Amøc 5:14 - Wëël Jwøk

¹⁴ Manynyu tïïe moa beyø ni patha tïïe moa reyø, kiper nou bëëdu nou kwøw. Køøre nø, Wuuö Jwøk, eni na wïth jammi bëët, otïmö ni ena buutu møn, ni put thur kare, keda mana køpu gø.

Amøc 5:14 Iomraidhean Croise

Wïlöölö 39:23

Ni ö ŋata en øt twöci cere ni tïme ni bäŋ gïn lääŋŋe kiper gïïa en cer Jocep, kiper Wuuö Jwøk nutö buute, ni ö Wuuö Jwøki ni put tïïe moe bëët gwïëth.

1 Luup Nyeye 28:20

Køøre Deebit aköö jï wääde ma Cølöman, ni «Mak riï ni bëëdï niï teek, ni tïïyï gïïögø bëët; kärï lwäyö ni ba bwøk cwïnyï; kiper Wuuö Jwøk, eni na Jwøk mara, ena buutï. Eni ï ba wiie këël kanyo thum tïï jammi bëët mo wø tïïc Øt Wuuö Jwøk.

2 Luup Nyeye 15:2

ni ci wøk kuna røømge ki nyeya ma Aca, ni kööe jïgø, ni «Cek ïthï baŋa, ï na nyeya ma Aca, ki uuni bëët, u na jø tuuŋ Juuda ki jø tuuŋ Benjamen. Wuuö Jwøk, kany wø bëëdu dëëre, bëëdö ki uuni. Ni näk mo eni manynyu manynyø, eni jootu joodø; 'Ba ni näk eni you wiiø, u wiie wiiø thuwø.

Bwøth Wøk 3:12

Ni kö Jwøki, ni «Ka adïëri møn, aano en buutï; 'ba gïno ŋäyï gø ki gø ni beeye aani na jääŋ ïïni beeye en, kanyo nø kälï jiy wøk ki yi Ijep, aano wøørru ni aana Jwøk maru bäät kïdi man en.»

Pwöc Leec Wïc 11:27

Ŋat wø many bëënynyö ki cwïnye bäre, jïtö ki met ec baŋ jiy, 'ba ŋat wø many gïn mo raac, ränynyö pïï bääte.

Aydheea 55:2

?Aŋø ni raanynyu gwetu jaak en ki ŋïëw gïï mo patha caammi? ?Aŋø ni wø kälu gwetu wøk moa jootu ki køør kwäk maru nou ŋeewa gïï mo u ba jäŋ ki ge en? Ennø, cegu ïthu na kare ki dwøra, ni cammu cam mana beer, ni mïn yïthu ki cam mana beer na kaal caammi bëët.

Aydheea 8:10

Tïïyu uutjïëth tïïe mou, 'ba bäŋ gïn duuge; cïbu uutjïëth tïïe mou piny, 'ba ba løny tïïc jïïu, kiper Jwøk ena buutwa.

Amøc 3:3

?Aŋø, jiy ariiø ocääthge na aciel nidïï, ni näk mo gïr wääth kärge tuudö?

Amøc 5:6

Manynyu Wuuö Jwøk kiper nou bëëdu nou kwøw. 'Ba ni näk mo ba tïïyu, eni nakwïïth kaamar maac dhi øt Jocep, ni waaŋ Bëthël ni bäŋ ŋat mo bïp gø.

Mikiya 3:11

U na dïbwöthe mo päänyögø, luup wø ŋøllu ka køør gïï wø cïp jïïu ki piny, ni ö dïlämme moe ni pwönyge jiy ki ciik ni ge di cunnö ki jammi, ni ö nyïïkuk Jwøki moe ni køpge luup adïëda kany wø mooc geni ki gwel. 'Ba ge wø poot köö ni dëëtge ege jääŋö dëër Wuuö Jwøk, ni ge köö, na «?Aŋø, Wuuö Jwøk ba bëëdö ni nut yïthakicwa? Bäŋ gïn mo leth mo ö bäätwa.»

Mikiya 6:8

Wui ï na dhaanhø, Wuuö Jwøk gïna beer anyoodhe jïrï. ?'Ba Wuuö Jwøk agïnaŋø ni manynye baŋï? Beeye ki man ŋølï luup na karge, ki man nyoothï mëër man wø ba jøøl, ki man cäädhï ki Jwøk marï ni riï iï dwøk piny.

Jepaniya 2:3

Manynyu Wuuö Jwøk, u na mwöl bëët bäät piny, ni wø gwøk ciik Wuuö Jwøk. Manynyu bëënynyö, ni manynyu bëët mööl; kanymør u gwøe gwøø cäŋ wëër mare.

Kwään Jiy 16:3

'Ba geni rege acooŋge kiper Modhe ka Aran ni köge jïge, «Wui, maru ka akadhø nø; kiper jø lwaak bëët beege jiy mo ena kur keerge ni gena mo Wuuö Jwøk, ni ö Wuuö Jwøki ni en dïge. ?Aperŋø nø ni tïïyu rou nou døøŋŋø bäät lwaa Wuuö Jwøk?»

Mathiew 1:23

ni «Nyakøø mo dëër dïcwøø poot kuue ojïti ki nyilaal ma cïïŋŋö; 'ba nyeŋŋe ocak ni Imanuwel», na näk tiere beeye ni «Jwøk ena buutø».

Mathiew 28:20

Ni pwönynyu geni ki man gwøkge gïïa caana jïïu bëët. 'Ba aani, aano en buutu cooth këël kanyo ŋuut pinynyi yie.»

Mathiew 6:33

'Ba kwøŋu buc Jwøk ki beeny Jwøk cayø. Køøre nø, gïïögø bëët owëëk uuni thuwø.

2 Timöthi 4:22

'Ba Wuuö bëëde cwïnyï, ni bëët met eci bäätu.

Jøcua 1:9

Ennø, a köömma ïïni. Mak riï ni bëëdï niï teek; ni ba bwøk cwïnyï ni ba lwäyï, kiper a na Wuuö Jwøk na näk Jwøk marï, a ena buutï kany wø ciï yie jaak.»