Amøc 5:22 - Wëël Jwøk

²² Këël u doo cïpö jïra ko olämme mo wø waaŋ, ki muuce mo beel, a ba jïëy ki geni; këël lääy mou moa näk olør mo wø cïpu no olämme kiper mëër, jïge ba neena.

Amøc 5:22 Iomraidhean Croise

Pwöc Leec Wïc 15:8

Wuuö Jwøk yie raac ko olämme mo jøøa reyø, 'ba yie wø mïnni ka lam mar jøøa marge thïïŋ.

Pwöc Leec Wïc 21:27

?Ni näk mo Jwøk yie raac ko olämi mar ŋata raac, a rääye onäk nyïëdi nø kanyo cïp gø ki cwïny mo raac?

Aydheea 1:11

Wuuö Jwøk aköö, no «?Olämme mou na thööth kønyge ŋø kipera? Aana jøøm ko olämme mo wø waaŋ bäre mou moø ni thööth yøø, ni beege olämme mo nyöök rööm ki dwäle mo dhäk. Yia ba mïnni ki rem mo rwädhe ki mo nyïïdïëk, wala rem atëëe.

Aydheea 66:3

'Ba ŋat wø 'näk dhieŋ nee cïbe no olämi, caala ŋat mo 'näga dhaanhø; ni ŋat wø 'näk nyidiel caala ŋat mo toora ŋut gwök, ni ŋat wø cïp beel na muuy caala ŋat mo cïpa rem othur; ni ö ŋat wø waaŋ jer wø jïcge ŋwääi ni met ni caal ŋat mo wøøra kït gïï wø lam. Gena tïmö ni ge jiera uutjïëthe moge, ni yïthge mïnni ka japge ni wø raac yia ki ge.

Jeremaya 14:10

'Ba mana løk Wuuö Jwøki kiper jøøi ii beeye en, ena köö, ni «Jøøi ii, ge mëër ka wïïrö køør juu møøk, ni dëëtge kärge mänö ki wääth køørge. Kiper manøgønø, ge ba jïëa, a na Wuuö Jwøk, ni ennø, bääyö marge bëëdö ni ŋääa, ni jääla geni kiper raay moge.»

Jeremaya 6:20

?U na jiya, aperŋø nø ni wø kännu baŋa ki dwøø man wø jïye ŋwääi ni met ki yi Cïïba en? ?Na aperŋø thuwø ni wø kännu baŋa ki luum wø maare ŋwääi ni met ki paac mo kare bäär en? Olämme mou mo wø waaŋ bäre a ba jïëy ki geni, ni yia ba mïnni thuwø ko olämme møøk mo wø cïpu.»

Jeremaya 7:21

Luumma caan Wuuö Jwøki, eni na wïth jammi bëët, eni na Jwø Icriel, na caane ki räny cwïny, beeye en, ena köö, ni «U na jiya, rïk olämme mou moa dou waaŋø bäre jïra, dwallu gø ko olämme møga wäne, ni cammu geni jaak!

Ciik Kiper Dïlämme 7:11

« ‹'Ba man beeye ciik kiper olämme mo wø cïp jï Wuuö Jwøk ni wø duunni ki mëër.

Amøc 5:23

Käru lweelli ki dudi mou buuta; ïtha ba ciia ki dööt thøme mou.

Milkiya 1:9

«'Ba kawaane, u na dïlämme, ?aŋø ni ba kwayu Jwøk nø nee yie tïme ni bäth ki waani? ?Aŋø, ki køør teeŋ olämme mo wø cïpu yøø, løny jïre ki man pänh uuni ni yie met?» Gïnögø poot caana Wuuö Jwøki, eni na wïth jammi bëët.

1 Camiel 15:22

'Ba Camiel aköö, na «?Aŋø, Wuuö Jwøk yie met ko olämme mo wø waaŋ bäre ki teeŋ olämme møøk ni kaala man wïny dwøre, eni na Wuuö Jwøk? Neenï, ki man wïny dwøre pöödha eni døc ni kaala man cïpö ko olämme jïre, ni ki man leŋ mare pöödha eni ni kaala man waaŋ dwäle mo nyöök rööm no olämme.