Amøc 5:7 - Wëël Jwøk

⁷ Gïnögø otägi dëëtu, uuni ni wø wiil ŋøl ma adïëri ni tïïyu gø ni raac, ni leeŋu gïna näk kare piny.

Amøc 5:7 Iomraidhean Croise

Pwöc Leec Wïc 21:7

Jøøa reyø otuut dïwïti marge wøk, kiper man wø kwierge tïïc gïn ma adïëri.

Aydheea 1:23

Kwääri moï gena jø ageem, ni rege ege dwalø ki kuuwe; ge bëët, ge mëër ki man cun geni ki gwel ki piny, ni ge rïïŋö køør muuce nee camge. Ge bëëdö ni kïïe ba gwøkge, ni ïthge ba cekge ki luup määr thuunhnhi kany wø pëëge kiper køny.

Aydheea 10:1

Wui, otïmö ni leth jï jø wø kän wøk ki ciik mo reyø, ki jø wø ŋudö ki luup mo ba tiir,

Aydheea 46:12

«Cegu ïthu ki mara, u ni wïthu teek en, ni karu bäär ka adïëri.

Aydheea 5:20

'Ba otïmö ni leth jï jø wø köö ni gïn mo raac beeye gïn mo beer, ni wø köö ni gïn mo beer beeye gïn mo raac; jø wø köö ni muudhö beeye tar, ni tar beeye muudhö, jø wø köö ni gïn mo keec ŋweeth, ni gïn mo ŋweeth keec.

Aydheea 5:7

'Ba pwöth jer omøki mar Wuuö Jwøk, eni na wïth jammi bëët, beeye dhi øt Icriel, ni jenni moa tøøe na mëëre ki ge, beege jø Juuda. Ena bëëdö ni räŋö ni koora ŋøl ma kare, 'ba atïmö ni nuta køny remø piny; ni bëëde ni räŋö ni koora bëënynyö, ni tïme ni wïnynya oduuru mar pänh cwïny.

Edhikiel 18:24

«'Ba ni näk ŋat mo bëëte tiir bëëtö mare na tiir wiie wiiø, ni tïïe ki gïï mo yia raac ki ge mo caala moa tïïc ŋata bëëte raac, ?eni bëëdö ni kwøw? Ba løny; eni japa beyø bëët na tïïe, bäŋgø mo wïc di parø ki gø. 'Ba eni thøw, kiper mana bëëde ni bëëte patha kare, ki køør bääyö mare, ki raay moa temme.

Edhikiel 3:20

«'Ba maya thuwø, ni näk ŋat mo bëëte tiir, bëëtö mare na tiir wiie wiiø ni tïïe ki raay, ni cïpa nyïme ki gïn mo cwaanya tiere, eni thøw. Eni thøw yïth raay moe, ki køør mana kärï gø köömmö, ni ö japa beyø na tïïe ni ba par wïc ki geni; 'ba aani, remø mare pëënynya pëënynyö ki ïïni.

Edhikiel 33:18

Ni näk ŋat mo bëëtö mare tiir, bëëtö mare na tiir wiie wiiø ni tïïe ki raay, eni thøw yïth raaye.

Odheea 10:4

Geni, ge cäänö ki luup mo oballe jaak, ni tutge ki luup, ni kööŋge bäätge ki kööŋ mo bäŋ tiere; kiper manøgønø, bëët bäŋ adïëri marge wø tuula wøk kaamar luum mo ree da cïm mo tuy yi pwödhö mo opuurö.

Amøc 2:3

Nyeny Möap nääa nääö ki nyïïkuk moe bëët.» Gïnögø caana Wuuö Jwøki.

Amøc 3:10

Jøøgø tïïc gïn mo beer kucge, jøøa näk jap twëër ki gïïa jaaŋge ceŋ jiy ege cooŋ piny yïth uudi moge na teek.» Beeye Wuuö Jwøk ni cäänö enø.

Amøc 6:12

?Aŋø, okwëënyi rïïŋö ki bäät kïte? ?Wala da ŋat mo puura naam ki dhäk? 'Ba uuni ŋøl ma adïëri awiillu, ni tïïyu gø ni raac kaamar cïm, ni døøyu gïïa beyø mo reyø.

Mikiya 3:9

'Ba ennø, wïnynyu gïn, u na dïbwöthe mo nyïïkwaac Jeekap, ki u na kwääri moge, ge na jø Icriel, u ni yïthu reyø ki luum ŋøl mana näk adïëri, ni wø meen luubö mo tiir,

Abakuk 1:4

Kiper manøgø nø, ciik atïmö ni ba tïïö, ni tïm ŋøl luup ni ba thur karge. Jø raay jøøa marge beer acielge dïër, ni tïm ŋøl luup ni di wellø.

Jepaniya 1:6

ni beege jøøa døø ŋäthge ki man ba cääthge køør Wuuö Jwøk, na kweer ki man manyge gø wala man pëënyge gø.»

Tiet Ciik 29:18

'Ba kär dee dhaanhø dïïu dïcäŋi, ma dïcwøø wala ma dhaagø, wala jø dhi øtø aciel, wala wï tuuŋ aciel, mo cwïnye døøa cään ki Wuuö Jwøk na näk Jwøø, ni cøøe ni tïny juu mo wïth juurre. Kär dee dhaanhø dïïu mo tïmö kaamar jaath mo nywøl ki nyïëdi mo reyø mo keec;