Amøc 5:4 - Wëël Jwøk

⁴ Kiper Wuuö Jwøk aköö na ennø jï dhi øt Icriel, ni «Manynyu aani kiper nou bëëdu nou kwøw;

Amøc 5:4 Iomraidhean Croise

2 Nyeye 20:3

ni «Wui, Wuuö Jwøk, a kwaya ïïni, par wïïï ki mana bëëda naa caatha køørï na adïëri ki cwïnya bäre, ni tïïa ki gïï mo nëëni ni beyø ki jïrï.» Ni ö Edhekaya ni put jwöŋö døc ni yie ee keeyø.

1 Luup Nyeye 28:9

«'Ba kiperï, ï na wääda ma Cølöman en, bëëdï ni Jwøk ŋäyï, ni beeye Jwøa näk Jwø wäru, ni tïnynyï gø ki cwïnyï bäre ka acaayï bäre; kiper Wuuö Jwøk cwïny jiy nëënö jïre bëët, ni jammi bëët mo wø caar jiyi ŋääe. Ni näk mo iï manynyø, ree nyoodhe nyoodhø jïrï; 'ba ni näk mo iï wiiø, ï kwiere kwierø na bäre bäre.

2 Luup Nyeye 15:2

ni ci wøk kuna røømge ki nyeya ma Aca, ni kööe jïgø, ni «Cek ïthï baŋa, ï na nyeya ma Aca, ki uuni bëët, u na jø tuuŋ Juuda ki jø tuuŋ Benjamen. Wuuö Jwøk, kany wø bëëdu dëëre, bëëdö ki uuni. Ni näk mo eni manynyu manynyø, eni jootu joodø; 'Ba ni näk eni you wiiø, u wiie wiiø thuwø.

2 Luup Nyeye 20:3

Kanyøgø Jøcapat aput lwäyö, ni løø nyïme baŋ many Wuuö Jwøk; ni gööc piny ka awaaci dï Juuda bäre nee jøw wötge ni bäŋ cam mo bel.

2 Luup Nyeye 20:4

Ni ö jø Juuda ni cooŋge dëëtge kuna manyge køny mar Wuuö Jwøk, ni ge ööi ka yïth päänye bëët moa näk mo Juuda.

2 Luup Nyeye 34:3

Kiper kanya tïm cwiiri moe na abära bäät nyec ni eni poot thiinh, ena tägö ki man many Jwøk, Jwø kwari ma Deebit; 'ba na tïm cwiiri moe na apaar kurriiø bäät nyec, jap juuga reyø na en yi Juuda ki yi Jerucalem atääe ki man raany ge, ni beege kwör lam moa no otïïö bäät thuuri, ki jera no ocaa ri jwø wø cwøl na Acara, ki kït gïï wø lam moa näk otieŋø ki moa näk oleenyø.

Aydheea 31:1

Wui, otïmö ni leth jï jø oci Ijep kiper køny, ni beege jø wø kïth ŋäädhe marge bäät okwëënyi, ni wø ŋääth thööth mar jïëth leny mo wø tut okwëënyi, ni wø ŋääth teek mar jø leny mo wø këëdi ki bäät okwëënyi; 'ba geni, ge kär göök ri Jwø Icriel na en kur keere, ni kärge eni manynyø, eni na Wuuö Jwøk.

Aydheea 55:3

Wïnynyu mara, ni ööu baŋa; cegu ïthu nou bëëdu nou kwøw. Aani a tudö ki luubö ki uuni mo bëëdö na bäre bäre, ki køør mëër mara na näk adïëri na nyoodha jï Deebit.

Jeremaya 38:20

'Ba Jeremaya aköö, ni «Ï ba cïpge ceŋ jøøgø. Beerra man wïnynyï luum Wuuö Jwøk man caana jïrï en; køøre tïmö ni beer kiperï, ni bëëdï niï kwøw.

Edhikiel 18:9

mo eni cäädhi ka køør luup 'moa ni ciik 'moa ee gwøø na kare, teeŋ ŋatøgø nø beeye dhaanhø mo bëëtö mare tiir; ka adïëri møn, eni bëëdö ni kwøw. Luummögø caana aani, a na Kwäärö Wuuö Jwøk.

Odheea 10:12

Piithu bëënynyö kiper dëëtu, ni kayu nyïëdi mo mëër mana näk ba jøøl, ni cäŋu pwöth mou puurru na akamme, kiper beeye kare ennø ki man many Wuuö Jwøk, këël kanyo ööe noo tïïc bëënynyö nee pädhe bäätu kaamar køth.

Amøc 5:6

Manynyu Wuuö Jwøk kiper nou bëëdu nou kwøw. 'Ba ni näk mo ba tïïyu, eni nakwïïth kaamar maac dhi øt Jocep, ni waaŋ Bëthël ni bäŋ ŋat mo bïp gø.

Jepaniya 2:3

Manynyu Wuuö Jwøk, u na mwöl bëët bäät piny, ni wø gwøk ciik Wuuö Jwøk. Manynyu bëënynyö, ni manynyu bëët mööl; kanymør u gwøe gwøø cäŋ wëër mare.

Mathiew 7:8

Kiper jiy bëët mo wø pëëö, wø di cïbö jïge. Ni ŋat wø määnyö, wø joode joodø. Ni ŋat wø dööŋö, wø di jabø jïre.

Tiet Ciik 32:46

ena köö, ni «Gwøgu luup moi bëët ni köömma uuni ki ge dïcäŋi en; ni köömmu obwöre mou ki luup ciik moøgø bëët kiper nee gwøkge ni kïthge ge bäät tïïc.

Tiet Ciik 32:47

Kiper luup moøgø patha luup mo oballe jaak kiperu; 'ba beege luup mo duunnö ki kwøw jïïu. Ni luupögø nïr kwøw mou moo beetu meetge meedø yi ŋöömmo ŋutu yie løø Naam Jördan løøga noo lwørru na maru.»

Tiet Ciik 4:29

'Ba Wuuö Jwøk na näk Jwøu omanynyu kanyo enu kaace, 'ba eno jootu kanyo näk mo eni you manynyø ki cwïnynyu ki jwïëyu bäre.