Amøc 5:16 - Wëël Jwøk

¹⁶ Ki køør gïïa tïïyu bëët, kwäärö Wuuö Jwøk, eni na wïth jammi bëët, aköö na ennø, «Dï paac otïmö ni da oduuru ni jiy jwöŋö ni ‹Wui wui›. Ni ö jø puurri ni cwøli kuna jwöŋge, ni ö jø wø ŋäc jwøk thøø ni cwøli baŋ gøøy oduuru;

Amøc 5:16 Iomraidhean Croise

2 Luup Nyeye 35:25

'Ba Jeremaya acääö ki duut man jwøk Jöcaya ki gø; 'ba këël yïth nïne moi jø wär ki dudi moa näk cwøw ki mään bëët, kany wø wärge ki dudi mo wø wär kiper thøø, wïthge wø parge parø ki Jöcaya. 'Ba gïnögø aput tïmö na kööŋŋö ki Icriel, ni gööri piny yi wëël dudi mo wø jwøk jiy ki ge kany wø thøwge.

Aydheea 15:8

Ni ö oduuru marge ni gääp dï ŋööm Möap bäre, këël mana pïïe Eglam ki Bëër-Elim.

Aydheea 22:12

Kiper manøgønø, dïcäŋeca, Kwäärö Wuuö Jwøk, eni na wïth jammi bëët, uuna cwøle nou jwöŋu nou gööu ko oduuru, nee wïthu gwääru wøk, ni dwølu keece dëëtu kiper pänh cwïny maru.

Jeremaya 30:5

ni «Luumma caan Wuuö Jwøki beeye en: Da dööt jiy mo wïnyö, mo dëëtge kwanynyi ki lwär mo dwøŋ, ni bäŋ bëët-mëër poge.

Jeremaya 4:31

Da dwøl maa wïnynya mo keda dwør dhaagø mo ree da mäc lwaar, ki cooyø mo caala mar dhaagø mo lwaar ka kanynye, ni beeye Jerucalem na jwöŋö ni ŋëëte gäŋŋö, ni ceŋŋe ee thaaŋø, ni köö, «Wui, aano ränynyö; aana thøø ceŋ dïnäk jiy.»

Jeremaya 9:10

Aani, a jwöŋö ni kïmma kiper powa bäre, këël kïte moa en yie, ni gööa ko oduuru kiper kwör kwaath na en dï paap, kiper gena ränynyö, ni bäŋe ŋat mo ci yïthge, ni bäŋe dwør dhieŋ mo wïnyi. Ni ö wenynyi ki lääy bëët ni bwøkge ni aacge.

Jeremaya 9:16

Ni keetha geni dï wïth juurre mo kucge, mo kuc wëëkge thuwø. Ni jääŋŋa tøŋ køørge këël mano thööra geni.»

Odheea 4:3

Kiper manøgønø, ŋöömö atal ni kïmme, ni ö jiyi moa bëëdö yie bëët ni öölge, ni rwöbe ka lääc paap ki wec maal bëët, ni ö reci moa en yi naama dwøŋ ni putge rwäänyö.

Jool 1:11

Wui jø puur, wïthu lääge. Wui jø wø piith omøki, gööu ko oduuru, ni kïmmu kiper beel mou, ni beege cïndë ki gäbci, kiper caammi mo pwöth aränynyö.

Jool 1:14

Uuni, gööyu piny ki cäŋ mo you cïp kur keere mo jiy ba cämö yie, ni cwötu ka acooŋa mo ena kur keere, ni cooŋŋu jø døøŋŋø yi Øt Wuuö Jwøk, Jwøk maru, ki jø wø bëëdö yi paac bëët, ni gööu ko oduuru dëër Wuuö Jwøk.

Jool 1:15

'Ba otïmö ni raac kiper cäŋ mano ööi, kiper cäŋ mar Wuuö Jwøk kare acäännö. Cäŋögø öö na cäŋ aranya, ni käla baŋ Jwøa en teeki jïre.

Jool 1:8

Uuni, jwöŋu kaamar nyakøø mo keeca ee røø dëëre, mo jwøga cwøre mo poot na muda.

Amøc 3:13

Wuuö Jwøk eni na wïth jammi bëët acäänö na ennø, ni kööe, ni «Wïnynyu mara, ni caannu gø dëët jic Jeekap.

Amøc 5:27

Kiper manøgø nø, u wëëga mak ki tøŋ ni kïth uuni ŋää Damacka.» Luummögø caana Wuuö Jwøki, eni na wïth jammi bëët.

Amøc 8:10

Nïr ajwöm mou odøøya nïr kïmmö, ni døøya dut met ec mou mo oduuru. Ni wëëga uuni bëët käär abïïk keece ni nyootha kïmmö maru, ni wïthu ogwäär wøk; dïcäŋöce uuno tïïa nou caala dhaanhø mo kïmmö kiper nyilaal mare ma aciel keere, ni tïm aŋuun dïcäŋöce na pänh cwïny jïïu.»

Amøc 8:3

«Dïcäŋöce dudi moo wär po nyeya otïmö na mo jwøk thøø. Ni gääp pinynyi bäre ki dëët jøøa no othøw, ni tuut geni wøk ni bäŋ dwøl mo wïnyi.» Beeye Wuuö Jwøk ni cäänö enø.

Mikiya 1:8

'Ba kiper gïïögø, a na Mikiya, a jwöŋö ni gööa ko oduuru, ni bëëda naa cäädhi ki thäny tieta, ni dëëra bäŋ abïï, ni jwöŋa kaamar othöö, ni jwöŋa kaamar tula.

Mikiya 2:4

'Ba dïcäŋece uuno cäŋ jiyi ki duut, ni duudögø beeye duut mar jwøk keec ec, ni beeye duut mano løøgu ni kööu, ni ‹Waana ränynyö na bäre! Wuuö Jwøk ŋøøp jø powa alwøre, alwøre baŋwa møn, ni cïp pwöth mowa jï jø wø mac paac.› »

Mana Nyooth 18:10

'Ba geno cuŋŋi kany mo bäär ni ge lwäära caannø mare, ni köge, ni «Wui, wui, paana dwøŋ, ïïna ränynyö. Wui, ï na Babiløn na teek, ränynyö marï apïï ki yi caa aciel!»

Mana Nyooth 18:19

Ni jøøpge tør wïthge kanya jwöŋge, ni ge guyö døc, ni «Wui wui, paana dwøŋ aränynyö, paana ö jøøa jïge da jïëthe bëët yïth näpa døøŋŋø na kwärge ki køør kwär mare. Ena ränynyö ki yi caa aciel.»