Amøc 3:1 - Wëël Jwøk

¹ Uuni na jø Icriel, wïnynyu luummi en na caan Wuuö Jwøki dëëtu, na caane dëët jø dhi øt Icriel bäre moa käl wøk ki yïth ŋøøp Ijep. Ena köö,

Amøc 3:1 Iomraidhean Croise

2 Luup Nyeye 20:15

Ni kö Jadhiëlli, ni «U bëët, u na jø Juuda ki jø wø bëëdö yi Jerucalem, ki nyeya ma Jøcapat, cegu ïthu! Mana caan Wuuö Jwøki beeye en, ena köö jïïu, ni ‹Käru lwäyö ni ba bwøk cwïnynyu kiper lwaak man ni päl en; kiper patha u noo këëdi, 'ba beeye Jwøk noo këëdi kiperu.

Aydheea 46:3

«Wui, jø dhi øt Jeekap, cegu ïthu ki mara, u na jø dhi øt Icriel moa no odööŋ, u na käära ki mana täge nou ena ec, naa poot bëëdö naa käära uuni ennø ki mana täge ki kanya nywøl uuni;

Aydheea 48:12

«Wui, nyïïkwaac Jeekap, ni bee u jø Icriel na näk yaa jierø, cegu ïthu ki dwøra. Bee aani na Wuuö Jwøk na näk wïlöölö, ni näga aŋuudi.

Jeremaya 13:11

Kiper ka adïëri møn, kaawat man wø bëët abïï no okïth dhaanhe dëëre ni teek, jø Icriel bëët ki jø Juuda bëët akäla raa, nee bëëtge na jiya, nee nyeŋŋa wïnye, ni jïta ki pwøc ka ajiem ki køørge; 'ba luumma kärge wïnynyö.› » Luummögø caana Wuuö Jwøki.

Jeremaya 31:1

Wuuö Jwøk aköö, ni «Yi kar kaace aano bëëdö ni aana Jwøk mar wïth tuŋi bëët mo jø Icriel, ni bëëtge ni gena jiya.»

Jeremaya 8:3

Jiy mo odööŋ røk jøøi na reyø ii, ni beege mo odööŋ kwöro riema geni yïthge bëët, otïmö ni ge para thøø buut kwøw.» Luummögø caana Wuuö Jwøki, eni na wïth jammi bëët.

Odheea 4:1

Wui jø Icriel, cegu ïthu ki dwør Wuuö Jwøk, kiper Wuuö Jwøk jïre da løøk ki uuni, u ni bëëdö yi ŋöömö man en, ni luummaca bee en, ena köö, na «Atïmö ni bäŋ jø ŋäädhe, ni bäŋ mëër, ni bäŋ acaara ki man ŋäc Jwøk yi ŋöömö man.

Odheea 5:1

Wuuö Jwøk aköö, ni «U na dïlämme, wïnynyu gïn! U na jø Icriel, cegu ïthu! U na jø paan dwøŋ, cegu ïthu! Ajäla man bee maru, kiper u caala abëëbe bäät jø Micpa, ni bëëdu kaamar ajääpi mo opeerø bäät Kïn Tabör.

Amøc 2:10

Ni beeye aani na käl uuni wøk cøøn ki yïth ŋøøp Ijep, ni käära uuni dï paap ki cwiiri ma pïëraŋween, kiper nee ŋøøp jø Amör cige jïïu.

Amøc 4:1

Wïnynyu gïn, uuni na määr Cameria, uuni no olør kaamar dhää Baacan, uuni ni wø thiel jøøa can piny, ni wø caan jøøa näk oööl, uuni ni wø kööm cwøwu, ni kööu, ni «Kännu ki kwøŋ nee wa mäthwa.»

Amøc 5:1

U na dhi øt Icriel, wïnynyu jwøk thøø man jwøa bäätu en,

Mikiya 2:3

Kiper manøgønø, mana caan Wuuö Jwøki beeye en, ena köö, ni «Ka adïëri møn, aani, a cädö ki man känna bäätu ki gïn mo leth, ni uuni bäŋ ŋat mo bøth ki gø; ni ba cäädhu këët ni jiy raŋu piny, kiper kar kaace, piny obëëdö ni raac.

Mikiya 3:1

'Ba aana köö, ni «U na dïbwöthe mo nyïïkwaac Jeekap, ki u na kwääri moge, ge na jø Icriel, ennø, wïnynyu gïn. ?Aŋø, paa u na doo ŋäc ŋøl ma adïëri?

Jepaniya 2:5

Wui jø Kelita, otïmö ni leth jïïu, u ni wø bëëdö bäät naama dwøŋ. Wui, u ni en yi ŋööm Keenan, ni beeye ŋööm jø Pilitin, dwør Wuuö Jwøk jääla uuni. Eni u raanynye raanynyø, ni tïme ni bäŋ dhaanhø mo dööŋ mo beet ŋöömmögø.

Mana Nyooth 2:29

'Ba ŋat mo jïre da ïth, beerra man wïny gïn ni caan Jwïëc Jwøki en jï acook Jwøk.»