Amøc 2:9 - Wëël Jwøk

⁹ «'Ba beeye aani na raany jø Amör nyïmge; këël na bëët bäc jø Amörri ni caala bäc jaath mo bäär, ni teekge caala teek dhegu, wïthge adïïra na bäre bäre.

Amøc 2:9 Iomraidhean Croise

Wïlöölö 15:16

'Ba nyïïkwaayï oruu paanøgø këël ŋweer beenhnhe, køøre geno duu kany, kiper raay mo jø Amör poot kär këët kanya manynyi ki man raany ge.»

1 Luup Nyeye 1:14

'Ba jø Jeebuc ki jø Amör, ki jø Gërgëca,

Jööp 18:16

Lweedi moe atal piny yïth ŋøøm, ni ö bäädi moe na en maal ni ŋødi piny.

Bwøth Wøk 3:8

Ennø, aana ö piny kuna käla ge wøk ceŋ jø Ijep, kiper nee ge käla wøk yi ŋöömmöce, ni kïtha geni yi ŋöömma beer na näk yie laac, ni beeye ŋöömma näk caak ki maar kïc päl yie, na näk po jø Keenan ki jø Këth ki jø Amör ki jø Përec ki jø Ëwi ki jø Jeebuc.

Bwøth Wøk 34:11

Gwøk gïn ni köömma ïïni ki gø dïcäŋi en. Ka adïëri møn, jø Amör, ki jø Keenan, ki jø Këth, ki jø Përec, ki jø Ëwi, ki jø Jeebuc riema wøk nyïmï.

Aydheea 10:33

Ka adïëri møn, Kwäärö Wuuö Jwøk, eni na wïth jammi bëët, bäät jenni oŋøt piny ki teek mo dwøŋ døc mo di lwäärö, ni ö jenni moa døøŋŋø dïge ni bami piny, ni ö mo wø bëëdö ni bäyö ni dwøgi piny.

Aydheea 5:24

Kiper manøgønø, kaawat man wø ö leep maaci wø gam lethø, ni ö luummi mo otal ni thööri ya maaci, geni thuwø ge tïmö kaamar jenni mo lweetge otøp, mo bøøkge køøl jame køølø kaamar tør; kiper ciik Wuuö Jwøk, eni na wïth jammi bëët, akwierge, ni taakge luum gø, eni na Jwø Icriel na en kur keere.

Edhikiel 17:9

«Caanï jïge ni man bee gïna caan Kwäärö Wuuö Jwøki, ena köö, no ‹?Omøk manøgø, løny ki man lødhe ni døøŋŋe? ?Eni ee, lweete ba puth wøk ni ö nyïïe ni pøni piny ni tale? Eni bäädi moe mo løth tal. 'Ba ki man pudhi wøk, eni ba many cenø mo teek wala jiy mo thööth.

Milkiya 4:1

'Ba Wuuö Jwøk, eni na wïth jammi bëët, aköö, «Neennu, da dïcäŋ mo öö, ni da maac mo liel døc kaamar maa dwaar; ni ö jø atöörri ki jø raay bëët ni tïmge kaamar lethø, ni put ge waaŋ dïcäŋöce kaamar jaath mo owaaŋ ki dëëre bäre këël lweete, ni bäŋgø mo dööŋ dëëtge na bäre bäre.

Kwään Jiy 32:13

'Ba kar kaaca, Wuuö Jwøk awëër døc ki jø Icriel, ni wëëk geni thääyö dï paap ki cwiiri ma pïëraŋween, këël mana thum beenhnhø bäre mana tïïc gïïa reyø nyïm Wuuö Jwøk.

Tiet Ciik 1:28

Ni kööu, na ‹?A kaa ŋø noo cøø yie nø? Nyïïmëëgø cwïnynyø amoocge ki lwär, ni köge ni jø Amör beege jiy mo dëëtge døøŋŋø ni bäyö ni kaala øøni, ni päänye moge døøŋŋø, ni kiiri moge ogeerø ni teek ni bäyö døc. Ni köge thuwø ni wäät Anak, na näk dëëtge døøŋŋø døc, ajootge kaace.›

Tiet Ciik 3:11

'Ba Ög nyeny Baacan, kanya poode ni eni kär thøw, beeye eni keere na no odööŋ ri juna cwøl ni Rapayim. Pëëm mare beeye pëëm nywïënyö, ni poot di joodø po nyïïkwaac Amön, päänya cwøl ni Raaba. Bäc pëëm manøgø beeye rumme abïŋween, ni dööŋ yie beeye rumme aŋween, mo røm ka cenø.

Jøcua 10:12

'Ba ni poot na dïcäŋ mana ö Wuuö Jwøki na cïp jø Amör ceŋ jø Icriel, Jøcua acäänö ki Wuuö Jwøk, ni caan luup moi ii ki teek Jwøk ni nëënö jï jø Icriel, ni kööe, ni «Wui cäŋ, put bëëtö niï cuŋŋö bäät Gibien, 'ba ï na dwääy, put bëëtö niï cuŋŋö bäät goor Ayalön.»

Jøcua 3:10

Ni cäŋ Jøcua köö, ni «Ki ri mano tal naammi en nø, oŋäyu ni Jwøa kwøw ena dïïu, ni ŋäyu gø thuwø ni eni jø Keenan, ki jø Këth, ki jø Ëwi, ki jø Përec, ki jø Gërgëca, ki jø Amör, ki jø Jeebuc rieme wøk nyïmmu.