Amøc 3:2 - Wëël Jwøk

² ni «Beege uuni keeru na näk yaa jierø røk tuŋi bëët moa en bäät piny; kiper manøgø nø, aano ööi ni cunna uuni ki køør gïïa reyø bëët na tïïyu.»

Amøc 3:2 Iomraidhean Croise

Wïlöölö 10:32

'Ba moøgø beege nyïïkwaac Nöa ki køør tuuŋ marge, ni jøøi nø bëëdö na teeŋ wï jur man nø. Ki røk jøøgø wïth juurre anyaay bäät piny bäre køør jwïïö.

Wïlöölö 18:19

Kiper ena jiera, nee obwöre moe këël nyïïkwaaye mo ööi køøre nee pwönynye ki man caathge køør dwøra, a na Wuuö Jwøk, ni ge bëëdö ka bëëtö mo beer, ni ge tïïya tïïe ma adïëri; kiper nee gïna buua jï Eeberam nee tïïa jïre.»

Bwøth Wøk 32:34

'Ba ennø, ciï ni bwødhï jø Icriel kanya näk yaa caanø jïrï. Ka adïëri møn, nyïïatwiel maal mara ojääŋŋa nyïmï; 'ba kanyo tïme na kar ŋøl luup, kar kaaca nø bääyö marge oŋøla bäätge.»

Aydheea 63:19

Waana tïmö kaamar jiy mo ge kär bëëdö tierï, mo ge kär cwøl ri nyeŋŋï.

Jeremaya 1:15

Ennø, a na Wuuö Jwøk, jiy mo tiet mïëri moa en wï-piny bëët cwøla cwølø. «Ni ö nyeye moge ni öge ni cïpge wälle moge dhøk kiir mar Jerucalem, ni tukge gø ki deŋ kiir mare bäre, ki päänye mo Juuda bëët,

Jeremaya 10:25

Kïth wëër marï bäät wïth juurre moa näk ï kucge, ni beege jiy moa näk nyeŋŋï ba cøørge, kiper geni, wa jø po Jeekap, waana thöörge; waana thöörge møn, ni raanyge kar bëëtö marwa.

Jeremaya 11:22

Kiper manøgønø, mana ŋøl Wuuö Jwøki, eni na wïth jammi bëët, kiper jøøgø beeye en, ena köö, ni «Ennø, ge jääla jäälö. Cwøw moge moa teek onäk ri leny; ni ö wäätge ki nyïïge ni thøwge ki käc,

Jeremaya 13:21

?Agïnaŋø no caanï kanyo ö jiyi moa dwätï ki ge noo mooa ge ki teek bäätï? ?Aŋø, ï ba rämö kaamar dhaagø mo ree da mäc lwaar?

Jeremaya 14:10

'Ba mana løk Wuuö Jwøki kiper jøøi ii beeye en, ena köö, ni «Jøøi ii, ge mëër ka wïïrö køør juu møøk, ni dëëtge kärge mänö ki wääth køørge. Kiper manøgønø, ge ba jïëa, a na Wuuö Jwøk, ni ennø, bääyö marge bëëdö ni ŋääa, ni jääla geni kiper raay moge.»

Jeremaya 9:25

'Ba Wuuö Jwøk aköö, ni «Ennø, da cääŋŋe moo ööi kanyo jääla jøøa näk odaŋø, na näk cwïnyge kärge cïbö jïra,

Edhikiel 5:9

'Ba kiper kït gïï wø lamï bëët na näk yia raac ki ge, gïn mo poot kära tïïö cøøn mo ba cäŋa tïïyö këët tïïa tïïö dëërï.

Edhikiel 9:6

'Nägu geni ni bäŋgø mo dööŋ, ki mano täge ki jäle, ko obwöre moa näk wøpe, ki nyïïakuue, ko obwöre moa therø, ki mään; 'ba jøøa näk täärnyïmge da ŋïï kär gutu. 'Ba wär tägu ki øt lam mara.» Køøre aputge täk ki jø døøŋŋø moa en nyïm Øt Jwøk.

Daniel 9:12

Ïïni luummï mana caanï dëëtwa ki dëët dïbwöthe mowa, mo wø käär waani, awëëgï thur kare ki man kännï bäätwa ki gïn mo leth mo dwøŋ; kiper ki yi piny bäre poot bäŋ teeŋ gïn mo otïïö mo caala teeŋ gïna tïïc dëër Jerucalem.

Odheea 2:13

'Ba eno jääla kiper nïra beede ni lama jwø wø cwøl ni Baal, ni cïpö jïgø ko olämme; nïra beede ni wïïe owïl ki aani ni caatha køør omëërri moe, ni ïthe ee kïthö ki gwet-ïdhi, ni dëëre ee tïïö ni mïërö ki jap mïërö ma teeŋi. Luummögø caana aani, a na Wuuö Jwøk.

Odheea 5:3

Aani bëët Ipariem ŋääa bäre, ni jø Icriel rege ba løny ki man kange gø ki aani; ennø, u na jø Ipariem, røgu anø løøu køør käp, ni ö Icrielli ni raany dëëre.

Odheea 8:13

Geni, gena cïpö ko olämme jïra ni camge rïŋ moge, 'ba a na Wuuö Jwøk, yia kär mïnnö ko olämme moøgø. Ennø, a tïmö naa lääŋŋa gïïa bacge, ni puta ge jääl kiper raay moge. Geni, ge døøa Ijep.

Odheea 9:9

Uuna døny yïth raay døc, ni caala mana tïïc yi Giba; 'ba Jwøk wïïe opare ki rääö maru, ni jääl uuni kiper raay mou.

Amøc 2:4

Wuuö Jwøk aköö na ennø, ni «Kiper mana ö jø Juuda na kaathge bääyö marge, a ba døø ŋääa ki man jääla geni, kiper mana kwierge ciik Wuuö Jwøk, ni kärge luumme gwøø; ni gaage wøk thuwø køør juu mo patha adïëri moa cääth kwäcge køørge.

Amøc 3:3

?Aŋø, jiy ariiø ocääthge na aciel nidïï, ni näk mo gïr wääth kärge tuudö?

Amøc 6:1

Otïmö ni raac jïïu, u ni bëëdö ki bëëtö mo jööt jaak yi Dhayan, ki uuni ni cädö ni karu beer yi Cameria, uuni na kwöru døøŋŋø yi paana kare dwøŋ na näk Icriel, u ni wø cääth jø pou baŋu kiper køny.

Mikiya 2:3

Kiper manøgønø, mana caan Wuuö Jwøki beeye en, ena köö, ni «Ka adïëri møn, aani, a cädö ki man känna bäätu ki gïn mo leth, ni uuni bäŋ ŋat mo bøth ki gø; ni ba cäädhu këët ni jiy raŋu piny, kiper kar kaace, piny obëëdö ni raac.

Neeyam 3:4

'Ba gïïa tägö bëët beeye kiper mana bëët Nineba ni caala dhaagø ma kääbi. Eni mïërö, ni tïïö ki jap ajuuk, ni bïth wïth juurre ki wïth jiy ki køør bëëtö mare manøgø.

Moa Tïïc Nyïïatwieli 17:26

Ni eni wïth juurre bëët tïïe ka dëër dhaanhø aciel, nee bëëtge bäät piny bäre, ni cïp nïr bëëtö jïge ki nyeŋ keee mo kwör bëëte moge,

Wëëlö Mana Göör Pøølli Baŋ Jø Röm 2:9

'Ba da gïï mo leth ki gïï mo reyø mo pïï dëët jiy bëët mo wø tïïc gïno raac. Ni tägi ka jø Juuth këël mano këët baŋ jøw mo patha jø Juuth.

1 Körin 8:3

'Ba ni näk dhaanhø mëër ka Jwøk, eni ŋäc Jwøki.

Tiet Ciik 10:15

'Ba Wuuö Jwøk abëëdö ni yie met ki kwäyu, ni mëër ki geni døc, ni beeye tiere gø na jier uuni, u na nyïïkwaacge, yïthakic wïth juurre bëët, kaawat man bëëde dïcäŋi en.

Tiet Ciik 26:18

'Ba dïcäŋi Wuuö Jwøk thuwø mare acaane ni kööe ni uuna jiye moa perge leth jïre, kaawat mana caan gø jïïu, ni kööe ni ciik moe bëët dou gwøø.

Tiet Ciik 32:9

Kiper kure, eni na Wuuö Jwøk, beege jiye ma jø Icriel, ni beege geni na nyïïkwaac Jeekap na dööŋ jïre na moe.

Tiet Ciik 4:32

«'Ba ennø, pëënynyu rou døøc, ni cädu kiper cwiiri moa cääŋŋe moa dïkwøŋ cøøn, ki mana täge ki dïcäŋa ö Jwøki na cwääc dhaanhø bäät piny; ni pëënynyu piny bäre, ki mano täge ki buut piny man nø këël mano këët man nø. ?Aŋø, da teeŋ gïn mo dwøŋ mo otïïö mo caala man en na tïïc Jwøki kiperu? ?Wala da teeŋ gïn mo owïnyö mo caala teeŋ gïnögø?

Tiet Ciik 7:6

Gïïögø bëët dou tïïö kiper uuna jiy mo ena kur keerge jï Wuuö Jwøk na näk Jwøu. Wuuö Jwøk na näk Jwøu uuna jiere nou tïmu ni uuna thööge dï jiy bëët moa en bäät piny.

1 Piter 4:17

Kiper nïr løøk anø öö, ni tägi ka jø Jwøk. ?'Ba ni näk mo tägi ka øøni, a cuŋ mar jø wø ba leŋ luum Jwøk na nyään na met obëëde nidïï?