Agëë 2:4 - Wëël Jwøk

⁴ 'Ba ennø, ï na Dherubabel, ki ï na Jøcua wär Jöcëdëk, ni bee ï Kwääy Lam Mana Dwøŋ, ki u na jø paac bëët, magu dëëtu ni tïïyu tïïc; 'ba a ena buutu.› Manøgø caana Wuuö Jwøki, eni na wïth jammi bëët.

Agëë 2:4 Iomraidhean Croise

2 Camiel 5:10

'Ba teek mar Deebit aput bëëtö ni cäätha maal, kiper Wuuö Jwøk, Jwø wïth jammi bëët, bëëdö ka eni.

1 Luup Nyeye 22:13

'Ba jammi moo tïïyï othur karge jïrï ni näk mo ciik moa cïp Wuuö Jwøki jï Modhe kiper jø Icriel iï gwøø. Mak riï nø, ni bëëdï niï teek; ni ba bwøk cwïnyï ni ba lwäyï.

1 Luup Nyeye 28:20

Køøre Deebit aköö jï wääde ma Cølöman, ni «Mak riï ni bëëdï niï teek, ni tïïyï gïïögø bëët; kärï lwäyö ni ba bwøk cwïnyï; kiper Wuuö Jwøk, eni na Jwøk mara, ena buutï. Eni ï ba wiie këël kanyo thum tïï jammi bëët mo wø tïïc Øt Wuuö Jwøk.

Edhera 10:18

'Ba ki røk nyïïkwaac dïlämme, jøøa joot ni geno nyöömö ki nyïï juurre joota røk nyïïkwaac Jøcua wär Jöcëdëk ki røk nyïïkwaac nyïïmenni, ni jøøgø beege Maycëya ki Eliëdher ki Jarip ki Gedaliya.

Edhera 5:2

Køøre Dherubabel o Celatiyal ki Jøcua wär Jöcëdëk gena ö maal ni täkge ki man cäŋge Øt Jwøk geerrø Jerucalem; ni ö nyïïkuk Jwøki moøgø ni bëëtge ni køønynya geni ka acaare.

Bwøth Wøk 3:12

Ni kö Jwøki, ni «Ka adïëri møn, aano en buutï; 'ba gïno ŋäyï gø ki gø ni beeye aani na jääŋ ïïni beeye en, kanyo nø kälï jiy wøk ki yi Ijep, aano wøørru ni aana Jwøk maru bäät kïdi man en.»

Agëë 1:13

Køøre Agëë, na jääŋ Wuuö Jwøki, dwør Wuuö Jwøk man acaane jï jiy na ennø nø, ni «Wuuö Jwøk aköö, ni ‹Aani, a bëëdö ka uuni.› »

Dhekaraya 4:6

Køøre ena köö jïra, ni «Man beeye dwør Wuuö Jwøk mana caane jï Dherubabel, ena köö, ni ‹Paa ki teek wala ki mak røk, 'ba beeye ki køør jwïëy 'moa.› Manøgø caana Wuuö Jwøki, eni na wïth jammi bëët.

Dhekaraya 8:9

Wuuö Jwøk, eni na wïth jammi bëët, aköö, ni «U ni wø wïny luup moi ennø dhøk nyïïkuk 'moa ki mana täge ki kanya cak tier Øt Jwøk ki geer, ni beeye øtø mara, a na Wuuö Jwøk na en wïth jammi bëët, magu dëëtu ki tïïc nee Øt Jwøk geer.

Maak 16:20

Ni aacge ni køpge luumma nyään na met yïth mïëri bëët, ni Wuuö tïïö ka geni, ni nyootha gø ni luummögø ni wø køpge beeye adïëri ki køør ŋïïce mo wø cäädhi ki gø na aciel. Enøgønø.]

Moa Tïïc Nyïïatwieli 7:9

«'Ba kwäre moøgø gena keeyø kiper o wääge ma Jocep, ni gathge eni baŋ jø Ijep. 'Ba Jwøk abëëdö buute,

1 Körin 16:13

Kuru, ni cuŋŋu nou teek ri ŋäädhe maru. Magu cwïnynyu nou teek.

Epeca 6:10

'Ba mana dööŋ keere nø, tëënnu ki ri Wuuö ki køør teege, eni ni wø teek.

Tiet Ciik 31:23

Køøre Wuuö Jwøk Jøcua o Nun acuume ni kööe, «Mak riï ni bëëdï niï teek, kiper beeye ïïni noo kïth jø Icriel yi ŋöömma kööŋa kipere jïge. 'Ba aani, a bëëdö naa ena buutï.»

2 Timöthi 2:1

Ï na wääda nø, bëëdï niï teek ki ri met ec mana en ri Krictø Jecu.

2 Timöthi 4:17

'Ba Wuuö acuŋŋö buuta, ni wëëk a tëënnö ki man køba luum Jwøk ki kare bäre, kiper nee wïny juurre bëët. 'Ba aana piem ni bødha dhi ŋuu.

Jøcua 1:6

«Mak riï ni bëëdï niï teek, kiper ïïni, jøøi ii otïïyï nee ŋöömö mana kööŋa kipere jï kwäcge ni wëëga geni na marge nee ci jïge.

Jøcua 1:9

Ennø, a köömma ïïni. Mak riï ni bëëdï niï teek; ni ba bwøk cwïnyï ni ba lwäyï, kiper a na Wuuö Jwøk na näk Jwøk marï, a ena buutï kany wø ciï yie jaak.»

Pïëmme 2:18

'Ba kany wø tïme ni Wuuö Jwøk pïëmi man nø di thïïŋö jïge, eni puta bëëtö ni nut buut pïëmi mano thïïŋe, ni køny jø Icriel ceŋ nyïïmän moge yïth nïr kwøw mo wø beet pïëmi manøgø; kiper Wuuö Jwøk cwïnye opädhö ki cooyø marge ki køør gïna tïïc jøøa dïïm geni na caar geni.

1 Camiel 16:18

'Ba aløk dhaanhe acielli dïge ni kööe, ni «Neenï, da o Jeci nyï Bethelem mo pwöt thoom-othïënhö ŋääe døc, ma dhaanhø mo teek mo cwïnye da cer, ma ŋat leny, mo waŋe riek ki luubö, ni beeye nyen mo kïte mïërö; 'ba Wuuö Jwøk nut buute.»