Amøc 4:10 - Wëël Jwøk

¹⁰ «Teeŋ täw mana jääŋŋa bäät jø Ijep ajääŋŋa bäätu thuwø. Wøpe mou awëëga näk ri leny, ni ö okwëënyi mou ni maai. ŋwääny dëët jiy moa thøw twïër maru adwøga wïthu; 'ba këël na tïïa gïïögø bëët, u kär duu baŋa.» Beeye Wuuö Jwøk ni cäänö enø.

Amøc 4:10 Iomraidhean Croise

2 Nyeye 10:32

'Ba ki yïth nïröka beeye kanya täk Wuuö Jwøki ki man ŋun wøk ki thäk ŋøøm dëër Icriel. Ni ö Adhaëlli nyeny Aram ni bööt jø Icriel dï ŋööm Icriel bäre,

2 Nyeye 13:3

Køøre Wuuö Jwøk awëër døc ki jø Icriel, ni cïp ge cer Adhaël nyeny Aram ki wääde ma Ben-Adat, nee wø böötge cooth cooth.

2 Nyeye 13:7

'Ba jø leny mo wø cäädhi ki bäät okwëënyi moa dööŋ jï Jeyöakac, kwäänge ba pöödhi ki kwään jiy ma pïërabïïc, ni kwään jïëth leny mo wø tut okwëënyi ba pöödhi ka apaar, ni kwään jø leny mo wø këëdi ki piny ba pöödhi ki kume apaar, kiper gena 'näk nyeny Arammi, ni nyør geni ni ŋethge kaamar tør.

2 Nyeye 8:12

'Ba Adhaël aköö, na «?Awuuö, ï jwöŋï kiper ŋø?» Ni løgi ya Ilaaca jïre, ni «Beeye kiper mana ŋääa gïïo reyø noo tïïyï dëët jø Icriel, noo waaŋï kwör gwøk røk moge moa teek, noo 'nägï jiy moge moa näk poot na wøpe ko opëëllö, noo gøyï obwöre moge ki piny, noo rietï yïth mään moge moa näk yïthge da jiy.»

Bwøth Wøk 10:27

'Ba Wuuö Jwøk cwïny Peerø adøøc mo teek, ni ö Peerø ni kweere ki man wec jø Icriel nee aacge.

Bwøth Wøk 10:3

Køøre Modhe ka Aran aci baŋ Peerø ni köge jïgø, ni «Gïna caan Wuuö Jwøki na näk Jwø jø Ibaru beeye en, ena köö, na ‹?A këël kany mo nyïëdi nø, noo bëëdï niï kweeyø ki man dwøgï dëërï piny ki aani? Wec jiya nee aacge kiper naa tïnyge.

Bwøth Wøk 14:4

Køøre aani cwïny Peerø odøøya mo teek, ni läm køøru. 'Ba aani teek mara onyoodha ki ri Peerø ki lwaak mar leny mare bäre; ni ö jø Ijepi ni putge gø ŋäc møn ni beeye aani na Wuuö Jwøk.» Ni ö jø Icrielli ni døøge ŋäthge keda mana caani ya Wuuö Jwøki jïge.

Bwøth Wøk 15:26

Ni kö Wuuö Jwøki, ni «Ni näk mo dwøra leŋŋu leŋø, a na Wuuö Jwøk na näk Jwøu, ni tïïyu gïna beer nyïma, ni cegu ïthu ki gïïa cema, ni gwøgu ciik 'moa bëët, täwe moa kïtha bäät jø Ijep ba kïtha bäätu; kiper beeye aani na Wuuö Jwøk ni wø køny uuni.»

Bwøth Wøk 8:19

Køøre ajuuk aköö jï Peerø, ni «Gïnögø beeye gïn mo tïïya Jwøki.» 'Ba cwïny Peerø poot bëëdö ni teek ni kweere ki man wïny mana caan Modhe ka Aran, kaawat mana kwøŋi ya Wuuö Jwøki caan jï Modhe.

Bwøth Wøk 9:12

'Ba Wuuö Jwøk cwïny Peerø adøøc mo teek, ni ö Peerø ni käre luumge wïnynyö, kaawat mana kwøŋi ya Wuuö Jwøki caan jï Modhe.

Bwøth Wøk 9:17

Ennø, dëërï poot iï thïïŋö bäät jiya, ni mänï geni ki man aacge.

Aydheea 34:3

Ni ö dëëtge moa no othøw ni leeŋi wøk; ni ö bäät kïte ni putge nikwaar ki remge; ni ö rïŋ dëëtge moa no othøw ni ŋwääge no okwäk.

Aydheea 50:11

'Ba ennø, u ni wø äp mäc, ni you wïrö ki deŋŋu, ni you rubö ni liel, cäädhu ki yi tar mar mäc mou, ki yïthakic mäc moa näk you rubö ki jenni. 'Ba gïno magu cera bee en, uuni, u pätha yïth gïï mo leth.

Aydheea 9:12

ni beege jø Aram moa en jï løø kur tuul-cäŋ, ki jø Pilitin mo wø bëëdö jï løø kur pänh-cäŋ, ni thöörge jø Icriel kaamar lääy mo dhee ee ŋaammø ni mare löönyö. 'Ba këël køør japøgø bëët, wëër mar Wuuö Jwøk ree poot ba paanye; cere poot bëëdö ni ee rwieø.

Aydheea 9:13

'Ba jiy kär duu baŋ Wuuö Jwøk, ŋata jääl geni, ni kärge eni manynyø, eni na wïth jammi bëët.

Aydheea 9:17

Kiper manøgønø, Kwäärö Wuuö Jwøk yie ba mïnni ki wøpe moge, ni cwïnye ba pädhi ki gïr kïïe moge ki määr thuunhnhi moge, kiper mana tïmge bëët ni Jwøk ege kwierø ni ge temma raay, ni dhøkge bëëdö ni cara luup mo reyø. 'Ba këël køør japøgø bëët, wëër mar Wuuö Jwøk ree poot ba paanye, cere poot bëëdö ni ee rwieø.

Jeremaya 11:22

Kiper manøgønø, mana ŋøl Wuuö Jwøki, eni na wïth jammi bëët, kiper jøøgø beeye en, ena köö, ni «Ennø, ge jääla jäälö. Cwøw moge moa teek onäk ri leny; ni ö wäätge ki nyïïge ni thøwge ki käc,

Jeremaya 15:3

«Ni mana ŋøla, a na Wuuö Jwøk, beeye naa kännö ki teeŋ gïïpinyi aŋween mo raanynya geni, ni beege opëëlle mo ŋaal ge ki ge, ki guu mo tuuda dëëtge wøk ni cama geni, ki wec maal ki lääc paap mo cam geni ni raanyge geni.

Jeremaya 16:4

Geni, ge thøw ki täwe mo leth døc, ni bäŋe jiy mo jwøk geni këël mo koony geni. Dëëtge tïmö kaamar wär mo oker piny. Geno 'näk käci, ni 'näk geni ri leny, ni tïm dëëtge na cam jï wec maal ki lääc paap.

Jeremaya 18:21

Kiper manøgønø, cïp geni dho opëëllö, ni wëëgï obwöre moge thøø ki käc. Beerra man tïm määrge na määr thuunhnhi, ni bëëtge ni bäŋ obwöre jïge. Beerra man 'näk cwøwge ni thøwge, ni ö wøpe moge moa teek ni 'näk geni ko opëëllö ri leny.

Jeremaya 48:15

'Ba mana caan Nyeya na näk nyeŋŋe beeye Wuuö Jwøk, eni na wïth jammi bëët, beeye en, ena köö, ni «Möap oränynyi; kiper jø aranya oci yïth päänye moe ni raanyge geni, ni ö wøpe moa teek ki leny ni nääi.

Jeremaya 49:26

Kiper manøgønø, wøpe moe opäänhnhi dï uutjïëthe moe, ni dït wïth jø lenynyi moe bëët dïcäŋöce;

Jeremaya 5:3

Wui, ï na Wuuö Jwøk, ï manynya gïn ma adïëri. Ïïna tïïö ki gïï mo leth dëëtge, 'ba kärge lääŋŋö; gena thöörï, 'ba gena dhäthö ki man tiirge rege. Cwïnyge atïïcge ni teek ni kaala kïdi, ni kweerge ki man løkge cwïnyge.

Jeremaya 6:11

'Ba aani, wëër mar Wuuö Jwøk na liel bäätge kaamar maac, atïmö ni dagø cwïnya thuwø, ni tïme ni ba løny ki kan.» Ni kö Wuuö Jwøki jïra, ni «Kïth wëër mara bäät obwöre moo en dï paac, ki bäät wøpe moo en wïth mäc. Dïcwøø ki cïïe karge riet omak ki tøŋ, ni käl jäle, këël jäle moa døøŋŋø døc thuwø.

Jeremaya 9:22

Mana caan Wuuö Jwøki nee caana beeye en, ena köö, ni «Rïk dëët jiy moa näk othøw obëëdö kaamar wär piny jaak dï pwöla, ni bëëtge kaamar oraae mo odööŋ piny køør ŋat kac, ni bäŋ ŋat mo cooŋa geni.»

Odheea 11:5

'Ba kiper mana kweerge ki man luuge nyïmge baŋa, ge døøa yi laŋ kaawat mana bëëtge yi ŋööm Ijep, ni tïmge ni ge ena tier nyeny Aciria.

Jool 2:20

Aani, lwaa bäänyö mana käl jï løø wï-piny enø, riema kany mo bäär ki uuni, ni riema gø yi ŋöömö mo lïëth ma tëën, ni ö moa bwödhö maal ni køøla geni yi Naam Acäbö jï løø kur tuul-cäŋ, ni ö moa en ŋää cään ni køøla geni yi naama dwøŋ na en jï løø kur pänh-cäŋ, ni ö ŋwääö marge na tïk ni keel piny, ni ö kwääö marge ni cääth maal, kiper ka adïëri møn, gena tïïö ki gïn mo teek.»

Ciik Kiper Dïlämme 26:16

aani thuwø, gïï ii tïïa tïïö dëëtu: a känna bäätu ki lwär mo cwöba dëëtu, ki täwe mo leth, ki teeŋ adïrïgi mo tïïya nyeŋŋu ni ba nëënö, mo cama dëëtu. Caammi mou opiithu ki jaak, kiper nyïïmän mou öö ni camge caammi moøgø.

Ciik Kiper Dïlämme 26:25

Aani thuwø a känna bäätu ki leny naa jääla uuni kiper mana raanynyu luumma tuuda ki uuni, ni kanyo bëëdu ni dëëtu you cooŋ yïth päänye mou, täw mo leth jääŋŋa jääŋŋö dïïu ni päthu ceŋ nyïïmän mou.

Amøc 4:6

«'Ba aani thuwø käc akäla dï mïëri mou bëët, ni tïme ni bäŋ cam kwöra bëëdu yïthge bëët; 'ba këël na tïïa gïnögø, u kär duu baŋa.» Beeye Wuuö Jwøk ni cäänö enø.

Amøc 8:3

«Dïcäŋöce dudi moo wär po nyeya otïmö na mo jwøk thøø. Ni gääp pinynyi bäre ki dëët jøøa no othøw, ni tuut geni wøk ni bäŋ dwøl mo wïnyi.» Beeye Wuuö Jwøk ni cäänö enø.

Agëë 2:17

Aani jammi moa tïïyu ki ceŋŋu bëët araanynya ki jamø mo lïëth, ki twöŋö, ki pey; 'ba u kär duu baŋa. Manøgø caana aani, a na Wuuö Jwøk.

Tiet Ciik 28:21

Wuuö Jwøk täwe mo leth owëëk nieŋ dëëtu, këël mano thöör uuni yïth ŋøøpo cou yie noo lwørru na maru.

Tiet Ciik 28:22

Wuuö Jwøk u di raanynyø, ni dwaat uuni, ni mooc dëëtu ka adïrïgi mo dwøŋ, ni jääŋ cäŋ mo kwaar bäätu, ni tïïc piny ni lïëth, ni taal piny, ni raany pwöth mou ki køør döök ka akwøk. Ni ö gïïögø ni tïmge ni caatha køøru cooth, këël mano thummu.

Tiet Ciik 28:60

Eni täwe bëët moa en Ijep na lwäärru ki geni okäl bäätu, ni nieŋge dëëtu.

Tiet Ciik 7:15

'Ba Wuuö Jwøk täwe bëët paanye paanyø bäätu; ni ba kïth bäätu ki teeŋ täwe moa leth na ŋäyu Ijep. 'Ba täwe okïth bäät jiy bëët mo wø män ki uuni.