Amøc 5:12 - Wëël Jwøk

¹² Kiper päl bääyö maru, ki raay mou na thööth, ŋääa, uuni ni wø caan jøøa beyø, ni kädu ki gïï wø cïp ki piny, ni mänu jøøa can ki man jïtge ki ŋøl ma kare.

Amøc 5:12 Iomraidhean Croise

Jööp 20:19

Kiper eni jøøa can acaare ni wëëk ge dööŋŋe jaak ki ceŋge, ni ö uudi mo ba geera eni ni tïïc ge na thööge.

Jööp 31:21

ni cera yaa tïŋ maal bäät obwöre moa näk kïïe, kiper mana ŋääa gø naa di cwaaø kar løøk,

Bwøth Wøk 23:3

Kär dhaanhø cwagï kar løøk kiper can mare.

Bwøth Wøk 23:6

«Luum ŋata can kär kaatï kar løøk.

Pwöc Leec Wïc 17:8

Jammi mo wø cïp ki piny beege ni wø ŋääth ŋat wø cïp gø, ni ki jïre kany wø ci yie, gïïa manynye di joodø.

Pwöc Leec Wïc 22:22

Kär niï twiera ŋata can kiper na cane, ni ba thielï luubö piny mar ŋata näk jïre bäŋ teek kar løøk;

Aydheea 1:23

Kwääri moï gena jø ageem, ni rege ege dwalø ki kuuwe; ge bëët, ge mëër ki man cun geni ki gwel ki piny, ni ge rïïŋö køør muuce nee camge. Ge bëëdö ni kïïe ba gwøkge, ni ïthge ba cekge ki luup määr thuunhnhi kany wø pëëge kiper køny.

Aydheea 10:2

nee luup jøøa näk jïge bäŋ teek na can nee ba ŋølge na kare, ni teek bëëtö mar jiya moa can ba gwøkge; nee bëëtge ni ge møønna määr thuunhnhi, ni jap kïïe twierge twierø.

Aydheea 29:21

ni beege jø wø kïth luup bäät jiy ni wø kat luup kar løøk, ni ge cara luup tööt, kiper nee jøøa marge tiir nee ba ŋunni kar løøk.

Aydheea 33:15

Beeye ŋat wø bëëdö ki bëëtö ma kare, ni wø cäänö ki luup ma adïëri, ni beeye ŋat wø kweer ki käl jammi ki jöö mo raac, ni wø bëëdö ni ba jïëy ki jammi mo wø cïp ki piny, ni wø ïthe ba ciie ki luup jiy mo nääö ki piny, ni wø män ree ki raŋ gïï mo reyø.

Aydheea 47:9

'Ba gïïögø na ariiø yøø puta tägö dëërï ni cwöba rïï ki dïcäŋ aciel keere. Obwöre moï thøw, ni dööŋï ni ïïna cï thøø. Gïïögø bëët tägö dëërï na kare kiree, këël na bëëdï ni jïrï da jap ajuuk mo thööth, ki teek mo dwøŋ man wø tïïyï ki køør thïëth marï.

Aydheea 5:23

jø wø jïëc luum dhaanhø mo mare raac ki køør gïn wø cïp ki piny, ni wø kwier luum ŋata beer na mare thïïŋ.

Aydheea 66:18

«'Ba kiper mana ŋääa tïïe moge ka acaare moge, aani a öö ni cooŋa wïth juurre ki teeŋ dhøgi bëët; ni öge ni putge ajiem mara joot.

Jeremaya 29:23

kiper mana tïïge ki gïï mo määnö dï Icriel; gena kännö ki luui ki määr nyïïawäätge, ni cäänge ki luup tööt ki nyeŋŋa, mo ge kära köömmö ki geni; 'ba aani, gïïögø ŋääa, kiper ge nëënö jïra.» Luummögø caana Wuuö Jwøki.

Wëël Kïmmö 3:34

'Ba kanyo tïm jø paaci bëët moa en øt twöc ni geno nyøøn piny,

Edhikiel 13:22

Kiper cwïny jøøa beyø awëëgu pädhö ki luup tööt mou; ni beege jøøa näk kära tïïö nee kïmge. 'Ba uuna tïmö nou cøømma cwïny jøøa reyø ki man ba wecge uutjïëthe moge na reyø, nee ge ba jïtge ki pïëm mana dege piemø ki gø.

Odheea 5:3

Aani bëët Ipariem ŋääa bäre, ni jø Icriel rege ba løny ki man kange gø ki aani; ennø, u na jø Ipariem, røgu anø løøu køør käp, ni ö Icrielli ni raany dëëre.

Amøc 2:16

Këël ŋat mo oteeø røk jø leny reeŋø ni bäŋ abïï dëëre dïcäŋöce.» Beeye Wuuö Jwøk ni cäänö enø.

Amøc 2:3

Nyeny Möap nääa nääö ki nyïïkuk moe bëët.» Gïnögø caana Wuuö Jwøki.

Amøc 5:10

U män ki ŋat mo jooga luubö mo raac kar løøk, ni yïthu reyø ki ŋat mo caana adïëri.

Amøc 5:7

Gïnögø otägi dëëtu, uuni ni wø wiil ŋøl ma adïëri ni tïïyu gø ni raac, ni leeŋu gïna näk kare piny.

Amøc 8:4

Wïnynyu gïn, uuni ni wø thiel jøøa can piny, ni dïïrru wïth jøøa näk oööl dï paac bäre,

Mikiya 3:11

U na dïbwöthe mo päänyögø, luup wø ŋøllu ka køør gïï wø cïp jïïu ki piny, ni ö dïlämme moe ni pwönyge jiy ki ciik ni ge di cunnö ki jammi, ni ö nyïïkuk Jwøki moe ni køpge luup adïëda kany wø mooc geni ki gwel. 'Ba ge wø poot köö ni dëëtge ege jääŋö dëër Wuuö Jwøk, ni ge köö, na «?Aŋø, Wuuö Jwøk ba bëëdö ni nut yïthakicwa? Bäŋ gïn mo leth mo ö bäätwa.»

Mikiya 7:3

Ceŋ moge tïï gïn mo raac ege kwanyø ni beer kiree. Dïbwödhi ki dïŋut luup wø manynya gïï mo di cïbö jïge ki piny; ni ŋata kare dwøŋ wø caana mana en cwïnye jaak, ni geni luubö wø meenge meenø na aciel.

Milkiya 3:5

Wuuö Jwøk, eni na wïth jammi bëët, aköö, ni «Aano ö baŋu kuna jääla uuni, ni puta mara caan dëët ajuuk ki jø luuy ki jø wø kööŋ ni marge tööt, ki jø wø møt gwet jø tïïc, ni wø thiel määr thuunhnhi ki kïïe piny, ki jø wø daaŋ luum wëëlle mo path ki jöö mo patha kare; ni beege jø wø ba lwäär ki aani thuwø.»

Moa Tïïc Nyïïatwieli 7:52

?A nyikuŋ Jwøk mane na kär caar kwäyu? Geni, jøøa køp ööny ŋata mare beer kanya poode anäkge, 'ba uuni nø, ŋatøgø acïbu ceŋ nyïïmän ni 'nägu gø,

Tiet Ciik 16:18

«'Ba wäru röönyu ki kwääri ki jø wø ŋøl luup yïth päänye mou bëët moo cïp Wuuö Jwøki na näk Jwøu jïïu, ni røønynyu ki køør wïth tuŋi mou; ni ŋøørge luup jiy na karge.

Tiet Ciik 31:21

'Ba kanyo tïme ni gïï mo leth ki gïï mo reyø pïï bäätge, duut man otïmö na gïn mo nyootha bääyö marge jïge; ni bëëde na duut mo nut dhøk nyïïkwaacge ni ge wära gø cooth, ni wïthge ba wïl ki gø. Kiper acaara mano caarge ki cwïnyge dïcäŋi enø, ŋääa cøøn këël na bëëde ni ge poot kära kïth yi ŋöömma kööŋa kipere jï kwäcge.»

Jeemeth 5:4

Neennu, gwet jøøa kac pwöth mou na møtu atïmö ni rëëdö. Ni ö oduuru mar jøøa kac caammi mou ni wïnye ïth Kwäärö Wuuö Jwøk, eni na wïth jammi bëët.

Jeemeth 5:6

Ni jäällu ŋat mo mare beer ni 'nägu gø. 'Ba eni bäŋ wø pïëmö ki uuni.

Ruuth 4:1

Køøre Böeeth aci dhi kiir kar acooŋa, ni pï piny kaace. 'Ba ŋata doo dööŋ ki Ruuth na wäŋ Böeethi acur kaagø. Ni kö Böeethi jïgø, ni «Nyie, gääï mø, ni pïï piny kany.» Ni ö ŋatøgø ni gääe ni put pï piny.

1 Camiel 8:3

'Ba wäät Camiel jöör wääge kärge caadhø; gena gaa wøk ni tïm cwïnyge ni päl ki jammi, ni kätge ki jammi mo wø cïp ki piny, ni daaŋge luup jiy.