Amøc 4:8 - Wëël Jwøk

⁸ Køøre jø tiet mïëri mo jïtö ka ariiø wala adäk atïmö ni cäädhö paac mørø ni dëëtge bäth, nee ge jïtge ki pïï mo maathge, 'ba ge kär røm; 'ba këël na tïïa gïïögø bëët, u kär duu baŋa.» Beeye Wuuö Jwøk ni cäänö enø.

Amøc 4:8 Iomraidhean Croise

1 Nyeye 18:5

'Ba Akap aköö jï Øbadiya, «Waa cøø dï paap kuna määnynyö ki jøør ki nyeŋ näm. Kanymør ø jïtö ki luum mo kwøø okwëënyi ki gääŋŋe ki gø. Køøre nø, lääc paac ba nääø këët.»

Aydheea 9:12

ni beege jø Aram moa en jï løø kur tuul-cäŋ, ki jø Pilitin mo wø bëëdö jï løø kur pänh-cäŋ, ni thöörge jø Icriel kaamar lääy mo dhee ee ŋaammø ni mare löönyö. 'Ba këël køør japøgø bëët, wëër mar Wuuö Jwøk ree poot ba paanye; cere poot bëëdö ni ee rwieø.

Jeremaya 23:14

'Ba aani, gïn mo raac døc mo ec thäŋŋö ki gø ajooda baŋ nyïïkuk Jwøk mo Jerucalem; ni ge tïïya tïï luui, ni ge bëëdö ni ge caatha køør luup tööt; ge bëëdö ni ge wëëga bäät jø wø tïïc gïï mo reyø tëënnö, nee bäŋe ŋat mo wec tïïe moe na reyø. Ni put jø Jerucalemmi bëët tïmö kaamar jø Cødam ki jïra, ni tïmge thuwø kaamar jø Gømöra.

Jeremaya 3:3

Kiper manøgø nø, køth amäni, ni bäŋe køth mo opädhö ki cwiir. 'Ba ï poot bëëdö kaamar dhaagø mo waŋe nëëni na waŋ kääbi, ni wïïï ba laay na bäre bäre.

Jeremaya 3:7

'Ba aana cädö ni kanyo nø tïïc gïïögø bëët, eni duua baŋa na bëëde, 'ba eni kär duuö; ni ö bääyö mare ni jooti ya coki ma Juuda na raac.

Jeremaya 5:3

Wui, ï na Wuuö Jwøk, ï manynya gïn ma adïëri. Ïïna tïïö ki gïï mo leth dëëtge, 'ba kärge lääŋŋö; gena thöörï, 'ba gena dhäthö ki man tiirge rege. Cwïnyge atïïcge ni teek ni kaala kïdi, ni kweerge ki man løkge cwïnyge.

Odheea 11:5

'Ba kiper mana kweerge ki man luuge nyïmge baŋa, ge døøa yi laŋ kaawat mana bëëtge yi ŋööm Ijep, ni tïmge ni ge ena tier nyeny Aciria.

Odheea 7:10

'Ba këël na bëët jø Icrielli na atöör marge okännö ka ajäla bäätge, ge kär jïëy ki man duuge baŋa, a na Wuuö Jwøk, Jwøk marge; naa kärge manynyø, këël na täk japøge bëët.

Amøc 4:6

«'Ba aani thuwø käc akäla dï mïëri mou bëët, ni tïme ni bäŋ cam kwöra bëëdu yïthge bëët; 'ba këël na tïïa gïnögø, u kär duu baŋa.» Beeye Wuuö Jwøk ni cäänö enø.

Mikiya 6:14

Uuni, uuno cämö, 'ba u ba jäŋ, ni bëët yïthu ni poot ŋaam. Jammi mou odaaŋŋu nou kaanna geni, 'ba bäŋgø mo bøth, ni jammi moo kaannu cïba dhi tøŋ.

Agëë 1:6

Uuna bëëdö nou pïïdhö ki gïï mo thööth, 'ba atïmö ni duua mo nøk. U bëëdö nou cämö, 'ba u ba jäŋ. U bëëdö nou mädhö, 'ba u ba røm. U ruuö ka abïïe, 'ba dëëtu ba murri. U mägö ki jap kwäk mou, 'ba kïïce mou bëëdö kede otuc.»

Agëë 2:17

Aani jammi moa tïïyu ki ceŋŋu bëët araanynya ki jamø mo lïëth, ki twöŋö, ki pey; 'ba u kär duu baŋa. Manøgø caana aani, a na Wuuö Jwøk.