Amøc 5:11 - Wëël Jwøk

¹¹ Jøøa can wø thielu piny, ni jwägu geni ki beel. kiper manøgø nø, këël na gëënnu dëëtu ki uut kïte mo mïërö, u ba bëëdö yïthge; këël na pïïdhu ki jer omøki mo mïërö, u ba mädhö ki kwøk nyïïomøki moøgø.

Amøc 5:11 Iomraidhean Croise

Jööp 20:19

Kiper eni jøøa can acaare ni wëëk ge dööŋŋe jaak ki ceŋge, ni ö uudi mo ba geera eni ni tïïc ge na thööge.

Aydheea 16:10

Met ec ki kanynyø mana wara en yïth pwöth nyïïjenni mou aŋøl, ni tïme ni bäŋ kwöŋŋö mar met ec, wala duut mo di wärö yïth pwöth nyïïomøki, ni bäŋ dhaanhø mo nyööbö këët ki køøŋ nyïïomøki; kiper kwöŋŋö mar met ec yaa nø ŋøl.

Edhikiel 26:12

Jø leny jap kwär moï ki jap gath moï otwierge, ni ö kiiri moï ni toorge geni piny, ni raanyge uudi moï moa beyø, ni ö kïte ki jenni ki ŋøøm ni putge gø leeŋ yi naama dwøŋ.

Edhikiel 34:21

Kiper mana bëëdu nou caala dïëk mo dëëtge cööcge cööyö ki göökge, ni dëëtge gïïnge gïïnnö, ni cööpge moa no oööl ki tuŋi, këël man wø putge keethø,

Odheea 9:2

'Ba kwör wø dïn beel yïthge ki kwör wø biic nyïïjenni yïthge, u ba jïti ki jäŋ yïthge këët. Kwøk omøki tïmö ni ba jootu caar.

Ciik Kiper Dïlämme 26:16

aani thuwø, gïï ii tïïa tïïö dëëtu: a känna bäätu ki lwär mo cwöba dëëtu, ki täwe mo leth, ki teeŋ adïrïgi mo tïïya nyeŋŋu ni ba nëënö, mo cama dëëtu. Caammi mou opiithu ki jaak, kiper nyïïmän mou öö ni camge caammi moøgø.

Amøc 2:6

Wuuö Jwøk aköö na ennø, ni «Kiper mana ö jø Icrielli na kaathge bääyö marge, a ba døø ŋääa ki man jääla geni, kiper ŋata beer wø gathge gadhø kiper pïïn gwel, ni gathge ŋata can kiper pïïn war.

Amøc 2:7

Wï ŋata näk oööl wø nyøønge piny yi tør, ni kierge wïth jøøa mwöl. Ni ö dhaanhe ki wänni ni cige baŋ dhaagø aciel, kiper nee nyeŋŋa na en kur keere nee raanyge.

Amøc 3:15

Ni raanynya uudi moa en paac ki moa en gool bëët, ni ö uudi mo oŋwagø ki lak lïëy ni raanynyi, ni ö uudi moa døøŋŋø ni nyaai piny.» Beeye Wuuö Jwøk ni cäänö enø.

Amøc 3:9

Beerra man caannu gø jï jøøa bëëdö kwöra teek na en yi Acdöt ki moa en Ijep, ni kööu, ni «Cooŋŋu dëëtu bäät kït Cameria, ni neennu okiera mana en dïëre, ki gïïa leth na temmi dëët jiy.

Amøc 4:1

Wïnynyu gïn, uuni na määr Cameria, uuni no olør kaamar dhää Baacan, uuni ni wø thiel jøøa can piny, ni wø caan jøøa näk oööl, uuni ni wø kööm cwøwu, ni kööu, ni «Kännu ki kwøŋ nee wa mäthwa.»

Amøc 6:11

Adïëri møn, Wuuö Jwøk mare di caanø, ni ö uudi moa døøŋŋø ni nyaa ge piny, ni raany uudi moa therø.

Amøc 6:12

?Aŋø, okwëënyi rïïŋö ki bäät kïte? ?Wala da ŋat mo puura naam ki dhäk? 'Ba uuni ŋøl ma adïëri awiillu, ni tïïyu gø ni raac kaamar cïm, ni døøyu gïïa beyø mo reyø.

Amøc 8:4

Wïnynyu gïn, uuni ni wø thiel jøøa can piny, ni dïïrru wïth jøøa näk oööl dï paac bäre,

Amøc 9:14

Jiya ma jø Icriel moa näk omaa ri leny oduua poge, ni cäŋge wïth mïëri moa no oränynyö geerrø, ni bëëtge yïthge; ni piithge jer omøki, ni maathge kwøk gø; ni tïïge ka ajïniine ni camge nyïïjer gø.

Mikiya 1:6

«Kiper manøgønø, aani, Cameria oraanynya ni neeruuth, ni tïme na pwödhö kany piith omøki yie. Ni leeŋa kïte moe piny ya agäm-kïdi, ni ëëla tiet uudi moe wøk.

Mikiya 2:2

Geni, cwïnyge døøŋŋø ki pwöth ni macge geni, ni päl cwïnyge ki uudi ni lwørge geni. Geni, jap dhaanhø wø lwørge lwørø ki paac mare, ni lwørge pwöth dhaanhø.

Mikiya 6:15

Uuni, uuno pïïdhö, 'ba ba kayu. Ni wellu nyïïjaath man wø nyïïe wel na maaw, 'ba dëëtu ba wïïrru ki gø. Nyïïomøki obiiyu na køøŋø, 'ba køøŋŋe ba maathu.

Jepaniya 1:13

Geni, jap kwärö moge otwier, ni dööŋ uudi moge ni bäŋ gïrpiny yïthge. Geno gëëdö ki uudi, 'ba ge ba bëëdö yïthge, ni pïïthge ko omøki, 'ba kwøk nyïïomøki ba maathge.»

Agëë 1:6

Uuna bëëdö nou pïïdhö ki gïï mo thööth, 'ba atïmö ni duua mo nøk. U bëëdö nou cämö, 'ba u ba jäŋ. U bëëdö nou mädhö, 'ba u ba røm. U ruuö ka abïïe, 'ba dëëtu ba murri. U mägö ki jap kwäk mou, 'ba kïïce mou bëëdö kede otuc.»

Milkiya 1:4

Kanymør jø Ëdöm köö, ni «Powa oraanynyø; 'ba waano duui ni cäŋwa kwöra no oränynyö geerrø.» 'Ba Wuuö Jwøk, eni na wïth jammi bëët, aköö, ni «Këël ge doo gëëdö, poot nyaa piny. Ni ö jiyi ni cwølge kaace ni po jøøa reyø, ni beege jøøa wëër Wuuö Jwøki ki geni na bäre bäre.

Tiet Ciik 28:30

«Dhaanhø mëëgö ki nyakøø nee nywøme, 'ba dïcwøø mør oci baŋ gø na dhaagø. Dhaanhø gëëdö ki øtø, 'ba eni ba bëëdö yie. Dhaanhø pïïdhö ki nyïïjenni, 'ba nyïïge ba came.

Jeemeth 2:6

'Ba ŋata can wïïe alääu. ?Aŋø, paa jøøa no okwär ni wø caan uuni? ?Paa geni ni wø pee uuni kwör løøe?