Amøc 4:2 - Wëël Jwøk

² Wuuö Jwøk akööŋ ri bëëtö mare na en kur keere, ni kööe, ni «Kare møn, da dïcäŋ mo ööa bäätu, mo u di kälö nou pieyi ka dïgäni, ni piec uuni ko obïïdhi, ni bäŋ dhaanhø mo dööŋ.

Amøc 4:2 Iomraidhean Croise

Aydheea 37:29

'Ba kiper wëër mana wëërï ki aani, ka atöör marï mana jooda, aani umï gäna gänö ko obïth mara, ni kïtha dhiï ki nywïëny dho okweeny, ni wiira wïïï ki gø, ni dwøga ïïni ki jöö mana ööï ki yie.›

Jeremaya 16:16

«Ennø, a na Wuuö Jwøk, a jääga baŋ jø maay mo thööth, ni maacge jiya kaawat man wø maac rec. Køøre a jääga baŋ jø dwaar mo thööth, ni dwarge jiya bäät kïte ki bäät thuuri ki kwöra näk gøøde yïth kïte.

Edhikiel 29:4

'Ba aani, ï gäna gänö ko obïïdhi ki dhiï, ni ö rec nämmi moï ni muna ge dëërï, ni tuuda ïïni wøk ki yïth näm moï ki rec moï bëët moa no onimun dëërï.

Edhikiel 34:16

Aani, dïëk moa no orwäänyö manynya manynyø, ni duua moa no okeethø, ni bääa ŋwiili moa en dëëtge, ni tïïa dëët moa jägö ni teek; 'ba moa no olør ki moa dëëtge teek raanynya raanynyø. 'Ba aani, dïëk 'moa käära käärö ki jöö ma kare.

Edhikiel 38:4

Ïïno dwøga køørï, ni gäna ïïni ko obïth ki tiet nyämme moï, ni tuuda ïïni wøk ki jø leny moï na thööth, ko okwëëc lääy moï, ki jø leny moï mo wø këëdi ki bäät okwëënyi, ni beege jiy bëët moa näk oruyö ki kööt leny, ni beege jø wø këëdi ki kööt leny moa therø ki moa døøŋŋø, ni ge käädö ko opëëlle.

Amøc 6:8

Wuuö Jwøk, eni na wïth jammi bëët, akööŋ dëëre keere ni kööe, na «A män ka atöör mar jic Jeekap, ni yia raac ki uudi moge na teek; kiper manøgø nø, pääny marge ki gïïa en yie bëët ocïba ceŋ nyïïmän moge.»

Amøc 8:7

Wuuö Jwøk ni wø jït jic Jeekapi ka atöör kipere akööŋ dëëre keere, ni kööe, ni «Røk gïïa tïïcge bëët bäŋ gïn mo wïïa wïl ki gø.