Amøc 3:7 - Wëël Jwøk

⁷ Kiper Wuuö Jwøk bäŋ gïn mo tïïe jaak ni gïna näk ee cooŋø ki cwïnye käre caanø jï laaŋe na näk nyïïkuk moe.

Amøc 3:7 Iomraidhean Croise

Wïlöölö 18:17

Ni kö Wuuö Jwøki, na «?Aŋø, gïno tïïa en daa mooŋø ki Eeberam?

Wïlöölö 6:13

Køøre Jwøk aköö jï Nöa, «Aani, aŋuun bëëtö mar jiy bëët anø ŋøla; kiper piny apäŋ ki gïï mo leth ki køør gïïa tïïcge. 'Ba ennø, ge raanynya raanynyø ki piny bëët na aciel.

2 Nyeye 22:13

ni «Cou pëënynyu dwør Wuuö Jwøk kipera ki jø Juuda bëët kiper luup moa no ogöörö yi wëël ciik man na joot en. Kiper wëër mar Wuuö Jwøk, mano liel bäätø kaamar maac, dwøŋ; kiper kwäyø luup moa en yi wëël ciik man, na no ogöör piny kiperø, kärge wïnynyö, ni kärge kïth bäät tïïc.»

2 Nyeye 22:20

'Ba kiper manøgønø, ï thøw ni läpï køør kwäyu ni paac poot beer, ni koony ïïni yi bwörö marï. Japa reyø bëët moo käla bäät paani ba jootï ki waŋï.› » Køøre, jøøa jääŋŋi gena døøk ni caange luubö manøgø jï nyeya.

2 Nyeye 6:12

'Ba dhaanhø aciel dëëtge aköö, ni «Wui nyeya, bäŋgø; 'ba beeye Ilaaca, nyikuŋ Jwøk man wø bëëdö Icriel, ni wø caan dwørï jï nyeny Icriel man wø caanï niï ena øt niine marï.»

Aydheea 18:4

Kiper man beeye gïna caan Wuuö Jwøki jïra, na kööe, ni «Aani a bëëdö naa lïŋö naa rääŋö ki kanya ena yie kar bëëtö mara, kaamar däär cäŋ man wø rieny ni lïëth, ni tïme kaamar pöölö mo ŋec kany wø näk ri kac beel ni cäŋ kwaar.»

Jeremaya 23:22

'Ba doo na geno bëëdö wï maac mara, a na Wuuö Jwøk, luup 'moa dege købø jï jiya, ni dege jiya duu wøk ki yïth uutjïëth raay moge, ki tïïe moge na reyø.

Edhikiel 29:21

'Ba noo tïme na dïcäŋeca, teek mar jø Icriel duua duuö, ni jaba dhiï yïthakicge, ï na Edhikiel; køøre nø, putge ka ŋäc ni bee aani na Wuuö Jwøk.› »

Daniel 10:21

'Ba këël na näk enø nø, aani gïna näk ogöörö yi Wëël Adïëri caana caanø jïrï. 'Ba bäŋ ŋat mo cwak aani ki geni, ni näk mo paa Mikaël, eni na nyïïatwiel maal man wø koor jø Icriel.

Daniel 11:2

«'Ba ennø, adïëri caana caanø jïrï. Ka adïëri møn, nyeye adäk møøk rege thïïŋge thïïŋö yi Parca. 'Ba ŋweerge mano caath køørge okwär døc ni kaala møga bëët. 'Ba kanyo joot teek mare ennø ki køør kwärö mare, yïth jiy di theŋø ki man këëtge ka akwöm nyec mar jø Gïrïïk.

Daniel 2:47

Ni kööe jï Daniel, ni «Ka adïëri møn, Jwøï beeye wïth juu, ni beeye kwääc nyeye ni wø nyooth gïï mo tietge okanø, kiper mana lønye jïrï ki mana nyoothï tier gïn no okanø en.»

Jøøn 15:15

U ba cwøla ni uuna laaŋe këët. Kiper laŋŋø gïn wø tïïc kwääye kuue. 'Ba uuna cwøla ni uuna nyïïawääta, kiper jammi bëët moa wïnynya baŋ Wära anyoodha jïïu.

Mana Nyooth 1:1

Wëëlö man caana luup gïna nyooth Jecu Krictø, na wëëk Jwøki eni, nee gïïo laar tägö nee nyoodhe jï laage. Ni nyoodhe ka dhi nyïïatwiel maal mare na jääŋŋe baŋ laŋŋe ma Jøøn,

Mana Nyooth 1:19

'Ba kawaane gïïa neenï, ki gïï ni nut ii, këël moo tägi cään, göör piny.

Mana Nyooth 10:7

'ba gïna näk tiere okwøŋ Jwøki kan doo wëëga thur kare yïth nïro ö bïriet nyïïatwiel maalli noo kooth tuuŋ, keda mana caan gø jï laage ma nyïïkuk Jwøk.»

Mana Nyooth 4:1

'Ba køør gïïögø aana nëënnö, ni jooda dhøk mo ŋaam maal. 'Ba dwøl mana kwøŋa wïnynyö na cäänö ki aani ni caala dwør tuuŋ aköö, ni «Ö maal baŋa kany. 'Ba ïïno nyutha gïïo tägi køør moi ii.»

1 Camiel 9:15

'Ba ki dïcäŋ maya ni Cøøl poot kär öö, Wuuö Jwøk gïno tägi anyoodhe jï Camiel ni kööe,