Amøc 4:13 - Wëël Jwøk

¹³ Adïëri møn, eni na cwääc kïte, ni wø wëëk jamø kwödö, ni wø nyooth acaaye jï dhaanhø; eni ni wø løk tar mar aruunnø ni tïme ni cøl, ni wø cäädhi dï piny ni bäŋ gïn mo gëëŋ gø; bee eni na Wuuö Jwøk, eni na wïth jammi bëët.

Amøc 4:13 Iomraidhean Croise

Jööp 9:7

Eni cäŋ wø di cäännö nee ba rienye, ni tïïc ceer nee ba cïpge ki tar.

Bwøth Wøk 10:22

Køøre Modhe cere atïŋ maal, ni tïme ni da muudhö mo cøl døc dï ŋööm Ijep bäre ki nïne adäk;

Bwøth Wøk 14:20

ni tïme ni ena yïthakic lwaa Ijep ki lwaa Icriel. Ni bëët pöölö manøgø ni piny ee tïïö na muudhö ki baŋ jø Ijep, ni poot cïpö ki tar ki wäär jï jø Icriel. Ni put tïmö ni ba løny jï jø Ijep ki man öge kany mo cään ki jø Icriel dïwäänögø bäre.

Aydheea 40:12

?Aŋø, aŋa na cøt pï naama dwøŋ ki thäny cere ni røma gø? ?Aŋa na røm maalø ki rumi mar yïthakic lweedi mo cenø? ?Aŋa na cooŋ tør mar bäät ŋøøm ni røm gø ki gïr røm? ?Aŋa na røm kïte ki thuuri ki gïr røm?

Aydheea 45:7

Bee a na tïïc tar na tïïc muudhö, ni bee a ni wø känni ki bëëtö mo beer, ni wø wëëk bëëtö mo raac tägö, bee aani na Wuuö Jwøk ni wø tïïc gïïögø bëët.

Aydheea 47:4

Eni na wïïl øøni wøk, nyeŋŋe beeye Wuuö Jwøk, eni na wïth jammi bëët, ni beeye Jwø Icriel na en kur keere.

Aydheea 48:2

Uuni, dëëtu wø cwøllu cwølø na jø päänya en kur keere, ni göögu raa, a na Jwø Icriel, na näk nyeŋŋe bee Wuuö Jwøk, eni na wïth jammi bëët.

Aydheea 5:30

Dïcäŋeca ge löörö bäätge kaawat man wø lwör athaŋ naama dwøŋ. 'Ba ni näk da ŋat mo raŋa bäät ŋöömö manøgø, eni muudhö ki bëëtö mo leth pute ka joot, kiper tar ree løøe baŋ muudhö ki køør pöölö.

Jeremaya 10:13

Kany wø tuk dhee, maal puta märö kaamar køth. Pøøl wø kööle köölö ki ya aŋuun piny, ni käl køth ni mal, ni wëëk jamø kwön wøk ki yïth kwöra kan ge yïthge.

Jeremaya 10:16

'Ba eni na Jwø Jeekap ba caal gïïögø, kiper bee eni na tïïc jammi bëët, ni cwääc jiye ni beege thööge ma jø Icriel. Eni nyeŋŋe beeye Wuuö Jwøk, eni na wïth jammi bëët.

Jeremaya 13:16

Jiemmu Wuuö Jwøk, Jwøk maru, kanyo poode ni muudhö poot käre kälö, kanyo poot tietu ni poot käru cwanynyø bäät kïte moa en yi muudhö; ni kanyo lääŋŋu tar, eni tar wiile wiilø na muudhö mo cøl, ni tïïc gø na muudhö mo cøl døc.

Jeremaya 46:18

'Ba Nyeya na näk nyeŋŋe beeye Wuuö Jwøk, eni na wïth jammi bëët, ena kööŋ, ni «Ŋëëta keera, a na Wuuö Jwøk, da ŋat mo öö mo tuga Ijep mo kare dwøŋ, mo caala Kïn Tabör ni wø dwøŋ døc yïthakic kïte, ki Kïn Karmël ni wø en deŋ naama dwøŋ.

Jeremaya 51:16

Kany wø tuk dhee, maal puta märö kaamar køth. Pøøl wø kööle köölö ki ya aŋuun piny, ni käl køth ni mal, ni wëëk jamø kwön wøk ki yïth kwöra kan geni yïthge.

Jeremaya 51:19

'Ba eni na Jwø Jeekap ba caal gïïögø, kiper bee eni na tïïc jammi bëët, na cwääc jiye, ni beege thööge ma jø Icriel. Eni nyeŋŋe beeye Wuuö Jwøk, eni na wïth jammi bëët.

Daniel 2:28

'Ba da Jwøk mo ena maal ni wø nyooth tiet gïï mo okanø. Eni gïno tägi yi nyïm anyoodhe jïrï, ï na nyeya ma Nabukedenecör en. Lääk marï ki gïïa nyooth jïrï ki yi wïïï kanya bëëdï niï ena kar niine beege ii:

Daniel 2:30

'Ba aani, gïnögø ni tiere okanø enø, anyooth jïra, ni paa kiper ni da leec wïc jïra mo dwøŋŋa eni mo kaala mar jiy bëët moi ni kwøw ii, 'ba beeye kiper nee tier gïna cääne kipere ŋäyï, ï na nyeya, na acaare moa en wïïï tietge ŋäyï.

Odheea 12:6

Kiper manøgønø, duu baŋ Jwøk maru; ni bëëdu nou tïïya mëër ki ŋøl luup na adïëri, nou koora Jwøk maru cooth.

Jool 2:2

Ni beeye cäŋ mo piny tïmö ni cøl, ni piny dhïïth, na cäŋ mo piny najïïm na lwøc, ni piny cøl døc. Bäänyö mo caala lwaa dhaanhø mo päl mo teek öö, ni dëëtge ege peerø ni caala man wø ö tiet cäŋŋi mo amöölla ni wø nëënge ni rege ege peerø ki bäät kïte, mo bäŋ teeŋe mo okwøŋ tägö mo caala gø, ni bäŋ teeŋe mo cäŋ tägö këët køør gø yïth cwiiri mo beenhnhe mo oööi.

Amøc 3:13

Wuuö Jwøk eni na wïth jammi bëët acäänö na ennø, ni kööe, ni «Wïnynyu mara, ni caannu gø dëët jic Jeekap.

Amøc 5:27

Kiper manøgø nø, u wëëga mak ki tøŋ ni kïth uuni ŋää Damacka.» Luummögø caana Wuuö Jwøki, eni na wïth jammi bëët.

Amøc 5:8

Eni na cwääc wäät-odäki ki joonni, ni wø wiil muutha cøl ki tar mar amöölla, ni wø tïïc dïcäŋ na wäär; eni ni wø cwöl pïï wøk ki yi naama dwøŋ, ni wëëk gø pädhö bäät ŋøøm, beeye Wuuö Jwøk ki dëëre;

Amøc 6:8

Wuuö Jwøk, eni na wïth jammi bëët, akööŋ dëëre keere ni kööe, na «A män ka atöör mar jic Jeekap, ni yia raac ki uudi moge na teek; kiper manøgø nø, pääny marge ki gïïa en yie bëët ocïba ceŋ nyïïmän moge.»

Amøc 8:9

Man beeye mana caan Wuuö Jwøki, ena köö, ni «Dïcäŋöca cäŋ owëëga pädhö ki dhöör, ni wëëga piny tïmö na muudhö ki dïcäŋ.

Amøc 9:6

Wuuö Jwøk paare ee geerø maal, ni tïïc maal na rëëbi bäät piny. Bee eni ni wø cwöl pïï wøk ki yi naama dwøŋ, ni wëëk gø pädhö bäät ŋøøm; eni na tïïc gïïögø bëët, beeye Wuuö Jwøk ki dëëre.

Mikiya 1:3

Kiper ka adïëri møn, Wuuö Jwøk öö ki kar bëëtö mare, ni eni ööa piny ni nyør kwöra bäyö bäät piny.

Abakuk 3:19

Kwäärö Wuuö Jwøk beeye teek mara, kiper tieta kwadhe kwadhø ni tïmge ni jööt ni caala tiet aŋer, ni tïïc aani naa cäädha bäät thuuri kwöra en maal.

Dhekaraya 12:1

'Ba man beeye luum Wuuö Jwøk na caal tëër na caane kiper jø Icriel. Wuuö Jwøk, eni na peer maal, na këël tier piny piny, na kïth jwïëy mo dhaanhø dëër gø, dwøre mana caane bee en, ena köö,

Mathiew 9:4

'Ba kanya ö Jecu na nø ŋäc luumma en cwïnyge, ena köö, na «?Aŋø ni caru gïï mo reyø ki cwïnynyu en?

Jøøn 2:25

ni eni ba cac dhaanhø mør mo køp gïr ŋat mør jïre. Kiper eni ki dëëre gïn wø en cwïny dhaanhø ŋääe.

Jøøn 3:8

Jamø wø kwödö kaawat mana caye, ni ö dhaanhe ni wïny dwør gø, 'ba kun wø käl yie ki kun wø ci yie, kuc dhaanhe. Kaawat manøgø thuwø, jiy bëët mo wø näk mo onywøl Jwïëc Jwøki ge bëëdö na enøgønø.»

Tiet Ciik 32:13

«Gena wëëk Wuuö Jwøki bëëtö kwöra perge leth bäät thuuri; ni camge cam mana ciek yïth pwöth. Ni ö Wuuö Jwøki ni caam ge ki maar kïc man wø joot yi kïdi; ni caam ge thuwø ki mäth jenni mo wø piith yi ŋöömma näk gii.

Tiet Ciik 33:29

U na jø Icriel, uuna jiy mo dëëtu gum. ?Aŋø, da jiy mo caala uuni mo okøny Wuuö Jwøki kaamar maru? Eni caala kwöt leny maru, ni beeye eni wø køny uuni. Eni caala opëëllö mo uuno jïtö ka ajiem ki køøre. Ni tïm nyïïmännu ni lwäär ki uuni, ni putu geni böötö na bäre.»