Agëë 1:12 - Wëël Jwøk

¹² Køøre Dherubabel o Celatiyal, ki Jøcua wär Jöcëdëk, na näk Kwääy Lam Mana Dwøŋ, ki jiy bëët moa no odööŋ na bøth dhøk gïï mo leth, gena jïëy ki dwør Wuuö Jwøk, Jwøk marge, ki luubö mana car nyikuŋ Jwøki ma Agëë, kiper mana ö Wuuö Jwøk, Jwøk marge na jääŋ gø baŋge. Ni ö jiyi ni putge lwäyö ki Wuuö Jwøk.

Agëë 1:12 Iomraidhean Croise

Wïlöölö 22:12

Ni kö nyïïatwielli, ni «Kär cerï ŋaapï bäät nyilaal; kär dee gïn mo tïïyï ki gø, kiper kawaane ennø møn, aŋääa niï lwäär ki Jwøk, kiper wäädï ma aciel keere kärï mänö ki aani.»

Edhera 10:18

'Ba ki røk nyïïkwaac dïlämme, jøøa joot ni geno nyöömö ki nyïï juurre joota røk nyïïkwaac Jøcua wär Jöcëdëk ki røk nyïïkwaac nyïïmenni, ni jøøgø beege Maycëya ki Eliëdher ki Jarip ki Gedaliya.

Edhera 5:2

Køøre Dherubabel o Celatiyal ki Jøcua wär Jöcëdëk gena ö maal ni täkge ki man cäŋge Øt Jwøk geerrø Jerucalem; ni ö nyïïkuk Jwøki moøgø ni bëëtge ni køønynya geni ka acaare.

Pwöc Leec Wïc 1:7

Ki man lwäär Wuuö Jwøk beeye täk kwänynyö, 'ba jøøa wïthge känni, ge män ki leec wïc ki pwöc.

Luup Dïpööy 12:13

'Ba ennø, jammi bëët anø wïnyö, na aŋuun luubö beeye en. Lwäär Jwøk, ni gwøgï ciik moe, kiper manøgø beeye gïna doo tïïc jiyi bëët.

Aydheea 1:19

Ni näk mo u jïëy ni kïthu luumma bäät tïïc, gïïa beyø moo ciek yïth ŋøøm cammu camø;

Aydheea 50:10

?Aŋa dïïu ni lwäär ki Wuuö Jwøk, na jïëc luum dhaanhnhe mana näk ee jierø, ni cäädhi ka yi muudhö ni bäŋ tar jïre? Beerra man ö eni ni ŋääth Wuuö Jwøk, ni bëëde no ogöök ri Jwøk mare.

Agëë 1:1

'Ba kanya tïm cwiic Dariöc na ariiø bäät nyec, ni nïr dwää abïciel aciel, dwør Wuuö Jwøk aö bäät nyikuŋ Jwøk ma Agëë kiper Dherubabel o Celatiyal na bëëdö na kwäärö mar akwöm Juuda, ki Jøcua wär Jöcëdëk na näk Kwääy Lam Mana Dwøŋ.

Agëë 1:14

Kanyøgø Wuuö Jwøk atïïö cwïny Dherubabel o Celatiyal na bëëdö na kwäärö mar akwöm Juuda, ki cwïny Jøcua wär Jöcëdëk na näk Kwääy Lam Mana Dwøŋ, ki cwïny jiy bëët moa no odööŋ na bøth dhøk gïï mo leth, ni putge ö maal ni täkge ki geer Øt Wuuö Jwøk, Jwøk marge, eni na wïth jammi bëët,

Agëë 2:2

ni «Caanï jï Dherubabel o Celatiyal eni na kwäärö mar akwöm Juuda, ki Jøcua wär Jöcëdëk, eni na Kwääy Lam Mana Dwøŋ, ki jiy moa dööŋ na bøth dhøk gïï mo leth, ni kööï,

Moa Tïïc Nyïïatwieli 9:31

Kanyøgø acook Jwøk mo Judia bäre, ki Galili ki Cameria, gena bëëdö ki bëët-mëër ni tëënge. Ni ge bëëdö ni ge wøøra Wuuö, ni meetge rege ki køør cøm cwïny mar Jwïëc Jwøk na en kur keere.

Tiet Ciik 31:12

'Ba jiy wär cooŋŋu kanya ciel ge bëët, ni beege cwøw ki mään ko obwöre ki juurre moo bëëdö dïïu, kiper nee ciik moi wïnyge, nee kwänyge ki man lwäärge Wuuö Jwøk na näk Jwøu, ni koorge wïthge ki man gwøkge luup ciik moi bëët.

Tiet Ciik 31:13

Køøre nyïïkwaacge moo kuc ciik, ciik moøgø wïnyge wïnyö, ni kwänyge ki man lwäärge Wuuö Jwøk na näk Jwøu ki yïth nïne bëët moo beetu yi ŋöömmo ŋutu yie løø Naam Jördan løøga nou lwørru na maru.»

Köløcia 1:6

na ö baŋu, kaawat mana keethe møn yi piny bäre ni känne ki nyïëdi ni nyaae, kaawat mana tïïc dïïu thuwø dïcäŋa wïnynyu gø yie, ni kwanynyu tier met yi Jwøk ka adïëri,

Ibaru 12:28

Kiper manøgønø, beerra man dwøgø pwøc jïre kiper mana jïtø ki bura mo ba maar jäŋŋi, ni tïnynyø Jwøk ni ø tïïya gïï wø mïn yie ki ge, ni ø pwøya eni ni yøø wøørø, ni ø lwäär.