Amøc 1:3 - Wëël Jwøk

³ Wuuö Jwøk aköö na ennø, ni «Kiper mana ö jø Damacka na kaathge bääyö marge, a ba døø ŋääa ki man jääla geni, kiper jø Gelät anyathge ka abaya ma nywïënyö.

Amøc 1:3 Iomraidhean Croise

1 Nyeye 19:17

'Ba ni näk mo da dhaanhø mo bøth ki thøø cer Adhaël, eni 'näk Jiyuwi nääö. 'Ba ŋato bøth ki thøø cer Jiyu, eni 'näk Ilaaca nääö.

2 Nyeye 13:3

Køøre Wuuö Jwøk awëër døc ki jø Icriel, ni cïp ge cer Adhaël nyeny Aram ki wääde ma Ben-Adat, nee wø böötge cooth cooth.

2 Nyeye 13:7

'Ba jø leny mo wø cäädhi ki bäät okwëënyi moa dööŋ jï Jeyöakac, kwäänge ba pöödhi ki kwään jiy ma pïërabïïc, ni kwään jïëth leny mo wø tut okwëënyi ba pöödhi ka apaar, ni kwään jø leny mo wø këëdi ki piny ba pöödhi ki kume apaar, kiper gena 'näk nyeny Arammi, ni nyør geni ni ŋethge kaamar tør.

2 Nyeye 16:9

Kanyøgønø, nyeny Aciria luum Eeyeth aput wïnynyö; ni ö eni ni put ci Damacka baŋ leny ni mac gø, ni mak jiy moa en yie ki tøŋ ni kïth ge pääny mana cwøl ni Kir; ni put Recin nyeny Aram 'näk.

2 Nyeye 8:12

'Ba Adhaël aköö, na «?Awuuö, ï jwöŋï kiper ŋø?» Ni løgi ya Ilaaca jïre, ni «Beeye kiper mana ŋääa gïïo reyø noo tïïyï dëët jø Icriel, noo waaŋï kwör gwøk røk moge moa teek, noo 'nägï jiy moge moa näk poot na wøpe ko opëëllö, noo gøyï obwöre moge ki piny, noo rietï yïth mään moge moa näk yïthge da jiy.»

Jööp 19:3

Ennø, kwöre aløny na apaar nou jälla aani, ni wïthu ba laay ki man caru gïï mo reyø dëëra.

Jööp 5:19

Eni ï käle wøk ki yïth gïï mo leth mo pïï ra abïciel, 'ba këël doo pïï ri bïrietge bäŋ gïn mo leth mo gut ïïni.

Pwöc Leec Wïc 6:16

Da gïï pinyi abïciel mo Wuuö Jwøk män ki ge, ni da bïrietge mo yie raac ki gø døc;

Luup Dïpööy 11:2

Pääŋ jammi moï ki kwöre abïriiø wala kwöre abära, kiper gïn mo raac mo løny ki man täge bäät piny kuyï.

Aydheea 28:27

Eni teeŋ jer wø ŋwääi ni met, nyïï gø ba dïne ka abaya, wala gïr dïn man wø tut dhäki; 'ba teeŋ nyïï jerøgø wø dïne ka thiir.

Aydheea 41:15

Ka adïëri møn, ï tïïa tïïö niï caala gïr dïn man wø tut dhäki, na teeŋ gïr dïn mo nyään mo beth mo lage thööth, nee wïth kïte dwøgï piny ki gø, ni nyaaï thuuri piny ki gø ni tïmge kaamar lethø.

Aydheea 7:16

Kiper kanyo poot nyilaarøgø ni waŋe poot kär rïënnö, ki man kwier gïna raac ni jier mana beer, ŋøøp nyeye moø na ariiø ni lwääru ki ge yøø dööŋ keerge.

Aydheea 7:8

Kiper pääny mana dwøŋ mar Aram beeye Damacka, ni bwödhi mar Damacka beeye Recin. 'Ba noo tïme na cwiiri ma pïërabïciel ka abïïc, jø Ipariem keethø ni tïmge ni paa wï jur këët.

Aydheea 8:4

kiper kanyo poot nyilaalli manøgø ni wänni ki menni poot ba cwøle na Awuuö wala Ayaŋ, jap kwärö moa en Damacka ki jammi moa twier Cameria olwør nyeny Aciria ni aae ki geni.»

Amøc 1:11

Wuuö Jwøk aköö na ennø, ni «Kiper mana ö jø Ëdömmi na kaathge bääyö marge, a ba døø ŋääa ki man jääla geni, kiper na ŋwiecge køør nyïïmëëkge ma jø Icriel ki tøøŋi, ni wecge bäth cwïny mana dege tïïö. Ni ö wëërri marge ni pälle, ni bëëde ni nut cooth.

Amøc 1:13

Wuuö Jwøk aköö na ennø, ni «Kiper mana ö jø Amönni na kaathge bääyö marge, a ba døø ŋääa ki man jääla geni, kiper määr jø Gelät moa näk yïthge da jiy arietge ri leny mana këëlge ki jø Gelät, ni ge nyaaya nyeŋ kee moge.

Amøc 1:6

Wuuö Jwøk aköö na ennø, ni «Kiper mana ö jø Geedha na kaathge bääyö marge, a ba døø ŋääa ki man jääla geni, kiper jø paac bëët amakge ki tøŋ, ni ŋeewge geni ki jø Ëdöm.

Amøc 1:9

Wuuö Jwøk aköö na ennø, ni «Kiper mana ö jø Tayar na kaathge bääyö marge, a ba døø ŋääa ki man jääla geni, kiper jø paac bëët aŋeewge ki jø Ëdöm, ni kärge wïthge caarø ki dwøl mana tuut na näk mar nyïïmëëe na en yïthakicge.

Amøc 2:1

Wuuö Jwøk aköö na ennø, ni «Kiper mana ö jø Möapi na kaathge bääyö marge, a ba døø ŋääa ki man jääla geni, kiper cuu mo nyeny Ëdöm awaaŋge na bäre, këël mana tïmge na bur.

Amøc 2:4

Wuuö Jwøk aköö na ennø, ni «Kiper mana ö jø Juuda na kaathge bääyö marge, a ba døø ŋääa ki man jääla geni, kiper mana kwierge ciik Wuuö Jwøk, ni kärge luumme gwøø; ni gaage wøk thuwø køør juu mo patha adïëri moa cääth kwäcge køørge.

Amøc 2:6

Wuuö Jwøk aköö na ennø, ni «Kiper mana ö jø Icrielli na kaathge bääyö marge, a ba døø ŋääa ki man jääla geni, kiper ŋata beer wø gathge gadhø kiper pïïn gwel, ni gathge ŋata can kiper pïïn war.

Dhekaraya 9:1

Luum Wuuö Jwøk na caal tëër ena bäät ŋööm Adrak ni jääla gø, këël mano këët Damacka; kiper jiy ki wïth tuŋi bëët mo Icriel, nyeŋge atïmö ni ena dëër Wuuö Jwøk.

Dhekaraya 9:2

'Ba ŋööm Amath na kïïö ki mïëyögø di jäälö thuwø, këël mano këët Tayar ki Caydan, këël na bëët mïëri moøgø na mïëri mo wïth jiy moge leer døc.