Amøc 5:5 - Wëël Jwøk

⁵ 'ba kär näk mou manynya Bëthël, ni ba cou Gëlgela, ni ba pööthu Bëërcïïba; kiper Gëlgela omak ki tøŋ, ni ö Bëthëlli ni tïme ni bäŋ kare.»

Amøc 5:5 Iomraidhean Croise

Wïlöölö 21:31

Kiper manøgø nø, kaace acwøl Eeberammi ni Bëërcïïba, kiper kaace beeye kanya öge ni kööŋge yie karge riedi.

Wïlöölö 21:33

Køøre Eeberam apïïdhö ki jaath mo cwøl ni temïr Bëërcïïba, ni wøør nyeŋ Wuuö Jwøk kaace, na näk Jwø wø bëëdö na bäre bäre.

Wïlöölö 26:23

Køøre Aydhak aay kaace ni ci Bëërcïïba.

Wïlöölö 26:33

Ni ö Aydhaki ni put nyeŋ iithøgø cwøl ni Cïïba; kiper manøgø nø, nyeŋ pääny mana en kaace poot cwøl ni Bëërcïïba këël dïcäŋi ennø.

1 Nyeye 12:28

'Ba nyeya acädö bäät luummögø. Køøre ena tïïö ki nyïïrøøe ariiø mo tïïc ka warkey, ni kööe jï jiy, ni «U na jø Icriel, ciin Jerucalem atïmö ni teek jïïu. Neennu, juu mou beege ii, na käl u wøk ki yi ŋööm Ijep.»

1 Nyeye 12:29

Køøre eni røk juugögø aciel acwöth Bëthël, ni cwöth maya Daan.

2 Nyeye 23:8

Køøre, dïlämme bëët mo Wuuö Jwøk akäl Jerucalem ki yïth päänye mo Juuda, ni raany kwör lam moa en bäät thuuri ni wø wääŋ dïlämme yïthge ki gïï wø jïcge ŋwääi ni met, ki mana täge ki Gëba këël mana këët Bëërcïïba, ni beeye yi ŋööm Juuda bäre. Ni raany kwör lam moa en dhøk kiiri mo Jerucalem, ni beeye mana en dhi kiir Jøcua, ŋata bëën pääny manøgø, ki mana en bäät caam ki dhi kiir mana dwøŋ.

Jööp 8:22

Nyïïmän moï geno bëëdö ni geno rïëp lään wïci; ni ö kwör bëëte mo jøøa reyø ni tïmge ni bäŋgø këët.»

Aydheea 29:20

Kiper jøøa no ogäy tïmö ni bäŋgø, ni ö jø abuua ni thumge, ni ö jø wø cwïnyge piew ki tïïc gïï mo reyø ni thøwge,

Aydheea 8:10

Tïïyu uutjïëth tïïe mou, 'ba bäŋ gïn duuge; cïbu uutjïëth tïïe mou piny, 'ba ba løny tïïc jïïu, kiper Jwøk ena buutwa.

Jeremaya 48:13

Jø Möap wïthge olää jwøge ma Kemöc kaawat mana ö wïth jø Icrielli ni lääi ya jwøki mana ŋääthge na lamge Bëthël.

Odheea 10:8

Kwör lam moa en bäät thuuri mo Awën, na näk bee kwör wø tïï jø Icrielli yïthge ki raay, di raanynyø. Koodhi ko otwel tuy yïthge ni uumge gïï wø cïp olämme moge bäätge. Køøre nø, ge köö jï kïte, ni «Rïëpu wa!» Ni köge jï thuuri, ni «Buŋŋu wa!»

Odheea 12:11

'Ba pääny Gelät yie da raay; ka adïëri møn, jiy moe atïmö ni bäŋ karge. Ki yi Gëlgela dhäk moa näk rwädhe di cïbö no olämme. 'Ba gïï wø cïp olämme moge bäätge otïmö kaamar kïte mo ocooŋ yi pwödhö.

Odheea 4:15

«Wui, ï na Icriel, këël na bëëdï niï tïïya tïï käp, Juuda kär näk cäŋa bääyö. Ni ba cou Gëlgela, wala maru ci maal Bëëth-Awëën, nou kööŋ, ni ‹Ŋëët Jwøa kwøw!›

Odheea 9:15

'Ba Wuuö Jwøk aköö, ni «Tïï gïï mo reyø atäkge Gëlgela; ni puta männö ki geni kaace! 'Ba kiper rääö mar japa tïïcge, ge riema wøk yi ŋöömö mara, ni ba mëëya ki geni këët; kwääri moge bëët gena jø ageem.

Amøc 1:5

Dïdëët mana en dhi kiir Damacka otoora, ni raanynya jøøa bëëdö yi goor Awën, ki ŋata en teek paaci cere na en Bëëth-Ëden. Ni ö jø Aram ni maai ni kïth geni paana cwøl ni Kir.» Gïnögø caana Wuuö Jwøki.

Amøc 3:14

Kiper dïcäŋo ööa ni jääla jø Icriel kiper gïïa bacge, gïï wø waaŋ olämme bäätge moa en Bëthël oraanynya, ni ö tuk gïï wø waaŋ olämme bäätge ni ŋøri ni päthge piny yïth ŋøøm.

Amøc 4:4

«U na jø Icriel, cou kar lam maru Bëthël ni putu luumma dhal, ni pööthu Gëlgela thuwø nou meeta adhala maru. Wäro tïme na amöölla cooth, olämme mou wär kïthu kar lam jaak, ni cïpu paac wïth jammi mou ki køør nïne adäk cooth thuwø.

Amøc 7:10

Køøre Amaciya, eni na kwääc lam mar Bëthël, ajääk baŋ nyeny Icriel ma Jeröbäm, ni kööe, ni «Amøc manynya man tïïe ka ageem dëërï dï pou ma Icriel, ni luupa care bëët caala baa mo peek bäät paac.

Amøc 7:13

'Ba kär luum Jwøk køpï këët Bëthël kany, kiper beeye kar lam mar nyeya, ni näk øt lam thuwø mar paac bäre.»

Amøc 7:17

«Kiper manøgø nø, gïna caan Wuuö Jwøki beeye en, ena köö, «ni ‹Cïïï otïmö na kääbi dï pääny, ni ö wäätï ki nyïïï ni nääi ri leny, ni ö ŋøømmi moï ni rømi ni pääŋŋi jï jø møøk, ni ö ïïni ki dëërï ni thøøï yi ŋöömö mo path. Ni ö jø Icrielli ni maai ki tøŋ, ni käl geni yi ŋöömö marge ni kïth ge paac mør.› »

Amøc 7:9

Kwör lam mo nyïïkwaac Aydhak na en bäät thuuri oränynyi, ni ö uut lammi mo jø Icriel ni nyaai piny, ni öa maal ni raanynya dhi øt nyeya ma Jeröbäm ki leny.»

Amøc 8:14

Jø wø kööŋ dëët juu mo Cameria, ni wø köö, ni ‹Ŋëët Jwøa en Daan,› wala ‹Ŋëët Jwøa en Bëërcïïba,› jøøgø pädhö ni ge ba duu maal këët.»

1 Körin 1:28

Ni Jwøk jiera gïïa can dï jap piny, na näk ojar pinynyi, këël jammi moa näk otagø, kiper nee japi ni en pinyi en nee raanynye.

1 Körin 2:6

'Ba da leec wïc mo wø caanwa caanø dï jøøa wïthge leer. 'Ba paa leec wïc mar pinyi en, wala man wø car jø bëën pinyi en, jøø ni teekge ojøøl yøø.

Tiet Ciik 28:41

Uuno nyöödö ko obwöre ma cwøw ki ma mään, 'ba ge ba bëëdö na mou, kiper ge di maaø ki tøŋ, ni käl ge.

Jøcua 5:9

Køøre Wuuö Jwøk aköö jï Jøcua, ni «Dïcäŋi en, gïna raac na eel jø Ijepi bäätu aŋeela wøk.» 'Ba nyeŋ kaace aput cwøl ni Gëlgela këël dïcäŋi en.

Mana Nyooth 18:17

Kwärö manøgø bäre aränynyö ki yi caa aciel.» Ni ö kwääc jïëthe mo näpa døøŋŋø bëët ki jø wø cäädhi ki jïëthe, ki dïkïïwe, ki jø gath mo wø cäädhi ki jïëth näm, ni cuŋge kany mo bäär,

1 Camiel 11:14

Køøre Camiel aköö jï jiy, ni «Ööu, waa cøø Gëlgela nee rööny tïïø na adïëri.»

1 Camiel 7:16

'Ba ki yi cwiir cooth eni wø cøøa Bëthël ki Gëlgela ki Micpa, ni ŋøl luup mo jø Icriel yïth päänye moøgø bëët.

1 Camiel 8:2

'Ba nyeŋ wääde mana näk kanynye beeye Jööl, ni nyeŋ wääde mana näk julle beeye Abaaja; 'ba geni, ge bëëdö ni gena dïŋut luup Bëërcïïba.