Amøc 2:11 - Wëël Jwøk

¹¹ Køøre aana tïŋ maal ki nyïïkuk Jwøk røk wäätu, ni jëëta ki jiy møøk røk wøpe mou ni cïba geni kur keerge na jø Nadhir. ?Aŋø, u na jø Icriel, gïnögø paa adïëri? Beeye aani na Wuuö Jwøk ni cäänö enø.

Amøc 2:11 Iomraidhean Croise

1 Nyeye 17:1

'Ba nyikuŋ Jwøk ma Ilaaja nyï Ticbi na en yïth ŋøøp Gelät, aköö jï Akap, ni «Ŋëët Wuuö Jwøk, Jwø Icriel na kwøw, ni wø tïnynya en, ka adïëri møn, ki yïth cwiiri moi ii, tïmö ni bäŋ thööy ki køth, ni näk mo ba caana aani ni køth pädhö.»

1 Nyeye 18:4

kiper kanya ö Jedhebelli na 'näk nyïïkuk Jwøk mo Wuuö Jwøk, Øbadiya nyïïkuk Jwøk ma dïpa akäle ni kan ge yïth uut kïte na pïërabïïc pïërabïïc, ni bëëde ni møya geni ki cam ki pïï.

1 Nyeye 19:16

ni thïïmmï wï Jiyu o Nimci ki maaw nee tïme na nyeya bäät Icriel, ni thïïmmï wï Ilaaca o Capath nyï Abël-Mööla ki maaw, nee ci karï na nyikuŋ Jwøk.

1 Nyeye 20:13

'Ba da nyikuŋ Jwøk ma aö baŋ Akap nyeny Icriel ni kööe, ni «Wuuö Jwøk aköö, ni ‹?Jiy moøgø ni thööth yøø nëënö jïrï? Ka adïëri møn, aani, ge cïba cerï dïcäŋi, nee putï ŋäc ni aana Wuuö Jwøk.› »

1 Nyeye 20:35

'Ba nyikuŋ Jwøk aciel røk nyïïkuk Jwøk aköö jï watge ki køør mana caan Wuuö Jwøki, ni «Gøøc aani.» 'Ba watge akweer ki man gøøc eni.

1 Nyeye 20:41

Kanyøgønø, abïï aput käl wøk waŋe, ni ö nyeny Icrielli ni ŋec eni ni ena dhaanhø aciel røk nyïïkuk Jwøk.

1 Nyeye 22:8

'Ba nyeny Icriel aköö jï Jøcapat, ni «Poot da dhaanhø aciel mo dwør Wuuö Jwøk døø pëënynyö ki eni, 'ba a män ki gø, kiper poot bäŋ gïn mo beer mo ee nø caan en kipera, 'ba cooth beeye gïn mo raac. 'Ba ŋatøgø beeye Mikaya wär Imla.» 'Ba Jøcapat aköö, ni «Nyeya, luummögø kär caanï.»

2 Nyeye 17:13

'Ba jø Icriel ki jø Juuda ge wø kööm Wuuö Jwøki köömmö ki dhøk nyïïkuk Jwøk bëët ki dhøk jø wø joot jammi ki køør man wø nyooth Jwøki jïge, ni kööe, ni «Weyu uutjïëth raay mou ni gwøgu gïïa cema ki ciik 'moa na en ri pwöc 'moa bëët moa köömma kwäyu ki gø, ni beege na jääŋŋa baŋu ki dhøk jiya ma nyïïkuk Jwøk.»

2 Nyeye 6:1

'Ba lwaa nyïïkuk Jwøk moa therø aköö jï Ilaaca, ni «Neenï, ennø, kany ni bëëtwa yie buutï en atïmö ni thiinh kiperwa.

2 Luup Nyeye 36:15

'Ba Wuuö Jwøk, Jwø kwäcge, dwøl mare jääŋŋe jääŋŋö baŋge cooth ki dhøk nyïïkuk moe, kiper pänh cwïny mare kiper jiye ki kar bëëtö mare.

Jeremaya 11:21

Kiper manøgønø, Wuuö Jwøk mare aŋøle kiper jø Anathöth, jøøa many man 'näkge aani, na köö, ni «Kär luum Wuuö Jwøk køpï, niï ba 'näkwa.»

Jeremaya 2:31

Wui, u na jø Icriel, wïnynyu luumma, a na Wuuö Jwøk. ?Aŋø, aana bëëdö kaamar paap ki jïïu? ?A aana bëëdö kaamar ŋöömö mo yie da muudhö mo cøl ki jïïu? ?Aperŋø ni kööu, u na jiya, ni ‹Waani, wa bëëdö ki wïthwa jaak, ni wa ba ö baŋï këët›?

Jeremaya 2:5

Luumma caan Wuuö Jwøki beeye en, ena köö, na «?Agïnaŋø na raac na joot kwäyu baŋa, ni tïïcge karge ni bäär ki aani, ni putge cäädhö køør juu mo oballe jaak, ni tïmge ni bäŋ karge en?

Jeremaya 26:11

Ni ö dïlämme ki nyïïkuk Jwøk ni köge jï jøøa kwörge døøŋŋø ki jiy bëët, ni «Nyeni en, mare ŋøl yi thøø, kiper gïï mo reyø akøbe dëër pääny man, kaawat mana wïnynyu gø ki ïthu.»

Jeremaya 7:25

'Ba ki mana täge ki kanya ö kwäyu wøk ki Ijep këël mana këët dïcäŋi en, aana bëëdö ni jiya ma nyïïkuk Jwøk 'moa bëët, jääŋŋa jääŋŋö baŋu cooth.

Wëël Kïmmö 4:7

Kwääri moe gena bëëdö ni dëëtge tøŋ ni kaala piiø, ni ge tar ni kaala caak, ni ge beyø døc ni kaala nyeŋ kïte moa mïërö, ni mïërö marge caala nyeŋ kïte moa ŋwaŋŋi.

Mikiya 2:6

'Ba nyïïkuk Jwøk mo wø køp luup ki wïthge, ge wø köö ki aani, ni «Kär dwør Jwøk køpï. Kär dee dwør Jwøk mo køpï kiper gïï mo tägö dëëtwa. Bäŋ lään wïc mo ö bäätwa.»

Moa Tïïc Nyïïatwieli 4:18

Kanyøgø nø, gena cwølge ni cemge ge nee ge ba cäänge wala ge pöö ki nyeŋ Jecu këët na bäre bäre.

Moa Tïïc Nyïïatwieli 5:28

ni kööe, na «?Aŋø, u kärwa mänö ki man pööu ki nyeŋŋøgø? 'Ba kawaane Jerucalem apääŋŋu ki pwöc maru, nou manynya man kälu rem ŋatøgø bäätwa.»

Moa Tïïc Nyïïatwieli 7:51

«U jø wïthu teek en, nou patha odaŋø ki yïth cwïnynyu ki ïthu en, cooth u wø kweeyø ki Jwïëc Jwøk na en kur keere. Keda mana kwøŋ kwäyu tïïc, beeye eni ni tïïyu en thuwø.

Tiet Ciik 18:18

Aano tïŋ maal ki nyikuŋ Jwøk dï jø poge mo caala ïïni, ni cïba luup 'moa dhee, ni ö eni ni caan luupo köömma eni ki ge bëët jïge.

1 Camiel 19:20

Køøre Cøøl ajäägö ki jiy kiper nee Deebit kälge baŋe; 'ba kanya cige, lwaa nyïïkuk Jwøk ajootge ni ge pwøya Jwøk, ni Camiel cuŋŋö na bwödhi marge. Ni put Jwïëc Jwøki ö bäätge ni pwøcge Jwøk thuwø.

1 Camiel 3:20

'Ba jø Icriel bëët, ki mana täge ki Daan na en jï løø wï-piny këël mana këët Bëërcïïba na en jï løø tier-piny, ŋäcge ni Camiel otïïc Wuuö Jwøki na nyikugö mare.