Agëë 1:13 - Wëël Jwøk

¹³ Køøre Agëë, na jääŋ Wuuö Jwøki, dwør Wuuö Jwøk man acaane jï jiy na ennø nø, ni «Wuuö Jwøk aköö, ni ‹Aani, a bëëdö ka uuni.› »

Agëë 1:13 Iomraidhean Croise

1 Luup Nyeye 28:20

Køøre Deebit aköö jï wääde ma Cølöman, ni «Mak riï ni bëëdï niï teek, ni tïïyï gïïögø bëët; kärï lwäyö ni ba bwøk cwïnyï; kiper Wuuö Jwøk, eni na Jwøk mara, ena buutï. Eni ï ba wiie këël kanyo thum tïï jammi bëët mo wø tïïc Øt Wuuö Jwøk.

2 Luup Nyeye 15:2

ni ci wøk kuna røømge ki nyeya ma Aca, ni kööe jïgø, ni «Cek ïthï baŋa, ï na nyeya ma Aca, ki uuni bëët, u na jø tuuŋ Juuda ki jø tuuŋ Benjamen. Wuuö Jwøk, kany wø bëëdu dëëre, bëëdö ki uuni. Ni näk mo eni manynyu manynyø, eni jootu joodø; 'Ba ni näk eni you wiiø, u wiie wiiø thuwø.

2 Luup Nyeye 20:17

U na jø Juuda ki jø Jerucalem, ba many u nou këëdu ri leny man; 'ba cïïmmu dëëtu, ni cuŋŋu karu ni neennu køny mar Wuuö Jwøk mano tïïe kiperu. Käru lwäyö ni ba bwøk cwïnynyu. Diøø dønynyu wøk baŋge, kiper Wuuö Jwøk bëëdö ka uuni.› »

2 Luup Nyeye 32:8

Jø leny moøke ni en buut nyeny Aciria yøøke beege jø leny mo ŋäätha teek mar dhaanhø; 'ba ŋat en buutø en beeye Wuuö Jwøk, Jwøk marø, noo køny øøni noo këël leny marø.» Køøre jiy cwïnyge aputge cøm ki luup Edhekaya nyeny Juuda.

Aydheea 41:10

Kärï lwäyö, kiper a nut buutï, ni ba bwøk cwïnyï, kiper aana Jwøk marï. Ï tïïa tïïö niï teek, ni kønya ïïni, ni jøla ïïni ki cer cwïïa ni wø tïïya adïëri.

Aydheea 42:19

?Aŋa na cwør ni kaala dhaanhnha, wala na miiŋ ni caala eni na jääŋŋa? ?Aŋa na cwør ni caal eni na bëëdö ki bëët-mëër ki aani en, wala mo caala eni na dhaanhnha, a na Wuuö Jwøk?

Aydheea 43:2

Kany wø cäädhï yïth pïï, aano bëëdö naa nut buutï; ni kany wø cäädhï yïth näm, ï ba køøl pïïyi. Kany wø cørï yi maac, ï ba waaŋ, niï ba gut leep maaci.

Aydheea 44:26

Luum dhaanhnha wëëga thur kare, ni ö luup jiy mo wø jääŋŋa ni tïmge na adïëri. Bee aani na caan luum Jerucalem, ni kööa, ni ‹Paanøgø jiy obëëdö yie!› Ni caana luum päänye mo Juuda, ni kööa, ni ‹Päänye moøgø di geerø!› Ni tïŋa ge maal ki yi ränynyö marge.

Jeremaya 15:20

'Ba aani, ï tïïa tïïö kaamar kiir mo teek mo tïïc ka nywïënyö ma jwïël ki jï jøøgø. Ni këël ge doo këëdö ki ïïni, ï ba böötge, kiper a ena buutï naa peemma ïïni, ni käla ï wøk ceŋge.

Jeremaya 20:11

'Ba Wuuö Jwøk ena buuta kaamar oteen tøŋ. Kiper manøgønø, jø wø 'caan aani a ba böötge; 'ba tietge ocwanyge, ni tïm wïthge ni laay døc kiper no ba thur gïna manyge kare, ni wïc ba wïl ki lään wïc marge na bäre bäre.

Jeremaya 30:11

Kiper a na Wuuö Jwøk, a ena buutu naa peemma uuni. Aani, tiet mïëc wïth juurre bëët moa keetha uuni yïthge, raanynya raanynyø na bäre. 'Ba uuni, u ba raanynya bäre. U pwönynya pwönynyö ka ajäla mana näk kare, nou ba wiia ka ajäla.›

Edhikiel 3:17

ni «Wär dhaanhø, ïïna jiera niï tïmï ni ïïna ŋat koor kiper jø Icriel; luubö mano wïnynyï dhaa jaak, ge wär köömmï ki gø ki nyeŋŋa.

Agëë 2:4

'Ba ennø, ï na Dherubabel, ki ï na Jøcua wär Jöcëdëk, ni bee ï Kwääy Lam Mana Dwøŋ, ki u na jø paac bëët, magu dëëtu ni tïïyu tïïc; 'ba a ena buutu.› Manøgø caana Wuuö Jwøki, eni na wïth jammi bëët.

Milkiya 2:7

«Kiper dïlämi doo naa bëëdö ni ciik Jwøk ŋääe ni ena dhee, ni di jiyi ö baŋe kiper pwöc, kiper bee eni na jääŋ Wuuö Jwøki, eni na wïth jammi bëët.

Milkiya 3:1

Wuuö Jwøk, eni na wïth jammi bëët, aköö, ni «Neennu, aani nyïïatwiel mara ojääŋŋa, ni ö eni ni jiiŋ jöö nyïma; ni ö kwäärö na manynyu ni ö yi øt lam mare ni cwöba rou. 'Ba eni na nyïïatwiel mano käär luumma tuut Jwøki ki jiy oööi, ni beeye ŋata met yïthu ki gø.»

Mathiew 1:23

ni «Nyakøø mo dëër dïcwøø poot kuue ojïti ki nyilaal ma cïïŋŋö; 'ba nyeŋŋe ocak ni Imanuwel», na näk tiere beeye ni «Jwøk ena buutø».

Mathiew 18:20

Kiper kany wø näk da jiy ariiø wala jiy adäk mo dëëtge ege cooŋø ki nyeŋŋa, a ena dïge kaace.»

Mathiew 28:20

Ni pwönynyu geni ki man gwøkge gïïa caana jïïu bëët. 'Ba aani, aano en buutu cooth këël kanyo ŋuut pinynyi yie.»

Wëëlö Mana Göör Pøølli Baŋ Jø Röm 8:31

?Agïnaŋø nø, noo caanø kiper gïïögø? ?Ni näk mo Jwøk ena kurø, aŋa noo männi ki øøni?

2 Körin 5:20

Kiper manøgønø, waana kar dhøk mo Krictø, ni Jwøk jiy wø köömme ka køørwa. Wa kwaaya uuni ki køør Krictø ki man døøu kanya ciel ki Jwøk.

2 Timöthi 4:17

'Ba Wuuö acuŋŋö buuta, ni wëëk a tëënnö ki man køba luum Jwøk ki kare bäre, kiper nee wïny juurre bëët. 'Ba aana piem ni bødha dhi ŋuu.

2 Timöthi 4:22

'Ba Wuuö bëëde cwïnyï, ni bëët met eci bäätu.

Pïëmme 2:1

'Ba Wuuö Jwøk na nyooth ree Gëlgela, ree acäŋ nyoothø kaamar nyïïatwiel maal kanya cwøl ni Bökim, ni kööe jï jø Icriel, ni «Beeye aani na käl uuni wøk ki Ijep, ni käla uuni yi ŋöömma kööŋa kipere ni cïba cïbö jï kwäyu. Kar kaaca aana köö, ni ‹Aani, luumma mana tuuda ki uuni ba raanynya na bäre bäre;