Amøc 5:15 - Wëël Jwøk

¹⁵ Männu ki gïna raac, ni mëërru ki gïna beer, ni cïpu ŋøl ma kare kar løøk; kanymør Wuuö Jwøk, eni na wïth jammi bëët, yie bänhnhö ki jø paac moa dööŋ.

Amøc 5:15 Iomraidhean Croise

2 Camiel 16:12

Kanymør thuwø Wuuö Jwøk caannø man caan a ki gø en di neenø ni tïïe ki gïn mo beer jïra na kar ajaany man jany aani ki gø dïcäŋi en.»

1 Nyeye 20:31

'Ba jø kööre moe aköö jïre, ni «Neenï, awïnywa ni nyeye mo jø Icriel gena nyeye mo yïthge bäth. Ennø, kïthø dëëtø ki keece, ni tööyø cwägø ki thøøli, ni cøø wøk baŋ nyeny Icriel. Kanymør ï wiie wiiø niï ba nääe.»

2 Nyeye 13:7

'Ba jø leny mo wø cäädhi ki bäät okwëënyi moa dööŋ jï Jeyöakac, kwäänge ba pöödhi ki kwään jiy ma pïërabïïc, ni kwään jïëth leny mo wø tut okwëënyi ba pöödhi ka apaar, ni kwään jø leny mo wø këëdi ki piny ba pöödhi ki kume apaar, kiper gena 'näk nyeny Arammi, ni nyør geni ni ŋethge kaamar tør.

2 Nyeye 15:29

'Ba ki yïth nïne moa bëët Peka ni ena nyeny Icriel, Tiglat-Pilëëcër nyeny Aciria aöö ni mak päänye moa cwøl ni Ijöön, ki Abël-Bëëth-Maika, ki Janöa, ki Këdëc, ka Adhör, ki ŋööm Gelät ki ŋööm Galili, ni beeye ŋööm jø tuuŋ Naptali bäre; ni mak jiy ki tøŋ ni kïth ge ya Aciria.

2 Nyeye 19:4

Kanymør ni Wuuö Jwøk, Jwøk marï, luup bëët moa caan Rapcakë, ŋata jääŋ nyeny Aciria nee eni na Jwøa kwøw pääde, wïnynye wïnynyö, ni ö eni na Wuuö Jwøk ni jook ŋata wïny luup moøgø dhi gø. 'Ba kiper manøgønø, beerra man lämï jï Wuuö Jwøk kiper jiy moa no odööŋ ni kwøw.› »

Dut Pwøc 80:1

Bwøth Wøk 32:30

'Ba na tïme na aruunnø man, Modhe aköö jï jø Icriel, ni «Uuni, uuna bääyö ki bääyö mo dwøŋ døc kiree; 'ba ennø, a cøøa maal bäät kïdi baŋ Wuuö Jwøk; kanymør løny jïra ki man dee gïn mo tïïa tïïö mo wëënna bääyö maru.»

Jeremaya 18:8

'Ba ni näk mo jøøa cääna dëëtge ki luubö, cwïnyge løkge løø ni wecge gïïa reyø, aani, cwïnya dwøga piny ki gïna leth na caara ni daa tïïö dëëtge.

Jeremaya 22:3

Luumma caan Wuuö Jwøki beeye en: Ŋøllu luup na karge ki jöö ma adïëri, ni kønynyu jiy mo wø japge møt ceŋ jø wø caan geni. Käru bääyö dëër jur mo bëëdö dïïu, ki kïïc, ki cï thøø, ni ba tïïu ki gïï mo reyø dëëtge, ni ba kønynyu rem jiy piny kany, mo bäŋ gïn mo ege baaø.

Jeremaya 31:7

Kiper man beeye mana caan Wuuö Jwøki, ena köö, ni «Wärru ni yïthu met ni döötu ena maal kiper nyïïkwaac Jeekap, ni kwöŋŋu ki met ec kiperge, ge na karge dwøŋ dï wïth juurre, ni køpu pwøc maru ni kwayu Jwøk, nou köö, ni ‹Wuuö Jwøk, piem jiyï ma jø Icriel moa näk odööŋ ni kwøw.›

Edhikiel 45:9

« ‹'Ba man bee luumma caan Kwäärö Wuuö Jwøki, ena köö: Wui, u na dïbwöthe mo Icriel, yïthu thumge nø ni weyu japa reyø ni wø tïïyu, ki thiel jiya piny, ni tïmu nou tïïya ŋøl ma kare, ki tïïc gïn ma adïëri, ni weyu jiya ki man riemu ge wøk ki yïth ŋøøm moge. Luummögø caana aani, a na Kwäärö Wuuö Jwøk.

Daniel 2:49

Ni ö Danielli ni kwac nyeya, ni ö nyeya ni røøny Cidarak, ki Micak, ka Abedenagø na jø käär ŋööm Babiløn; 'ba eni na Daniel eni bëëdö cwöt.

Jool 2:14

?Aŋa ni ŋäc gø? Kanymør ree di løø, ni war cwïnye, ni wëëk køøre ki gwïëth, ni jïtu ki beel ki kwøŋ mo løny ki man cïpu ge na muuce jïre, eni na Wuuö Jwøk, Jwøk maru.

Amøc 5:10

U män ki ŋat mo jooga luubö mo raac kar løøk, ni yïthu reyø ki ŋat mo caana adïëri.

Amøc 5:24

'Ba beerra man tïm ŋølli ma kare ni paac ee maa kaamar jwïïö, ni ö bëëtö ma kare ni pälle kaamar naam mo kwödö ni ba tal.

Amøc 5:6

Manynyu Wuuö Jwøk kiper nou bëëdu nou kwøw. 'Ba ni näk mo ba tïïyu, eni nakwïïth kaamar maac dhi øt Jocep, ni waaŋ Bëthël ni bäŋ ŋat mo bïp gø.

Amøc 6:12

?Aŋø, okwëënyi rïïŋö ki bäät kïte? ?Wala da ŋat mo puura naam ki dhäk? 'Ba uuni ŋøl ma adïëri awiillu, ni tïïyu gø ni raac kaamar cïm, ni døøyu gïïa beyø mo reyø.

Amøc 7:3

Køøre Wuuö Jwøk cwïnye aware ni kööe, ni «Gïnögø ba tägi këët.»

Joona 1:6

'Ba kwääc baabuur aci baŋe ni pëëny gø, na «?Aŋø, ï butï kiperŋø? Ö maal ni cwølï Jwøï. Kanymør Jwøk cädö kiperø, kiper nøø ba thøø.»

Joona 3:9

Aŋa ni ŋäc gø, kanymør Jwøk dëëre di luuö ni war cwïnye, ni paany wëër mare bäätø ni wø liel kaamar maac, kiper nøø ba thøø.› »

Mikiya 2:12

'Ba mana caan Wuuö Jwøki beeye en, ena köö, ni «U na nyïïkwaac Jeekap, u cooŋa kanya ciel u bëët, ni lema uuni, u na jø Icriel moo dööŋ, ni cïba uuni kanya ciel kaamar dïëk mo ena kaal, ni cuuny pinynyi ki jiy.»

Mikiya 3:2

Bee u ni wø män ki gïna beer ni mëërru ki gïna raac. Gïna raac ni wø tïïyu, keda u gøøpa dëët jiy, ni kee u käla rïk dëëtge wøk;

Mikiya 5:3

'Ba kiper manøgønø, Wuuö Jwøk jiye cïbe ceŋ nyïïmän, këël kanyo ö nyakøøe noo jït dëëre ki mäc noo lwaare ki nyilaal. Køøre thäk jø poge moa mak ki tøŋ na dööŋ oduui, ni dwätge ki jø poge ma jø Icriel.

Jepaniya 2:3

Manynyu Wuuö Jwøk, u na mwöl bëët bäät piny, ni wø gwøk ciik Wuuö Jwøk. Manynyu bëënynyö, ni manynyu bëët mööl; kanymør u gwøe gwøø cäŋ wëër mare.

Milkiya 3:18

Køøre nø, ocäŋ tïmö ni løny jïïu ki man ŋäyu ŋata beer ki ŋata raac; këël ŋat wø tïny Jwøk ki ŋat wø ba tïny gø ŋäyu ŋääö thuwø.»

Wëëlö Mana Göör Pøølli Baŋ Jø Röm 12:9

Beerra man mëërru ki mëër mo ree bäŋ atade. Männu ki gïno raac ni magu gïno beer.

Wëëlö Mana Göör Pøølli Baŋ Jø Röm 7:22

Kiper yia met ki ciik Jwøk ki yi cwïnya kiree,

Wëëlö Mana Göör Pøølli Baŋ Jø Röm 8:7

Kiper cwïny man wø näk ocïp køør dëël, män ki Jwøk, ni dwør ciik Jwøk ba leŋe, ni ba maar lønyø jïre ki man leŋ gø.

3 Jøøn 1:11

'Ba omëëya, kär tïï raay ŋwaalï, 'ba ŋwaal gïn wø beer. Ŋat wø tïïc gïn mo beer, ena mar Jwøk. 'Ba ŋat wø tïïc raay, Jwøk poot käre joodø.