Amøc 4:7 - Wëël Jwøk

⁷ «Aani køth amäna ki pädhö thuwø, kanya poode ni dööŋŋa dwäde adäk kiper kac beel. Køth awëëga pädhö paac mør, ni kära gø wëëk pädhö paac maya. Køth apädhö yi pwödhö mør, ni ö pwödhö mana käre pädhö yie ni tale.

Amøc 4:7 Iomraidhean Croise

Bwøth Wøk 10:22

Køøre Modhe cere atïŋ maal, ni tïme ni da muudhö mo cøl døc dï ŋööm Ijep bäre ki nïne adäk;

Bwøth Wøk 10:23

ni tïme ni ba løny jï ŋati man nø ki man neen wati, ni bëëtge piny ki nïne adäk ni bäŋ ŋat mo paany dëëre kare. 'Ba jø Icriel bëët kanya enge yie keere da tar.

Bwøth Wøk 8:22

« ‹'Ba dïcäŋeca ŋööm Göcën na bëët jiya yie owiia kur keere ni bäŋ lwaa lwaŋŋø mo ena yie, kiper nee ŋäyï ni beeye aani na Wuuö Jwøk ni bëëdö dï paani en;

Bwøth Wøk 9:26

'Ba kanya bëët jø Icrielli yie keere na näk Göcën kødha näk ree da pey kär pädhö yie.

Bwøth Wøk 9:4

'Ba a na Wuuö Jwøk, lääc paac mo jø Icriel ki lääc paac mo jø Ijep opääŋŋa, ni bäŋe gø mo thøw røk mo jø Icriel.› »

Aydheea 5:6

Tïïa tïïö ni tïme na pwödhö mo oränynyö. Jer omøki moe wïthge ba goor, ni tietge ba puur; 'ba otwel ki koodhi oput tuuö yie. Ni köömma pöölö nee ba pädhe na køth bääte.»

Jeremaya 14:22

?Aŋø, ki røk juu mo oballe jaak mo wïth juurre, dagø dïge mo løny ki man jääŋ køth? ?A løny ki man ö maalli keere ni pädhe ki køth? Wui Wuuö Jwøk, Jwøk marwa, aŋø, paa ï keerï ni wø jääŋ køth? Kiper manøgønø, waani, wa bëëdö ni wa ŋäätha ïïni, kiper beeye ïïni na tïïc japøgø bëët.

Jeremaya 14:3

Jøøa kwörge døøŋŋø jø tïïc moge wø jääŋge jääŋŋö baŋ pïï; 'ba kany wø pïïcge yïth aguule, bäŋ pïï mo jootge, ni duuge ni bäŋ pïï yïth agwäyi moge. Ni bëët wïthge ni laay, ni tïm nyeŋge ni law, ni kwaage ceŋge wïthge.

Jeremaya 14:4

Piny akaaŋŋø kiper na bäŋe køth; ni ö jø puurri ni tïm wïthge ni laay, ni kwaage ceŋge wïthge.

Jeremaya 3:3

Kiper manøgø nø, køth amäni, ni bäŋe køth mo opädhö ki cwiir. 'Ba ï poot bëëdö kaamar dhaagø mo waŋe nëëni na waŋ kääbi, ni wïïï ba laay na bäre bäre.

Jool 2:23

Wui, u na jø Dhayan, kanynyu, ni mïn yïthu ki Wuuö Jwøk, Jwøk maru, kiper eni køth mar dhi køth acïbe ki køør beenynye. Eni, køth akøny piny kiperu, ni beeye køth mar dhi køth, ki mar cwiir, kaawat mana bëëde dïkwøŋ.

Dhekaraya 14:17

'Ba jø bäät piny moo kweer ki man cige Jerucalem kuna wøørge nyeya ma Wuuö Jwøk, eni na wïth jammi bëët, otïmö ni bäŋ køth mo pädhi yi ŋöömö marge.

Jøøn 4:35

?Aŋø, u bäŋ wø cäänö, ni ‹Da dwäde aŋween mo poodi, 'ba noo näk køøre, beeye noo kac beel›? 'Ba a caana gø jïïu, ni tïŋu wïthu maal ni neennu pwöth ki nyeŋŋu no onø ciek ni rømi ka kac.

1 Körin 4:7

?Kiper aŋa wø neen uuni nou patha aciel ki jø møga? ?Agïnaŋø ni en jïïu ni ba cïpa Jwøki? ?'Ba ni näk mo cïpa jïïu, aŋø ni töödu keda gïn mo ba cïpa jïïu en?

Tiet Ciik 11:17

Kiper ni näk mo teeŋ gïnögø tïïyu tïïö, wëëc Wuuö Jwøk liel dëëtu kaamar maac, ni män køth, ni tïme ni bäŋ køth këët, ni ö pinynyi ni tïme ni bäŋ cam mo ciek yie; ni laaru thumö yi ŋöömmo beer enø noo cïp Wuuö Jwøki jïïu.

Jeemeth 5:17

'Ba Ilaaja na bëëde, ena dhaanhø mo ocwääö kaamarø. 'Ba ena lämö ki cwïnye bäre nee køth ba pädhe. Ni bëët køthi ki cwiiri adäk ki dwäde abïciel ni kär pädhö bäät piny.

Mana Nyooth 11:6

Ni jïge da teek ki man mänge pöölö nee køth ba pädhe yïth nïro køpge dwør Jwøk. Ni jïge da teek bäät pïï ki man døøcge geni remø, ki teek man raanyge piny ki teeŋ jap räny piny bëët, kany wø manyge gø.