Agëë 2:22 - Wëël Jwøk

²² Ni ö wäle mo buc nyeye mo wïth juurre ni jaalla ge, ni raanynya teek marge. Ni raanynya jïëth okwëënyi mo leny, ki jø wø kiiw geni. Ni ö okwëëc leny ki jø wø kiiw ge ni päänhge. Ni ö ŋati man nø ni nägi yo opëëllö mar wati.›

Agëë 2:22 Iomraidhean Croise

2 Luup Nyeye 15:6

Paac man nø këëdö ki paac mør, ni ö päänynyi man nø ni këëde ki pääny mør, kiper gena wëëk Jwøki jwør gïï mo leth ma teeŋi.

2 Luup Nyeye 20:22

'Ba kanya täkge ki wär dudi ni pwøcge Jwøk, jø Amön, ki jø Möap, ki jø Ëdöm moa ö kuna këëtge ki jø Juuda, wïthge aput Wuuö Jwøki kier ki man 'näkge rege keerge.

2 Luup Nyeye 20:23

Kiper jø Amön ki jø Möap gena ö maal kuna këëtge ki jø Ëdöm, ni dïïrge wïth jø Ëdöm bëët. 'Ba kanya nø thöörge jø Ëdöm bëët ki 'näk, gena ö maal ni këëtge ki rege keerge, ni putge wïthge dïïr.

Bwøth Wøk 14:17

'Ba aani cwïny jø Ijep odøøya mo teek møn ni lämge køør jø Icriel; 'ba aani teek mara onyoodha ki ri Peerø ki lwaak mar leny mare bäre, ki jïëthe moe mo wø tut okwëënyi, ki jø okwëënyi moe.

Bwøth Wøk 14:28

Ni ö pïïyi ni duuge ni mwønyge jïëthe mo wø tut okwëënyi ki jø okwëënyi, këël lwaa leny mar Peerø bäre na cäädhö køør jø Icriel dï Naama Kwaar; ni bäŋgø mo odööŋ këël aciel dïge.

Bwøth Wøk 15:19

Kanya ö okwëënyi mo Peerø ki jïëthe mo wø tut okwëënyi moe ki jø okwëënyi moe na cige yi Naama Kwaar, Wuuö Jwøk pï Naama Kwaar adwøk bäätge; 'ba jø Icriel acäädhö ki kany mo otal dï Naama Kwaar.

Bwøth Wøk 15:4

Jïëthe mo Peerø mo wø tut okwëënyi ki lwaak mar leny mare aleeŋ yi Naama Kwaar; ni ö kwääc leny moe moa näk ojierø ni mutge yi Naama Kwaar.

Aydheea 19:2

Wuuö Jwøk aköö, ni «Jø Ijep tïïa tïïö nee døøge rege keerge; ni tïm ŋati man nø ni këëdö ki coki, ni ö ŋat atut man nø ni tïme ni këëdö ki ŋat atut mare, ni ö päänye moe ni tïmge ni këëdö ki rege, ni kwääri moe thuwø këëdö ki rege keerge.

Aydheea 60:12

'Ba wï jur ki buc nyec mano ba tïny ïïni, ge ränynyö; wïth juurre moo ba tïny ïïni wïthge dïdö na bäre.

Aydheea 9:19

Piny waaŋ ki køør wëër mar Wuuö Jwøk, eni na wïth jammi bëët, ni tïm jiyi na jer maac mo liel maaci ki ge, ni put tïmö ni bäŋ ŋat mo cwïnye pädhi ki gïr watge.

Edhikiel 21:27

Pääny ränynyö! Eni ränynyö! Eni raanynya raanynyø! Eni ba døø kare këët këël kanyo ö wänni; 'ba aani, eno cïba cere.» ›

Edhikiel 26:16

Køøre kwääri moa en bäät naama dwøŋ geno ö piny ki bäät wäle moge, ni kälge abïïk kwär moge wøk, ni ö abïïe moge moa no okwøø ni mïërö ni göönyge ge wøk. Ni ö lwärri ni boony geni kaamar abïï, ni pïge piny yïth ŋøøm, ni bëëtge ni dëëtge kwanynyi ni yïthge othäŋŋö ki gïna tägö dëërï.

Edhikiel 38:21

Aani opëëllö okäla ni jääla jic Göök bäät kïte 'moa bëët. Luummögø caana aani, a na Kwäärö Wuuö Jwøk. Ŋati man nø wati onääe ko opëëllö mare.

Edhikiel 39:20

Uuno jäŋ ya akaaŋ mara ki rïŋ okwëëc lääy, ki rïŋ jø wø këëdi ki bäät okwëëc lääy, ki rïŋ dëët cwøw moa teek, ki jø leny bëët.» Luummögø caana aani, a na Kwäärö Wuuö Jwøk.

Daniel 8:25

'Ba ki jöör riek waŋe, cwøk otïïe ni thur kare jïre; ni døøc dëëre mo dwøŋ ki yi cwïnye, ni kanyo bëët jiyi ni bëëtö marge wøp jaak, wïth jiy mo thööth raanynye raanynyø, ni thïïŋ ree dëër Kwääc kwääri. 'Ba eni petø ni bäŋ cer dhaanhø ree.

Amøc 2:15

ŋat mo cere da tøŋ ba cuŋŋi, ni ö ŋat mo rïïŋö døc ni ba køny dëëre, ni ŋato këëdi ni ena bäät okweeny, jwïëye ba kønye.

Mikiya 5:10

'Ba mana caan Wuuö Jwøki beeye en, ena köö, ni «Noo tïme na dïcäŋece, aani okwëënyi mou moa en dïïu, wïthge dïïra dïïrö, ni raanynya jïëth leny mou mo wø tut okwëënyi.

Mikiya 5:15

'Ba aani, ki køør wëër mara na dwøŋ, wïth juurre moo ba wïny mara, marge dwøga dëëtge.»

Mikiya 5:8

Nyïïkwaac Jeekap moo dööŋ, geno bëëdö yïthakic wïth juurre, ni beeye wïth juurre mo thööth, ni ge caala ŋuu mo ena dï lääc paap, ni bëëtge kaamar nyi ŋuu mo ö dï pïïth dïëk, ni päär bäätge ni jeec ge, ni bäŋ ŋat mo maar lønyø jïre ki man køny geni.

Mikiya 5:9

U na jø Icriel, nyïïmän mou oböötu, ni dïïrru wïthge bëët.

Mikiya 7:16

Køøre oraŋ wïth juurre ni lää wïthge, kanyo jootge gø ni teek marge bäŋ gïn mo kønye, ni bëëtge ni ceŋge ege maa dhøkge, ni ïthge ba wïnyö.

Jepaniya 3:8

Kiper manøgønø, Wuuö Jwøk aköö, ni «Koorru aani, kiper dïcäŋo cuŋŋa naa cäänna uuni. Aani, anø ŋøla ki man cooŋa wïth juurre ge ki buc nyeye bëët, nee wëër mara bäre ni wø liel kaamar maac nee kønynya bäätge. 'Ba jø bäät piny bäre geno put maaci thöör mar këëny cwïny mara.

Dhekaraya 10:11

Geni, ge puta pöödhö ki yi bëëtö mo leth mo caala athaŋ naama dwøŋ, 'ba aani, athaga manøgø gøøa gøø, nee kwöra päŋ mo Naam Nail talge, ni ö atöör mar Aciria ni puti dwøk piny, ni ö teeki mar Ijep ni ränynye.

Dhekaraya 10:5

'Ba geni bëët, geno tïmö kaamar jø leny mo teek mo wø nyør nyïïmän moge ri leny yïth odhöönhe mo nyeŋ jïëthe. 'Ba kiper mana näk mo Wuuö Jwøk bëëdö ka geni, geno këëdi ni böötge jø wø këëdi ki bäät okwëënyi.

Dhekaraya 12:9

Wuuö Jwøk aköö, ni «Dïcäŋöca wïth juurre bëët moo tïïc leny bäät Jerucalem ge raanynya raanynyø.

Dhekaraya 14:3

'Ba Wuuö Jwøk eno døny wøk kuna këëde ki wïth juurre moøgø kaawat man wø këëde dïcäŋ leny.

Dhekaraya 4:6

Køøre ena köö jïra, ni «Man beeye dwør Wuuö Jwøk mana caane jï Dherubabel, ena köö, ni ‹Paa ki teek wala ki mak røk, 'ba beeye ki køør jwïëy 'moa.› Manøgø caana Wuuö Jwøki, eni na wïth jammi bëët.

Dhekaraya 9:10

Jïëth leny mo wø tut okwëënyi mo Ipariem, ko okwëënyi mo leny mo wø en Jerucalem, otïïa ni bäŋ tïïc ceŋge, ni tøya tøøk leny bëët. Nyeya manøgø öö kuna køp mëër jï jiy bëët, ni käär piny ni tägi ka jï løø kur tuul-cäŋ, këël mano këët jï løø kur pänh-cäŋ, ni cäŋ tägö ki Naam Upareeti këël cuŋ piny.

Mathiew 24:7

Kiper paac mør dëëre othïïŋe ri paac mør, ni ö nyeya mørri ni thïïŋ ree ri nyeya mør, ni jït mïëri mo thööth ki meel, ni tïm kwör mo thööthi ni jäŋŋi.

Mana Nyooth 11:15

Ni ö bïriet nyïïatwiet maalli ni kooth tuuŋ mare. Ni jït maalli ki dööti mo døøŋŋø, mo cäänö, ni «Buc piny atïmö na buc Kwääyø ma Jwøk, eni ki Krictø na røønye. 'Ba eno bëënni këël na bäre bäre.»

Pïëmme 7:22

'Ba kanya ö jø lenynyi mo jø Icriel moa näk dïpe adäk na koothge tuŋi, Wuuö Jwøk jø leny mo jø Midien atïïe nee rege 'näkge keerge ko opëëlle moge, ni put gïnögø tägö dï twïër bäre; ni ö jø Midienni ni putge reeŋø këël mana pïïcge Bëëth-Cita na näk dïët ki Dherera, këël mana pïïcge deŋ Abël-Mööla na en buut Thabet.

1 Camiel 14:16

'Ba jø koor mo Cøøl na en Giba na en kur jø tuuŋ Benjamen kanya lwïthge, ka adïëri møn, jø leny mo jø Pilitin moa thööth døc aputge joot ni ge bwøk, ni jøw rïïŋö ni ge reŋŋa kun ki kun.