Amøc 4:6 - Wëël Jwøk

⁶ «'Ba aani thuwø käc akäla dï mïëri mou bëët, ni tïme ni bäŋ cam kwöra bëëdu yïthge bëët; 'ba këël na tïïa gïnögø, u kär duu baŋa.» Beeye Wuuö Jwøk ni cäänö enø.

Amøc 4:6 Iomraidhean Croise

1 Nyeye 17:1

'Ba nyikuŋ Jwøk ma Ilaaja nyï Ticbi na en yïth ŋøøp Gelät, aköö jï Akap, ni «Ŋëët Wuuö Jwøk, Jwø Icriel na kwøw, ni wø tïnynya en, ka adïëri møn, ki yïth cwiiri moi ii, tïmö ni bäŋ thööy ki køth, ni näk mo ba caana aani ni køth pädhö.»

1 Nyeye 18:2

Kanyøgø, Ilaaja aput ci kuna nyooth dëëre jï Akap. 'Ba kar kaagø, käc oløny ni raac døc Cameria pääny Akap.

2 Nyeye 4:38

'Ba kanya ö Ilaaca na duu Gëlgela, käc dagø kaace. 'Ba kanya bëëde ni lwaa nyïïkuk Jwøk moa therø opï piny nyïme, ena köö jï ŋat tïïc mare, ni «Cïp dak mana dwøŋ maac ni tëëdï ki kadø jï nyïïkuk Jwøk.»

2 Nyeye 8:1

'Ba Ilaaca acäänö ki nyijøøa wääde tïŋ maal ki yi thøø ni kööe, ni «Ö maal ni aayï ki wäädï ki jiy mo bëëdö buutï yøø, ni ciï kany mo løny ki man bëëdï yie ni ïïna wëëllö; kiper Wuuö Jwøk kännö ki meel. 'Ba meel manøgø bëëdö ki cwiiri abïriiø.»

2 Luup Nyeye 28:22

'Ba ki yïth nïne moa beet nyeya ma Eeyeth ni gïï mo leth tägö dëëre, eni poot bëëdö ni meeta bääyö mare nyïm Wuuö Jwøk.

Aydheea 26:11

Wui Wuuö Jwøk, cerï atïŋï maal ni kärge gø joodø. Nyooth këëyö marï jïge kiper jiyï, ni wëëgï ge lään wïc. Wui, beerra man ö maaci ni thöör nyïïmän moï.

Aydheea 3:1

'Ba ka adïëri møn, Kwäärö Wuuö Jwøk, eni na wïth jammi bëët, ena bäät man käl køny mare wøk ki bäät Juuda ki Jerucalem, ni beege caammi ki pïï mo wø kønyge dëëtge ki ge;

Aydheea 9:12

ni beege jø Aram moa en jï løø kur tuul-cäŋ, ki jø Pilitin mo wø bëëdö jï løø kur pänh-cäŋ, ni thöörge jø Icriel kaamar lääy mo dhee ee ŋaammø ni mare löönyö. 'Ba këël køør japøgø bëët, wëër mar Wuuö Jwøk ree poot ba paanye; cere poot bëëdö ni ee rwieø.

Aydheea 9:13

'Ba jiy kär duu baŋ Wuuö Jwøk, ŋata jääl geni, ni kärge eni manynyø, eni na wïth jammi bëët.

Jeremaya 14:18

Ni kany wø cøøa yie jaak töök paac, a joota jiy mo onääö ri leny! Ni kany wø cøøa pääny, a joota jiy mo onäk käci! Ni ö nyïïkuk Jwøki ki dïlämme ni bëëtge ni ge wïïrö kwör mo kucge.› »

Jeremaya 5:3

Wui, ï na Wuuö Jwøk, ï manynya gïn ma adïëri. Ïïna tïïö ki gïï mo leth dëëtge, 'ba kärge lääŋŋö; gena thöörï, 'ba gena dhäthö ki man tiirge rege. Cwïnyge atïïcge ni teek ni kaala kïdi, ni kweerge ki man løkge cwïnyge.

Edhikiel 14:21

'Ba luumma caan Kwäärö Wuuö Jwøki bee en, ena köö, na «A teeŋ ränynyö mo nyïëdi noo tägi kanyo jääŋŋa ajäle aŋween 'moa mo reyø bäät jø Jerucalem, ni beege opëëllö, ki käc, ki lääc paap, ki täw, nee ge nääa ki lääc paac moge!

Edhikiel 16:27

'Ba aani, cera atïŋa maal bäätï ni jääla ïïni ni tïïa ŋøøm moï ni nøk; ni cïba ïïni ceŋ nyïïmän moï na many ïïni, ni beege jø Pilitin na wïthge lää ki bëët käp mana tïïyï.

Odheea 11:5

'Ba kiper mana kweerge ki man luuge nyïmge baŋa, ge døøa yi laŋ kaawat mana bëëtge yi ŋööm Ijep, ni tïmge ni ge ena tier nyeny Aciria.

Odheea 5:15

Køøre a aay ni døøa kar bëëtö mara, këël kanyo ŋäcge gïïa reyø na tïïcge, ni duuge ni manyge täärnyïma. Kanyo enge yïth gïï mo leth, aano manyge døc.

Jool 1:16

?Aŋø, cam kär raanynyø nyïmmø ni nëënö jïïø, ni ö met eci ki kanynyø ni tïmge ni bäŋgø yi Øt Jwøk marø?

Ciik Kiper Dïlämme 26:23

« ‹'Ba ki køør gïïögø, ni näk mou poot ba duu baŋa ni maru poot na ageem ki aani,

Ciik Kiper Dïlämme 26:26

Kanyo ŋøla jöör cam maru, mään apaar otïmö ni cam maru thaalge yi këënnö aciel, ni cïpge cam jïïu mana thaalge ni ege petø, ni cammu gø nou ba jäŋ.

Agëë 2:17

Aani jammi moa tïïyu ki ceŋŋu bëët araanynya ki jamø mo lïëth, ki twöŋö, ki pey; 'ba u kär duu baŋa. Manøgø caana aani, a na Wuuö Jwøk.

Tiet Ciik 28:38

«Uuno pïïdhö ki köödhi mo thööth yïth pwöth mou; 'ba mo nøk keerge beege noo kayu, kiper ge cam bäänyö camø.

Mana Nyooth 2:21

Ena wëënna ki nïne nee cwïnye løøe, 'ba eni kweeyø ki man løk cwïnye ni wec käp mare.

Ruuth 1:1

'Ba kanya bëët jø Icrielli tiet jøøa bëëdö na pïëmme, dï paac ajïtö ki meel. Ni ö nyen mørri ma ŋat Bethelem na en yi ŋööm Juuda ni aa po jø Möap kuna bëëde yie na wëëllö, ni beeye eni ki cïïe ki wääte karge riet.