 24:21

ni ‹Caanï jï jø Icriel ni man beeye luumma caan Kwäärö Wuuö Jwøki, ena köö, Ni aani øt lam mara na en kur keere wëëga päät; ni beeye kanya teek ni wø ŋwöu kipere, nou töödö ni yïthu met ki man raŋŋu gø, ni cwïnynyu ee tïïö ni met. Ni ö wäätu ki nyïïu moa wiiu ŋäthu Jerucalem ni 'näk geni ko opëëllö.

Amøc 5:13

Kiper manøgø nø, eni na näk wïïe da acaara obëëdö ni lïŋö kar kaace, kiper piny bëëdö ni raac.

Amøc 8:3

«Dïcäŋöce dudi moo wär po nyeya otïmö na mo jwøk thøø. Ni gääp pinynyi bäre ki dëët jøøa no othøw, ni tuut geni wøk ni bäŋ dwøl mo wïnyi.» Beeye Wuuö Jwøk ni cäänö enø.

Kwään Jiy 17:12

Køøre jø Icriel acäänö ki Modhe, ni köge, ni «Neenï, waana thøw, waana ränynyö, ni putwa ränynyö karwa bëët.

1 Camiel 31:12

jø leny moa teek bëët gena put tïŋŋö, ni cääthge ki yi wäär bäre, ni pïïcge Bëëth-Can, ni ö dëër Cøøl ki dëët wääte na en ri kiir Bëëth-Can ni putge ge lwør, ni døøge Jabic-Gelät, ni putge geni waaŋ kaace.