Acther 4:5 - Wëël Jwøk

⁵ Køøre dhaanhø aciel mana cïp nyeya nee Acther tïnynye ki røk jiye moa näk odïnö mo cwøl na Athak, acwøl Actherri ni kööm gø nee ci baŋ Mördekay kiper gïna tägö dëër Mördekay nee tier gø kwanye.

Acther 4:5 Iomraidhean Croise

Acther 1:10

'Ba na tïme ni ri bïriet nïne, kanya bëëde ni nyeya omäthö ki køøŋ nyïïomøki ni cwïnye omïnnö, jøøa näk abïriiø na näk odïnö ni wø tïny eni, ni beege Meyuman, ki Bictha, ki Arböna, ki Biktha, ka Abaktha, ki Jëthar, ki Karkac, ajääŋŋe

Acther 1:12

'Ba gwanynyø ma Bacti dwøl mana jääŋ nyeya ki dhøk jøøa näk odïnö akwiere. Køøre nyeya agootø døc ni tïm wëërri mare ni liel cwïnye kaamar maac.

Acther 4:10

Køøre Acther acäänö ka Athak, ni kööm gø nee dwøl man cäŋ caannø jï Mördekay,

Acther 4:4

'Ba kanya ö jø tïïci mo Acther moa näk nyïïakuue ki jøøa näk odïnö na caange gïna tïïc Mördekay jï Acther, Acther cwïnye apädhö døc, ni put kwääyö ka abïïe jï Mördekay nee røøe na kar abïïn keeca, 'ba ena kweer ki man jïëc ge.

Acther 4:6

Kanyøgø Athak aput ci wøk baŋ Mördekay kany wø cuŋ jiyi yie dï pääny, nyïm dhi kal mar nyeya.

Acther 4:9

Kanyøgø Athak aput døø baŋ Acther ni lam gïïa caan Mördekay bëët.

Wëëlö Mana Göör Pøølli Baŋ Jø Röm 12:15

Yïthu mïnge ki jø wø yïthge met. Ni jwöŋu ki jø wø jwöŋi.

1 Körin 12:26

'Ba ni näk thääŋö aciel da gïn mo ee jwørø, wø jwøra ge bëët na aciel. 'Ba ni näk thääŋö aciel owøørø, wø mïnna yïthge bëët na aciel.

Pilipay 2:4

'Ba kär dee ŋat ŋäc dëëre keere. 'Ba uuni, beerra man ŋäyu jiy møga thuwø.

Ibaru 4:15

Kiper Kwääy Lam Mana Dwøŋ man na marø en, paa ŋat mo cwïnye ba maar pädhö ki gïr jäk marø. 'Ba beeye ŋata päänynyi ki yïth jammi bëët kaamarø, 'ba eni kär pädhö.