Amøc 5:8 - Wëël Jwøk

⁸ Eni na cwääc wäät-odäki ki joonni, ni wø wiil muutha cøl ki tar mar amöölla, ni wø tïïc dïcäŋ na wäär; eni ni wø cwöl pïï wøk ki yi naama dwøŋ, ni wëëk gø pädhö bäät ŋøøm, beeye Wuuö Jwøk ki dëëre;

Amøc 5:8 Iomraidhean Croise

Jööp 12:22

Eni, gïïa näk tietge okan piny yi muudhö wø wëëge nëënne, ni wëëk tar ööny bäät muudhö mo cøl døc.

Jööp 37:13

Eni køth wø wëëge pädhö bäät piny, ni ki kwör møøk mare ajäla, wala eni jwøya piny ni mare nyooth mëër mare ni wø ba jøøl.

Jööp 38:34

«?Aŋø, løny jïrï ki man cwötï nee dwørï pïïe yïth pøøl, nee køth mo päl päth bäätï?

Jööp 9:9

Bee eni na cwääc ceer mo wø cwøl ni liec ki ceer mo wø cwøl ni wäät-odäki, ki ceer mo wø cwøl ni joonni, ki ceer mo wø en jï løø tier piny.

Aydheea 42:16

Cööye bwødha bwødhø ki waŋjöö mo kucge, ge pieya pieyø ki nyeŋ jïëthe mo kucge. Muudhö tïïa tïïö na tar nyïmge, ni ö kwöra gwalli øtjöö ni tïïa ge ni pøøth. Gïïögøøni beege noo tïïa, ni ge ba wïïa jaak ni kära tïïö.

Aydheea 59:10

Øøna tïmö kaamar cööye mo thäämmö dëër øtø, ni thäämmø kaamar jiy mo bäŋ nyeŋ jïge; ni cwanynyø tietø ki dhöör cäŋ keda pinynya wäär, ni putø tïmö kaamar jiy mo othøw yïthakic jøøa teek.

Jeremaya 16:21

Ni kö Wuuö Jwøki, ni «Kiper manøgønø, yie man teek mara otïïa nee ŋäcge, ni nyoodha teek bada jïge nee ŋäcge. Køøre nø, nyeŋŋa putge ka ŋäc ni beeye aani na Wuuö Jwøk.»

Jeremaya 33:2

ni «Man beeye luumma caan Wuuö Jwøki, eni na cwääc piny ni tïïc gø nee bëëde kare, eni na näk nyeŋŋe beeye Wuuö Jwøk, ena köö,

Amøc 4:13

Adïëri møn, eni na cwääc kïte, ni wø wëëk jamø kwödö, ni wø nyooth acaaye jï dhaanhø; eni ni wø løk tar mar aruunnø ni tïme ni cøl, ni wø cäädhi dï piny ni bäŋ gïn mo gëëŋ gø; bee eni na Wuuö Jwøk, eni na wïth jammi bëët.

Amøc 8:9

Man beeye mana caan Wuuö Jwøki, ena köö, ni «Dïcäŋöca cäŋ owëëga pädhö ki dhöör, ni wëëga piny tïmö na muudhö ki dïcäŋ.

Amøc 9:6

Wuuö Jwøk paare ee geerø maal, ni tïïc maal na rëëbi bäät piny. Bee eni ni wø cwöl pïï wøk ki yi naama dwøŋ, ni wëëk gø pädhö bäät ŋøøm; eni na tïïc gïïögø bëët, beeye Wuuö Jwøk ki dëëre.

Mathiew 4:16

jøøa bëëdö yi muudhö, tar mo dwøŋ aneenge, ni kwäär øwi bäät jøøa bëëdö dhi thøø.»

Luk 1:79

nee tar cïbe jï jø wø bëëdö yi muudhö, ni bëëdö dhi thøø, ni bwøth øøni ki waŋjöör bëët-mëër.»