Agëë 1:4 - Wëël Jwøk

⁴ na «?Aŋø, bee gïn mo beer ki jïïu ki man bëëdu yïth uudi mo ogeerø ni beyø, ni øtø mara bëëdö no oränynyö?»

Agëë 1:4 Iomraidhean Croise

2 Camiel 7:2

ena köö jï nyikuŋ Jwøk ma Nathan, ni «Neenï, aani a bëëdö yi øtø mo geer ka jenni mo perge leth; 'ba acanduk mar Jwøk bëëdö yo oduŋkaara jaak.»

2 Nyeye 5:26

Ni kö Ilaaca jïre, na «?Aŋø, kuua kanya ïnh ŋatece piny ki yi jääy mare man wø tut okwëënyi nee røømme ki ïïni? ?Aŋø, kar kany ennø beeye kany mo løny ki man kädï ki gwel, ka abïïe, ki pwöth jenni mo wø nyïïe wel na maaw, ki pwöth omøki, ki dïëk, ki dhäk, ki laaŋe ma cwøw ki ma mään?

Luup Dïpööy 3:3

Da caa mar 'näk, ki caa man wëëk jiy kwøw yie; da caa man toor uudi piny yie, ki caa man geer uudi yie.

Jeremaya 22:14

ŋat wø köö, ni ‹Dëëra gëënna gëënnö ki øt nyec mo dwøŋ døc, mo bääte yaa gëënnö ki øtø mo yïthe døøŋŋø, ni kïtha dëëre ki uut awëërnyeŋŋi mo thööth, ni tïïa gø ni mïërö ko opämi mo beyø, ni rwødha gø ki booya mo kwaar.›

Jeremaya 26:18

ni «Mikiya nyï Mörëcëth dwør Jwøk akøbe yïth nïra beet Edhekaya ni ena nyeny Juuda; ena cäänö ki jø Juuda bëët ni kööe, ni ‹Luumma caan Wuuö Jwøki, eni na wïth jammi bëët beeye en: « ‹Dhayan na näk Jerucalem oränynyi, ni puuri na pwöth jaak, ni ö thuurri mana näk Øt Jwøk ogeer bääte ni tuue ka abuŋŋe.›

Jeremaya 26:6

aani, øtø man na mara en raanynya raanynyø kaamar øtø mara mana raanynya Cëëlö, ni tïïa pääny man en na gïr abuua ki jï wïth juurre bëët mo bäät piny.› »

Jeremaya 33:10

«Man beeye mana caan Wuuö Jwøki, ena köö, ni ‹Këël na bëëdu nou köö, ni «Paani oränynyö, ni bäŋ jiy ni bäŋ lääy mo bëëdö yie,» yïth mïëc Juuda ki dï Jerucalem ni bëëdö jaak ni bäŋ jiy ni bäŋ lääy mo bëëdö yïthge enø, dwøl ocäŋ wïnyö yïthge,

Jeremaya 33:12

«Man beeye mana caan Wuuö Jwøki, eni na wïth jammi bëët, ena köö, ni ‹Dï paani ni bëëdö no oränynyö en, ki yïth mïëri moa en deŋŋe bëët, ni bëëdö ni bäŋ jiy ni bäŋ lääy mo bëëdö yïthge enø, otïmö ni da kwör kwaath mo løny jï dïkwääye ki man wëëkge dïëk moge jwömö yïthge,

Jeremaya 52:13

Ni waaŋ Øt Wuuö Jwøk ki paan dwøŋ mar nyeya, ki uudi moa en Jerucalem bëët, këël uudi moa døøŋŋø bëët awaaŋe thuwø.

Wëël Kïmmö 2:7

Kwäärö Wuuö Jwøk gïn wø cïp olämme bääte jïre akwiere, ni jar øt lam mare na en kur keere. Eni kwör gwøk røk mo pääny acïp ceŋ nyïïmän, ni ö geni ni kwöŋge yi Øt Wuuö Jwøk kaawat man wø tïïc yi cäŋ ajwöma.

Wëël Kïmmö 4:1

Aŋø, warkey otïmö ni cøl nidïï; Aŋø, warkey mana tøŋ ree ee wiilø nidïï! Gïïa beyø na geer Øt Jwøk ki ge, aøc piny këël mana pïïcge nyeŋ jïëthe.

Edhikiel 24:21

ni ‹Caanï jï jø Icriel ni man beeye luumma caan Kwäärö Wuuö Jwøki, ena köö, Ni aani øt lam mara na en kur keere wëëga päät; ni beeye kanya teek ni wø ŋwöu kipere, nou töödö ni yïthu met ki man raŋŋu gø, ni cwïnynyu ee tïïö ni met. Ni ö wäätu ki nyïïu moa wiiu ŋäthu Jerucalem ni 'näk geni ko opëëllö.

Ciik Kiper Dïlämme 19:25

'Ba noo tïme na bïï cwiiri, nyïëdi moge løny ki man cammu ge. Ki køør mano tïïyu manøgø bäre, nyïëdi mo ociek jïïu omeet. Beeye aani na Wuuö Jwøk, Jwøk maru.

Mikiya 3:12

Kiper manøgønø, Dhayan na näk Jerucalem oränynyi ni neeruuth, ni puuri na pwöth jaak ki køøru, ni ö thuurri mana näk Øt Jwøk ogeer bääte ni tuue ka abuŋŋe.

Agëë 1:3

Køøre Wuuö Jwøk dwøre aput jääŋŋö ki ri nyikuŋ Jwøk ma Agëë na ennø nø,

Agëë 1:5

'Ba ennø, gïna caan Wuuö Jwøki, eni na wïth jammi bëët, bee en, ena köö, ni «Beerra man cädu kiper bëëtö maru.

Agëë 1:9

U cädö nou jïtö ki mo thööth, 'ba tïmö nou joota mo nøk. 'Ba kany wø kïthu ge paac, puta ka kooth ki jam dhaa.» Køøre Wuuö Jwøk, eni na wïth jammi bëët, aköö, na «?Aperŋø ni wø täk gïïögø? Beeye kiper na weyu øtø mara no oränynyö, ni tïm ŋati man nø ni lääŋŋa øde keere ki man jiiŋ gø.

Mathiew 6:33

'Ba kwøŋu buc Jwøk ki beeny Jwøk cayø. Køøre nø, gïïögø bëët owëëk uuni thuwø.

Pilipay 2:21

'Ba jiy møga atïmö ni ge ŋäya dëëtge keerge, ni paa moa näk mo Jecu Krictø.