Amøc 4:1 - Wëël Jwøk

¹ Wïnynyu gïn, uuni na määr Cameria, uuni no olør kaamar dhää Baacan, uuni ni wø thiel jøøa can piny, ni wø caan jøøa näk oööl, uuni ni wø kööm cwøwu, ni kööu, ni «Kännu ki kwøŋ nee wa mäthwa.»

Amøc 4:1 Iomraidhean Croise

1 Nyeye 16:24

Køøre thuur Cameria aŋee baŋ Cëmër ki gwet-bïrö mo jïtö ki kar kume abïciel; ni gëëde bäät gø ki pääny, ni cak nyeŋ gø ni Cameria, ni caae ri nyeŋ Cëmër wää thuurri manøgø.

Jööp 20:19

Kiper eni jøøa can acaare ni wëëk ge dööŋŋe jaak ki ceŋge, ni ö uudi mo ba geera eni ni tïïc ge na thööge.

Jööp 24:4

Jøøa can wø cöörge wøk ki nyeŋ jïëthe, ni tïm jøøa canni bëët moa en yi ŋööm paac ni dëëtge kaange kaannø.

Pwöc Leec Wïc 22:7

Jøøa no okwär, jøøa can wø ena tietge, ni ö ŋat wø mäyi ni en tier ŋat wø mäye baŋ gø.

Luup Dïpööy 4:1

Køøre aana cäŋ nëënnö ni jooda tïïe moa näk mo ocaarø bëët moi ni tïïc tier cäŋ piny kany en. 'Ba ka adïëri møn, jiy moa no ocaarø, pï nyeŋge ajooda, ni ge bëëdö ni bäŋ ŋat mo cøma cwïnyge, ni teek ena ceŋ jøøa caar geni. 'Ba geni, ge na no ocaarø, bäŋ ŋat mo cøma cwïnyge.

Luup Dïpööy 5:8

Ni näk miï jïtö ki dhaanhø mo can mo di caarø yi paayø mo ŋøl ma adïëri ki bëëtö ma kare orwäänyö yie, kär cwïnyï thäŋŋö kanyo jootï gø; kiper kwäärö man nø da kwäärö mør bääte mo raŋŋa gø, ni kwääri moøgø thuwø poot da kwääri møøk bäätge mo raŋŋa ge.

Aydheea 28:1

Otïmö ni leth jï Cameria, päänya näk caala adun atöör mar jø Ipariem na näk jø meerø, päänya näk ajiem mïërö mare caala wï jaath mo oŋøøk ni manynya närö, na näk ogeer bäät thuur buut gool mana ŋöömme beer na näk mar jøøa no oŋääö ki maath.

Aydheea 5:8

'Ba otïmö ni leth jïïu, u ni wø meet uudi mou ki uudi møøk, ni wø mëën bäät pwöth mou ki pwöth møøk, ni tïme ni bäŋ kany mo dööŋ jï jiy møga, ni dööŋŋa u keeru yi ŋöömö manøgø.

Aydheea 56:12

Geni, røkge cøørge cøørø keerge ni ge köö, ni «Ööu, ö aa baŋ maath ki køøŋø, cøø mäthö døc ki køøŋø mo keec; diøø thuwø cäŋø ka tïïyö na ennønø, ni kaala mar dïcäŋi.»

Aydheea 58:6

«'Ba wödö mana manynya beeye en: Beeye ki man pätu jøøa no otwöö yi bëëtö mo leth, ni kälu tëëra peek wøk bäätge ni wø caal jaath man wø rïï ŋut dhieŋ ri puur. Beeye ki man pätu jiy moa no ocaannø, ni ö japa peek bëët na en bäätge, na caal jaath puur manøgø, ni kälu ge wøk.

Jeremaya 50:11

«Wui, u na jø Babiløn na twier jap jiya, u bëëdö ni yïthu met nou kanynyø; nou pärö kaamar nyirøøa mo bïëdö yi pwöla, nou kwöŋŋö kaamar thwønh okweeny mo teek.

Jeremaya 50:27

Jø leny moe bëët wär 'nägu; geni wär 'nägu kiree! Otïmö ni raac jïge, kiper cäŋ marge aöö, ni beeye cäŋ ajäla mana wäŋŋi kiperge.»

Jeremaya 51:34

Nabukedenecör nyeny Babiløn powa ma Jerucalem acame, ni raany gø; ni wec gø ni bäŋ gïn mo odööŋ yie, ni bëëde kaamar dak mo yie ŋaam. Jerucalem aløønye kaawat man wø tïïc nyäällö, ni pääŋ yie ki jap gø moa perge leth, ni gøøp yi gø døøc.

Jeremaya 6:6

Kiper luumma caan Wuuö Jwøki, eni na wïth jammi bëët, beeye en, ena köö, ni «Ŋøtu jenni moa en lak Jerucalem na mo thør, ni thørru bäätge ki ŋøøm man eth bäät kiir ki gø. Pääny man beeye pääny mo di raanynyø, kiper jiy bëëdö ni di caannø dïëre bäre.

Jeremaya 7:6

ni juurre mo wø bëëdö dïïu ki kïïe ki määr thuunhnhi ba caaru, ni rem jiy mo bäŋ gïn mo ege baaø ba kønynyu piny kany jaak, ni ba cäädhu køør juu møøk mo käla ränynyö bäätu,

Edhikiel 18:12

ni jøøa can na näk oööl caare caarø, ni twëëdö, ni gïn mo ee kälö na dïgïti ba dwøge jï ŋata mäyö baŋe, ni eni bëëdö ni wøøra kït gïï wø lam, ni eni tïïö ki gïï mo yia raac ki ge,

Edhikiel 22:12

Ni da jiy moï mo cïpö ki gwel ki piny kiper køny rem jiy piny. Ni ïïni gwel mo wø mac baŋï tïïyï tïïö nee duui jïrï ni da wïthge, ni gwet jø møøk kälï kälö ni marï twëër, niï bëëdö ni wïïï owïl ki aani.› Luummögø caana Kwäärö Wuuö Jwøki.»

Edhikiel 22:27

Kwääri moe moa en yie, ge bëëdö kaamar orude mo ge baga lääy, ki køør mana bëëtge ni rem jiy kønyge piny, ni jwïëc jiy raanyge raanynyø kiper joot jammi ki jöör møt.

Edhikiel 22:29

Jiy moa en yi ŋööm paac, jø møøk caarge caarø ni ge twëëdö; ni ge tïïö ki gïï mo reyø dëët kïïe ki jiy moa can, ni jøøa path moa en dïge caarge caarø ki jöö mo patha kare.

Edhikiel 22:7

Jiy moï bäŋ wödö mo tïïcge kiper wëëe ki mëëe yi paayø; ge bëëdö ni wëëlle caarge caarø, ni ge tïïö ki gïï mo reyø dëët kïïe ki määr thuunhnhi.

Edhikiel 34:16

Aani, dïëk moa no orwäänyö manynya manynyø, ni duua moa no okeethø, ni bääa ŋwiili moa en dëëtge, ni tïïa dëët moa jägö ni teek; 'ba moa no olør ki moa dëëtge teek raanynya raanynyø. 'Ba aani, dïëk 'moa käära käärö ki jöö ma kare.

Edhikiel 39:18

Rïŋ dëët cwøw moa teek ocammu, ni maathu rem kwääri mo bäät piny, ni ge caala rööm, ka atëëe, ki nyïïrøøe, ki lääc ŋööm Baacan mo olør.

Jool 3:3

Geni thuwø gena tïïö ki ŋïïce ki ri kwääk ki baw kiper jiya, ni ö nyilaar dïcwøø ni gathge gø kiper käp, ni dwøkge nyilaar nyakøø pwödhö ki køøŋ nyïïomøki nee maathge.

Amøc 3:1

Uuni na jø Icriel, wïnynyu luummi en na caan Wuuö Jwøki dëëtu, na caane dëët jø dhi øt Icriel bäre moa käl wøk ki yïth ŋøøp Ijep. Ena köö,

Amøc 3:3

?Aŋø, jiy ariiø ocääthge na aciel nidïï, ni näk mo gïr wääth kärge tuudö?

Amøc 5:11

Jøøa can wø thielu piny, ni jwägu geni ki beel. kiper manøgø nø, këël na gëënnu dëëtu ki uut kïte mo mïërö, u ba bëëdö yïthge; këël na pïïdhu ki jer omøki mo mïërö, u ba mädhö ki kwøk nyïïomøki moøgø.

Amøc 6:1

Otïmö ni raac jïïu, u ni bëëdö ki bëëtö mo jööt jaak yi Dhayan, ki uuni ni cädö ni karu beer yi Cameria, uuni na kwöru døøŋŋø yi paana kare dwøŋ na näk Icriel, u ni wø cääth jø pou baŋu kiper køny.

Amøc 6:6

Uuni ni wø maath kwøk nyïïomøki ka arööt mo døøŋŋø, ni wïïrru dëëtu ki mädhi mo ŋwäänyge met, 'ba u ba kïmmi kiper ränynyö mar jø Icriel.

Milkiya 3:5

Wuuö Jwøk, eni na wïth jammi bëët, aköö, ni «Aano ö baŋu kuna jääla uuni, ni puta mara caan dëët ajuuk ki jø luuy ki jø wø kööŋ ni marge tööt, ki jø wø møt gwet jø tïïc, ni wø thiel määr thuunhnhi ki kïïe piny, ki jø wø daaŋ luum wëëlle mo path ki jöö mo patha kare; ni beege jø wø ba lwäär ki aani thuwø.»

Kwään Jiy 21:33

Køøre jø Icriel rege aløkge ni cørge øtjöör päänya cwøl ni Baacan, ni ö Ög nyeny Baacan ki jiye ni ö wøk, nee këëde ki jø Icriel päänya cwøl ni Edaray.

Tiet Ciik 24:14

«Ŋat mo can mo tïïö ka gwel, nee ŋat pou wala jur mo bëëdö pou dï pääny maru, kär caanni.

Tiet Ciik 28:33

Caammi mou moo ciek yi ŋöömmu, ki gïïa jootu ki køør öölö maru, ocam jiyi møøk mo dëëtge kuyu; 'ba mano jootu keere beeye thiel piny ki caannø cooth.