Agëë 1:6 - Wëël Jwøk

⁶ Uuna bëëdö nou pïïdhö ki gïï mo thööth, 'ba atïmö ni duua mo nøk. U bëëdö nou cämö, 'ba u ba jäŋ. U bëëdö nou mädhö, 'ba u ba røm. U ruuö ka abïïe, 'ba dëëtu ba murri. U mägö ki jap kwäk mou, 'ba kïïce mou bëëdö kede otuc.»

Agëë 1:6 Iomraidhean Croise

2 Camiel 21:1

'Ba kanya bëët Deebiti na nyeya, da käc ma atägö ni bëëde ki cwiiri adäk. Køøre Deebit alämö ni pëëny Wuuö Jwøk kiper käc manøgø. 'Ba aløk Wuuö Jwøki ni kööe, ni «Cøøl ki dhi øde bäätge da ajäl kwör rem jiy; kiper Cøøl jø Gibien anääe.»

1 Nyeye 17:12

'Ba nyijøøgø aköö, ni «Ŋëët Wuuö Jwøk, Jwøk marï na kwøw, aani bäŋ dääpö jïra, 'ba beeye nyi møø ma yi cenø keere mo ena yi nya awal, ki nyi maaw mo thiinh mo ena tier agwäy. Ennø, beeye ni möönna ki jenni mo thenh en, naa døøa paac kiper nee thaala kipera ki wääda, nee camwa, nee wa putwa thøø køøre.»

Neemiya 5:2

Jø møøk aköö, ni «Waani ki wäätwa ki nyïïwa wa thööth; beerra man jïtwa ki beel mo camwa nee wa bëëtwa ni wa kwøw.»

Jööp 20:22

Eni këël na bëëde ni jap kwärö thööth jïre, gïï mo leth wø poot jwøre jwørø; jiy mo wø en yïth gïï mo leth wø ööa maal bääte ni tïïge ree ki gïï mo leth.

Jööp 20:28

Jammi moa en kar bëëtö mare otwier; geno käl dïcäŋ wëër mar Jwøk.

Pwöc Leec Wïc 11:24

Da dhaanhø mo jape muue muuö jaak, 'ba wø poot jïtö ki mo thööth; ni da dhaanhø mo mäna gïna no orømø ki man cïp gø, 'ba wø poot cännö bääte.

Aydheea 5:10

Pwödhö ma böölle apaar mo jer omøki otïmö ni duua nyïëdi mo rømi ka nywøp køøŋø ma yi caapiia aciel keere, ni ö köödhi mo päŋ yi baarmïïl ni tïme ni duua beel ma caapiia keere.»

Jeremaya 12:13

Jiya, geno piidhø ki beel, 'ba gïïo jootge beege koodhi keerge. Dëëtge oöölge døc, 'ba bäŋ gïn mo jootge. 'Ba wïthge olää gïno jootge, ki køør wëër mara, a na Wuuö Jwøk, noo liel kaamar maac bäätge.»

Jeremaya 14:4

Piny akaaŋŋø kiper na bäŋe køth; ni ö jø puurri ni tïm wïthge ni laay, ni kwaage ceŋge wïthge.

Jeremaya 44:18

'Ba ki mana cuŋwa ni wa ba cïpi ko olämme jï Gwanynyø Mar Maal, ni wa ba kuny piny ki køøŋø jïre, waana put tïmö ni wa can ki jammi bëët, ni putwa thumö ko opëëllö ni thøwa ki käc.»

Odheea 4:10

Geno cämö, 'ba ge ba jäŋ; geno bëëdö ki bëët käp, 'ba ge ba nyaay, kiper wïthge awïl ki Wuuö Jwøk.

Odheea 8:7

Jø Icriel apïïdhö ni tïme kede ge piitha jamø, ni ö gïïa kacge ni tïme kede apwøyaweerø. Beel moa näk cuŋŋö yi pwödhö atïmö na adibøøye, ni bäŋe nyeŋ mo ege joodø. 'Ba këël møøk doo jïtö, jiy mo path puta öö ni thöörge gø.

Ciik Kiper Dïlämme 26:20

Öölö maru oaay jaak, kiper ŋöömö maru tïmö ni ba ciek ki caammi, ni ö jenni mo ŋöömö maru ni ba nywølge ki nyïëdi.

Ciik Kiper Dïlämme 26:26

Kanyo ŋøla jöör cam maru, mään apaar otïmö ni cam maru thaalge yi këënnö aciel, ni cïpge cam jïïu mana thaalge ni ege petø, ni cammu gø nou ba jäŋ.

Agëë 1:10

Kiper manøgønø, maal atïmö ni ba cïpi ki thööy, ni ö pinynyi thuwø ni ba cïpe ki caammi.

Agëë 1:5

'Ba ennø, gïna caan Wuuö Jwøki, eni na wïth jammi bëët, bee en, ena köö, ni «Beerra man cädu kiper bëëtö maru.

Agëë 1:7

Man bee gïna caan Wuuö Jwøki, eni na wïth jammi bëët, ena köö, ni «Cädu kiper bëëtö maru!

Agëë 1:9

U cädö nou jïtö ki mo thööth, 'ba tïmö nou joota mo nøk. 'Ba kany wø kïthu ge paac, puta ka kooth ki jam dhaa.» Køøre Wuuö Jwøk, eni na wïth jammi bëët, aköö, na «?Aperŋø ni wø täk gïïögø? Beeye kiper na weyu øtø mara no oränynyö, ni tïm ŋati man nø ni lääŋŋa øde keere ki man jiiŋ gø.

Agëë 2:16

Kar kaaca, kany wø näk da dhaanhø mo cøøa kar beel nee jïte ki rumme ma pïërariiø, eni tïmö ni joota rumme apaar keerge. Ni kany wø ö dhaanhø noo ci kar biic nyïïomøki nee jïte ki rumme ma pïërabïïc, tïmö ni joota rumme ma pïerariiø keerge.

Agëë 2:17

Aani jammi moa tïïyu ki ceŋŋu bëët araanynya ki jamø mo lïëth, ki twöŋö, ki pey; 'ba u kär duu baŋa. Manøgø caana aani, a na Wuuö Jwøk.

Dhekaraya 5:4

Aani na Wuuö Jwøk na en wïth jammi bëët, pïën manøgø jääŋŋa jääŋŋö wøk, ni døny yïth uudi mo kuuwe ki yïth uudi mo jø wø kööŋ ri nyeŋŋa jaak ki tööt, këël mano thöör wäär ni raanynya uudi mo jøøgø, ni put jenni ki kïte ränynyö moa geer uudi ki ge.»

Dhekaraya 8:10

Kiper kanya poot nïrögø, bäŋ tïïc mo di cunnö ki gwel kiper dhaanhø wala lääy; ni bäŋ dhaanhø mo duny yi paac wala mo dønynya wøk ki yi paac, kiper mana tïme ni bäŋ bëët-mëër kiper nyïïmän. Aani jiy bëët atïïa nee ŋati man nø døø ri nyawatge ki tïï gïn mo raac.

Milkiya 2:2

Ni näk mo ïthu ba cegu, ni ba kanu gø cwïnynyu ki man wøørru nyeŋŋa, u jääla jäälö døc, ni tïïa gwïëth man wø gwïëthu jiy ki gø na acïëni. Ka adïëri møn, gwïëth maru yaa nø cien ennø, kiper ciik mara käru kan cwïnynyu.

Tiet Ciik 28:17

«Arööt mou ki dääk thaal mou mo wø tïïu ki geni ocien.