Amøc 1:13 - Wëël Jwøk

¹³ Wuuö Jwøk aköö na ennø, ni «Kiper mana ö jø Amönni na kaathge bääyö marge, a ba døø ŋääa ki man jääla geni, kiper määr jø Gelät moa näk yïthge da jiy arietge ri leny mana këëlge ki jø Gelät, ni ge nyaaya nyeŋ kee moge.

Amøc 1:13 Iomraidhean Croise

2 Camiel 12:31

Deebit thuwø jøøa bøth yi pääny manøgø amaae, ni kïth ceŋge ki lïge ki teeŋ jap tïïc mo tïïc ka nywïëny, nee ge tïïge ki ge, ni tïïc møøk na mo wø budö ki thuube. Ni ö Deebiti ni tïïc teeŋ gïnögø dëët jøøa en yïth päänye bëët mo jø Amön. Køøre Deebit ki jø leny moe bëët gena put døø Jerucalem.

2 Nyeye 15:16

Kanyøgø Menaëm acäŋ tïŋŋö ki Tirja, ni tuk Tipca ni raany gø ki jiy moa en yie bëët, ki mïëri moa en deŋŋe, kiper mana ö jøøgø na kweerge ki man cïpge ceŋge jïre. Ni ö eni ni riet yïth mään bëët moa näk yïthge da jiy.

2 Nyeye 24:2

'Ba Wuuö Jwøk dïtwïëte mo jø Babiløn, ki mo jø Aram, ki mo jø Möap, ki mo jø Amön, ajääŋŋe baŋ Jeyöakëm, ni ge jääŋŋe kaper nee mïëc Juuda raanyge, ki køør dwøre mana caane ki dhøk jiye ma nyïïkuk Jwøk.

2 Nyeye 8:12

'Ba Adhaël aköö, na «?Awuuö, ï jwöŋï kiper ŋø?» Ni løgi ya Ilaaca jïre, ni «Beeye kiper mana ŋääa gïïo reyø noo tïïyï dëët jø Icriel, noo waaŋï kwör gwøk røk moge moa teek, noo 'nägï jiy moge moa näk poot na wøpe ko opëëllö, noo gøyï obwöre moge ki piny, noo rietï yïth mään moge moa näk yïthge da jiy.»

2 Luup Nyeye 20:1

'Ba kanya tïme na køøre cään, jø Möap ki jø Amön ge ki jø møøk røk jø Meunim gena ö kuna këëtge ki Jøcapat.

2 Luup Nyeye 20:10

«Raŋï, ennø jø Amön, ki jø Möap, ki jø Ëdöm, gena ö kuna tukge waani. Ni kanya ö kwäcwa wøk ki Ijep, kwäcwa kärï jïëö ki man dønyge mïëyögø, 'ba gena pöödhö ki deŋ mïëyögøøni ni kärge raanynyø.

Neemiya 2:19

'Ba kanya ö Cenbalati nyï Örönaim, ki Thöbiya ŋat köör ma nyï Amön, ki Gëcam nyen ma Araba, na wïnyge luum gïno tïïcwa, waana putge buuö ni ŋeethge bäätwa ni köge, ni «?Gïnö ni tïïyu enø agïnaŋø? ?Aŋø, uuni, maru ageem ki nyeya?»

Aydheea 5:8

'Ba otïmö ni leth jïïu, u ni wø meet uudi mou ki uudi møøk, ni wø mëën bäät pwöth mou ki pwöth møøk, ni tïme ni bäŋ kany mo dööŋ jï jiy møga, ni dööŋŋa u keeru yi ŋöömö manøgø.

Jeremaya 25:21

ki jø Ëdöm, ki jø Möap, ki jø Amön;

Edhikiel 21:28

«'Ba ï na wär dhaanhø, caan gïn ni kööï ni man bee luumma caan Kwäärö Wuuö Jwøki kiper jø Amön ka ajøøŋ mana tïïcge, ena köö, «no ‹Opëëllö anø wöth wøk kiper 'näk, ni bëëdö no othoodhø nee räänye, ni eni malli døc kaamar agaackøth.

Edhikiel 25:1

'Ba dwør Wuuö Jwøk aö bääta ni kööe,

Edhikiel 35:10

« ‹Kiper ïïna köö, ni «Wïth juurre moi na ariiø ii ki ŋøøm moge, ni beege jø Juuda ki jø Icriel, ge tïmö na 'moa, nee putge dööŋŋö jïwa na thöökwa,» këël na bëëde ni Wuuö Jwøk nut yïthge.

Odheea 13:16

Jø Cameria ajäla marge døøa wïthge, kiper gena gëëmö ki aani, a na Jwøk marge. Geni, ge di nääö ko opëëllö. Obwöre moge moa therø di gøyø ki røk kïte ni petge, ni ö määrge moa näk yïthge da jiy ni riet yïthge.»

Odheea 14:1

Wui, u na jø Icriel, duu baŋ Wuuö Jwøk, Jwøk maru, kiper uuna wëëk raayi mou pädhö.

Amøc 1:3

Wuuö Jwøk aköö na ennø, ni «Kiper mana ö jø Damacka na kaathge bääyö marge, a ba døø ŋääa ki man jääla geni, kiper jø Gelät anyathge ka abaya ma nywïënyö.

Tiet Ciik 2:19

'Ba kanyo tïm karu ni cään nou dïët ki ŋööm nyïïkwaac Amön, kär geni miinnu, ni ba kammu geni ki leny, kiper bäŋ gïn mo cïba jïïu røk ŋøøp nyïïkwaac Amön, kiper ŋöömmögø yaa nø cïp jï nyïïkwaac Løøt nee bëëde na marge.›