Amøc 1:6 - Wëël Jwøk

⁶ Wuuö Jwøk aköö na ennø, ni «Kiper mana ö jø Geedha na kaathge bääyö marge, a ba døø ŋääa ki man jääla geni, kiper jø paac bëët amakge ki tøŋ, ni ŋeewge geni ki jø Ëdöm.

Amøc 1:6 Iomraidhean Croise

2 Luup Nyeye 28:18

'Ba jø Pilitin thuwø päänye mo Juuda moa en yïth ŋøøpa näk rege päärö atwierge, ki kany wø cwøl ni Nëgëp; ni makge Bëëth-Camic, ka Ayalön, ki Gedëröt, ki Cökö ka atude moe, ki Temna ka atude moe, ki Gimjö ka atude moe, ni putge bëëte yïthge.

Jeremaya 47:1

'Ba man beeye dwør Wuuö Jwøk mana ö bäät nyikuŋ Jwøk ma Jeremaya kiper jø Pilitin, kanya poot Geedha ni kär nyak Peerø.

Edhikiel 35:5

« ‹Kiper ïïna bëëdö niï män ki jø Icriel ki kany mo yie bäär, ni wëëgï ge 'näk dïcäŋa enge yïth gïïa leth, ni beeye dïcäŋa jääl geni na aŋuudi.

Jool 3:4

«Maya thuwø, u jø Tayar ki jø Caydan ki jiy bëët moa en mïëc Pilitin, ?agïnaŋø na manynyu nee tïïyu dëëra? Aŋø, da kwör mo dou coolø dëëra? 'Ba ni näk mo da kwör mo you caarø ni coollu coolø dëëra, laara ka layø ni dwøga gø dëëtu.

Jool 3:6

Uuni, jø wø bëëdö Jerucalem ki dï Juuda bäre agathu baŋ jø Gïrïïk, ni tïïyu karge ni bäär ki ŋöömö marge.

Amøc 1:11

Wuuö Jwøk aköö na ennø, ni «Kiper mana ö jø Ëdömmi na kaathge bääyö marge, a ba døø ŋääa ki man jääla geni, kiper na ŋwiecge køør nyïïmëëkge ma jø Icriel ki tøøŋi, ni wecge bäth cwïny mana dege tïïö. Ni ö wëërri marge ni pälle, ni bëëde ni nut cooth.

Amøc 1:3

Wuuö Jwøk aköö na ennø, ni «Kiper mana ö jø Damacka na kaathge bääyö marge, a ba døø ŋääa ki man jääla geni, kiper jø Gelät anyathge ka abaya ma nywïënyö.

Amøc 1:7

Kiper manøgø nø, maac ojääŋŋa, ni waaŋ kiir mar Geedha ki uudi moa teek na en yie.

Amøc 1:9

Wuuö Jwøk aköö na ennø, ni «Kiper mana ö jø Tayar na kaathge bääyö marge, a ba døø ŋääa ki man jääla geni, kiper jø paac bëët aŋeewge ki jø Ëdöm, ni kärge wïthge caarø ki dwøl mana tuut na näk mar nyïïmëëe na en yïthakicge.

Obadiya 1:11

Kiper dïcäŋa ö jøøa pathi na tøcge dhøk kiir mo Jerucalem, ni tïïge ki nyuuthe kiper gø ki man pääŋge gø yïthakicge, ni dønyge yi gø ni twierge jap kwär mo gø, uuna cuŋŋö buutge ni dëëtu you waanyø, ni tïmu nou caala geni.

Dhekaraya 9:5

'Ba eno joot pääny Ackelön, ni put pääny Ackëlön lwäyö; ni jooti ya pääny Geedha, ni ö pääny Geedha ni put dëëre nikem. 'Ba eno joot pääny Akarön thuwø, ni put ŋäädhe mar pääny Akarön ränynyö. Geedha nyeya mare otïmö ni bäŋgø, ni ö pääny Ackëlön ni tïme ni bäŋ jiy yie.

Moa Tïïc Nyïïatwieli 8:26

Kanyøgø nyïïatwiel maal mør mar Wuuö aköö jï Pilip, «Ö maal, ni ciï nyïm jï løø tier-piny yi jöör wø cør yi Jerucalem ni aa Geedha, ni beeye jööra en dï paap.»

1 Camiel 6:17

'Ba gïïa näk caala børi na no otïïö ki warkey, na cïp jø Pilitinni jï Wuuö Jwøk na muuy man wø nyooth bääyö, aciel beeye kiper Acdöt, aciel beeye kiper Geedha, aciel beeye kiper Ackelön, aciel beeye kiper Gëth, aciel beeye kiper Akarön;