Amøc 3:6 - Wëël Jwøk

⁶ ?A ni näk tuuŋ okoodhø dï paac kiper leny, dëët jiy bëët ba kwanynyi? ?Aŋø, ni näk gïn mo raac ööa bäät paac, paa Wuuö Jwøk møn na tïïc gø?

Amøc 3:6 Iomraidhean Croise

Wïlöölö 50:20

Ki jïïu mana caarru ki cwïnynyu beeye ki man tïïu ki gïn mo raac dëëra, 'ba ki køør mana en cwïny Jwøk, gïnögø atïïe na gïn mo beer, kiper nee jiy mo thööth kwøwge kaawat man bëëde dïcäŋi en.

2 Nyeye 6:33

'Ba kanya poode ni eni poot cäänö ki geni, ka adïëri møn, nyeya ki ŋata jääŋŋi aput pïï baŋe; ni kö nyeya, ni «Ka adïëri møn, käc man ni raac en käla baŋ Wuuö Jwøk. ?Poode naa køya Wuuö Jwøk aperŋø?»

Aydheea 45:7

Bee a na tïïc tar na tïïc muudhö, ni bee a ni wø känni ki bëëtö mo beer, ni wø wëëk bëëtö mo raac tägö, bee aani na Wuuö Jwøk ni wø tïïc gïïögø bëët.

Jeremaya 10:7

?Wui, ï na nyeny wïth juurre bëët, aŋa ni ba lwäyi ki ïïni? Ka adïëri møn, ïïno rømø ki man lwäär ïïni! Kiper ki røk jiy bëët moa wïthge leer dï wïth juurre, këël ki moa en dï mïëri moge bëët moa døøŋŋø, bäŋ dhaanhø aciel mo caal ïïni.

Jeremaya 4:19

Wui ayaŋ øøy! Wui ayaŋ øøy! Aŋø ni ö pänh cwïnynyi ni kaath cera en, ni tïm dëëra ni kwanynyi! Wenynya atïmö ni pärö døc, ni tïme ni ba løny ki man lïŋa; kiper dwør tuuŋ awïnynya ni beeye tuuŋ man wø kooth na mar leny.

Jeremaya 4:5

«Caannu yi Jerucalem, ni køpu gø dï ŋööm Juuda bäre, ni kööu, ni ‹Koothu tuŋi dï paac bäre.› Tïŋu döötu maal ni kööu, ni ‹Cooŋŋu rou kanya aciel nøø reŋŋø yïth päänye moa no ogeerø ni teek.›

Jeremaya 5:22

?Aŋø, u ba lwäär ki aani? ?Aŋø, dëëtu ba kwanynyi nyïma? Aani, akwöö atïïa na keew mar naama dwøŋ, ni tïm akwöö na gëëŋi na bäre bäre, ni ba løny ki man kaali ya naammi. Këël athaga doo kwödö døc, keew manøgø ba dee raanynyø, ni këël doo öö ni lwör, ba løny ki man pääre ki bäät gø.

Jeremaya 6:1

«Wui, u na jø Benjamen, reŋŋu wøk ki dï Jerucalem, nou kwøwu! Koothu tuŋi Tëköa, ni tïŋu ŋïï maal yi Bëëth-Akarim, kiper gïn mo leth öö ki wï-piny, ni beeye ränynyö mo päl.

Edhikiel 33:3

'Ba ööny tøŋ yi ŋööm paac ojoot ŋatøgø, ni ö eni ni put tuuŋ kooth ni köömma jiy.

Odheea 5:8

«Koothu tuuŋ bäät jø Giba, ni koothu tuuŋ bäät jø Reema! Köögu nee wïny jø Bëëth-Awëën! Wui, jø tuuŋ Benjamen, tïŋŋu leny!

Amøc 3:5

?Aŋø, wenyø mak abïëpi maaø, ni näk mo bäŋ abïëp mo ociiø? ?Wala abïëp napäta jaak, ni näk mo bäŋ gïn mo ogut gø?

Jepaniya 1:16

Ni beeye cäŋ mano wïny dwør tuuŋ yie, ki dööt jø leny mo nyaga päänye moa no ogeerø ni teek, ki uut koor moa no ogeer maal yïth gøøde mo kiir.

Dhekaraya 8:10

Kiper kanya poot nïrögø, bäŋ tïïc mo di cunnö ki gwel kiper dhaanhø wala lääy; ni bäŋ dhaanhø mo duny yi paac wala mo dønynya wøk ki yi paac, kiper mana tïme ni bäŋ bëët-mëër kiper nyïïmän. Aani jiy bëët atïïa nee ŋati man nø døø ri nyawatge ki tïï gïn mo raac.

Moa Tïïc Nyïïatwieli 2:23

Jecu manøgø acïp ceŋŋu keda mana kwøŋi ya Jwøki cooŋ ki cwïnye ni ŋääe cøøn, 'ba acïbu ceŋ jøøa kuc ciik Jwøk, ni guru gø bäät jaadha no odëëdö, ni 'nägu gø.

Moa Tïïc Nyïïatwieli 4:28

Ni ge tïïya gïna näk iï cooŋø ki cwïnyï ki teek marï cøøn ni doo tïmö.

2 Körin 5:11

Kiper manøgønø, na ŋäcwa gø ni Wuuö di lwäärö, jiy wø cøkwa cøgø. 'Ba man en cwïnywa ŋäya Jwøki, ni yaa ŋäädhö ni ŋäyu thuwø ki cwïnynyu.