Amøc 2:4 - Wëël Jwøk

⁴ Wuuö Jwøk aköö na ennø, ni «Kiper mana ö jø Juuda na kaathge bääyö marge, a ba døø ŋääa ki man jääla geni, kiper mana kwierge ciik Wuuö Jwøk, ni kärge luumme gwøø; ni gaage wøk thuwø køør juu mo patha adïëri moa cääth kwäcge køørge.

Amøc 2:4 Iomraidhean Croise

2 Nyeye 17:19

'Ba jø tuuŋ Juuda thuwø, gïïa cem Wuuö Jwøki, Jwøk marge, kärge gwøø; 'ba ge bëëdö ni ge caatha køør kööŋŋe moa tïïc jø Icrielli na pwönyge jiy ki ge.

2 Luup Nyeye 25:14

'Ba kanya duu Amaciya ki kuna 'näk jø Ëdöm, ena kuunnö ki juu mo jø Ëdöm, ni cwöth ge piny jïre na juu moe, ni bëëde ni cøŋŋe këëlle piny nyïmge ni wøøra ge, ni wääŋö nyïmge ki gïï wø jïcge ŋwääi ni met.

2 Luup Nyeye 30:7

'Ba käru tïmö kaamar wëëgu ki nyïïmëëgu na bëëdö ni ge bääö dëër Wuuö Jwøk, Jwø kwäcge, ni tïïc geni na gïn böö cwïny jiyi ki gïrge, kaawat man nëëne jïïu en.

Neemiya 1:7

Waani, waana tïïö ki gïï mo reyø døc dëërï, ni waani ciik moï, ki gïïa cemï, ki luup ŋøl moï, moa cïpï ki ri dhaanhnhï ma Modhe, kärwa gwøø.

Neemiya 9:26

«'Ba geni, luummï kärge wïnynyö; gena gëëmö ki Ïïni, ni løøge ciik moï ŋäthge. Geni nyïïkuk Jwøk moï anäkge, jøøa kööm geni ki man luuge rege baŋï, ni ö geni ni bëëtge ni marge beeye ajaany mo dwøŋ kiree.

Aydheea 28:15

Kiper uuna köö, ni «Waana nø tudö ki luubö ki thøø, nee wa ba gude, ni nø tutwa ki luubö ki kar bëët jwïëc jøøa no othøw, nee wa ba ciwa yie; këël jwïïö man wø räänyö ocur bäätwa, wa ba gude. Kiper tööt ewa nø tïïc ni beeye gïn gwøk waani, ni nø tïïcwa gø ni beeye kany kanwa dëëtwa yie.»

Aydheea 44:20

Teeŋ ŋatøgø tïmö ni cama bur, ni bee cwïny man wø cøøk dhaanhø na tïïc eni nee gaa wøk. Ni ba løny jïre ki man piem dëëre, ni dëëre ba pëënynye, na «?Aŋø, man paa tööt ni cer cwïïa en?»

Jeremaya 16:11

køøre oløgï jïge ni Wuuö Jwøk aköö, ni ‹Beeye kiper mana ö kwäyu na wecge aani, ni caathge køør juu møøk, ni tïnyge geni ni wøørge geni; ni wecge aani møn, ni kärge ciik 'moa gwøø.

Jeremaya 16:12

'Ba uuni thuwø, uuna tïïö ki gïï mo reyø døc mo kaala moa tïïc kwäyu, kiper ŋati man nø dïïu bëëdö ni caatha køør teek wïc mare na öö ki køør rääö mana en cwïnye, ni mara ba wïnynyu.

Jeremaya 17:27

'Ba ni näk mara ba wïnynyu ki man gwøgu cäŋ jwömö nee bëëde ni ena kur keere na mar Jwøk, ni curu dhøk kiir mar Jerucalem nou käädö ki tëër ki cäŋ jwömö, aani dhøk kiir mar Jerucalem nyeba nyebø ki maac mo ba løny ki bïp, ni put kwöra no ogeerø ni teek bëët dï Jerucalem waaŋ.› »

Jeremaya 6:19

Wui, ï na piny, wïny gïn: Ka adïëri møn, a känna bäät jøøi ii ki gïn mo leth, ni beeye gïno duu acaare moge na reyø, kiper ïthge kärge ciiø ki luup 'moa, ni kweerge ki ciik 'moa thuwø.

Jeremaya 8:2

Ni keethge cuu piny, ni nëënö jï cäŋ ki dwääy ki ceer, ni beege gïïa en cwïnyge køørge na lamge, na caathge køørge, na manyge, na wøørge. Cuu moøgø ba cooŋ kanya ciel ni ba koony piny; 'ba geno tïmö kaamar wär mo oker piny jaak.

Jeremaya 8:9

Jøøa köö ni wïthge leer, wïthge olääy; cwïnyge obwøk ni mak geni. Neenï, gena kweer ki luum Wuuö Jwøk. ?'Ba a teeŋ leec wïc mo nyïëdi nø ni en jïge?

Jeremaya 9:14

'ba ge caatha køør teek wïc marge, ni caathge køør juuga cøøri ni Baalli thuwø, na ö wëëkge na pwönyge geni ki ge.»

Edhikiel 13:22

Kiper cwïny jøøa beyø awëëgu pädhö ki luup tööt mou; ni beege jøøa näk kära tïïö nee kïmge. 'Ba uuna tïmö nou cøømma cwïny jøøa reyø ki man ba wecge uutjïëthe moge na reyø, nee ge ba jïtge ki pïëm mana dege piemø ki gø.

Edhikiel 20:13

« ‹'Ba jø Icriel gena cäŋ gëëmö ki aani dï paap. Gena kweer ki man cääthge ki køør luup 'moa, ni wecge ciik 'moa, ni beege gïïa doo cïpö ki kwøw jï ŋato kïth ge bäät tïïc, ni ö geni ni putge cääŋŋe 'moa mo jwöm päät døc. Kanyøgø aana köö ni wëër mara kønynya bäätge nee wïthge puta dïïr dï paap.

Edhikiel 20:16

Kiper ciik 'moa awecge ni kweerge ki man cääthge ki køør luup 'moa, ni päätge cääŋŋe 'moa mo jwöm. Kiper cwïnyge ena køør kït gïï wø lamge.

Edhikiel 20:18

'Ba aana köö jï obwöre moge dï paap, ni «Käru cäädhö ki køør luup mo wëëgu wala man gwøgu ciik moge wala man päätu dëëtu ki kït gïï wø lamge.

Edhikiel 20:24

kiper ciik 'moa kärge jïëö; gena kweer ki luup 'moa, ni päätge cääŋŋe 'moa mo jwöm, ni ge bëëdö ni nyeŋge ena køør kït gïïa lam kwäcge.

Edhikiel 20:30

«Kiper manøgønø, caanï jï jø Icriel ni man beeye luumma caan Kwäärö Wuuö Jwøki, ena köö, na ‹?Aŋø, dëëtu tïïyu tïïö ni ba waany kaawat mana tïïc kwäyu, ni dëëtu gathu gadhø ki käp ni nyeŋŋu ena køør kït gïïa wara lamge?

Edhikiel 22:28

Nyikuk Jwøk moe, tïïe moøgø ege uumö ki luup tööt mo wø carge no onyoodhø jïge, ka adïëde mo patha karge. Ge köö jaak, ni ‹Luumma caan Wuuö Jwøki bee en,› ni gïnaca kär caan Wuuö Jwøki.

Edhikiel 22:8

Ïïni, japa na en kur keerge ataagï, ni päätï cääŋŋe 'moa mo jwöm.

Odheea 12:2

Wuuö Jwøk ena bäät man lööe ki jø Juuda, eni nyïïkwaac Jeekap di jäälö ki køør uutjïëthe moge, ni cool kwör dëëtge ki køør tïïe moge.

Odheea 12:3

Geni kwarge ma Jeekap kanya en ec, opuny tier coki amaae; 'ba kanya nywøli na døøŋŋe, ena ŋäbö ki Wuuö Jwøk.

Odheea 6:11

'Ba u na jø Juuda thuwø, da dïcäŋ mo mar ajäla mo yaa cïp piny kiperu. Køør manøgønø, aano ööi ni dwøga gum dëël mar jiya kare.»

Amøc 1:3

Wuuö Jwøk aköö na ennø, ni «Kiper mana ö jø Damacka na kaathge bääyö marge, a ba døø ŋääa ki man jääla geni, kiper jø Gelät anyathge ka abaya ma nywïënyö.

Amøc 3:2

ni «Beege uuni keeru na näk yaa jierø røk tuŋi bëët moa en bäät piny; kiper manøgø nø, aano ööi ni cunna uuni ki køør gïïa reyø bëët na tïïyu.»

Mikiya 6:12

Jiy moa no okwär dï pääny, yïthge päŋ ki tïïc gïï mo reyø, ni jø wø bëëdö yi pääny manøgø, ge cara tööt, ni lëëpge cara luup cwøk.

Abakuk 2:18

«?Aŋø, gïn wø lam ni wø tieŋ dhaanhe na gïn ma kït gïrpiny, na dïpööy ma twöt, agïnaŋø ni kønye? Kiper ŋat wø tïïc gø, wø ŋäätha gïn wø tïïe ki cere, kany wø tïïe ki kït gïrpiny mo ba cäänö.

Wëëlö Mana Göör Pøølli Baŋ Jø Röm 1:25

Kiper geni mana näk adïëri kiper Jwøk awiilge ki tööt. Ni wøørge gïna cwääc Jwøki ni tïnyge gø, ni wecge eni na näk Cwääy, eni na doo pwøø na bäre bäre. Enøgønø.

1 Thecalönika 4:8

Kiper manøgønø, ŋato taak luummögø, ba taak dhaanhø, 'ba taaga Jwøk, ŋat wø cïp Jwïëye na en kur keere jïïu.

1 Piter 1:18

Kiper ŋäyu ni uuna wïïl wøk ki yïth uutjïëthe mou ni wø bäŋ gïn duuge jïïu na kwanynyu baŋ kwäyu, nou ba wiil ka teeŋ jap wø ränynyi, teeŋ ka gwel-bïrö wala warkey.

Pïëmme 10:6

'Ba jø Icriel acäŋ tïïö ki gïï mo nëëni ni reyø ki jï Wuuö Jwøk, ni tïnyge juuga cøøri ni Baal ka Actaröth, ki juu mo jø Aram, ki juu mo jø Caydan, ki juu mo jø Möap, ki juu mo jø Amön, ki juu mo jø Pilitin; ni putge Wuuö Jwøk wec ni ba tïnyge.