Acther 4:4 - Wëël Jwøk

⁴ 'Ba kanya ö jø tïïci mo Acther moa näk nyïïakuue ki jøøa näk odïnö na caange gïna tïïc Mördekay jï Acther, Acther cwïnye apädhö døc, ni put kwääyö ka abïïe jï Mördekay nee røøe na kar abïïn keeca, 'ba ena kweer ki man jïëc ge.

Acther 4:4 Iomraidhean Croise

Wïlöölö 37:35

Kanyøgø wääte bëët ki nyïïe bëët aöö ki man cømge cwïnye, 'ba ena kweer ki man cøm cwïnye, ni kööe, ni «Jïra bäär, aani a cøøa kar thøø køør wääda naa kïmmö.» Ni ö Jeekapi ni bëëde ni kïmmö kiper wääde.

2 Nyeye 9:32

Kanyøgø, Jiyu alwïthö maal dha awëërnyeŋ ni rwääye, na «?Aŋa ni en løøa? ?Aŋa?» 'Ba jø kööre ma ariiø wala adäk gena lwïthö piny baŋe.

Acther 1:12

'Ba gwanynyø ma Bacti dwøl mana jääŋ nyeya ki dhøk jøøa näk odïnö akwiere. Køøre nyeya agootø døc ni tïm wëërri mare ni liel cwïnye kaamar maac.

Acther 4:3

Kar kanyøgø kwöra näk dwøl mar nyeya ka awaaci mare opïï yie yïth mïëri moøgø bëët, kïmmö mo dwøŋ døc dagø ma atägö baŋ jø Juuth. Ni bëëtge ni ge wödö, ni ge jwöŋö, ni ge guyö; ni thööthge bëët ge buuta bäät abïïk keece yi bur.

Acther 4:5

Køøre dhaanhø aciel mana cïp nyeya nee Acther tïnynye ki røk jiye moa näk odïnö mo cwøl na Athak, acwøl Actherri ni kööm gø nee ci baŋ Mördekay kiper gïna tägö dëër Mördekay nee tier gø kwanye.

Aydheea 56:3

Beerra man ba kö wëëllö mo odwätö ki Wuuö Jwøk, ni «Ka adïëri møn, Wuuö Jwøk a ŋule wøk ki ri jiye.» Ni ö ŋat mo odïnö ni ba ŋure ni kööe, ni «Raŋŋu, aani a caala jaath mo otal.»

Jeremaya 31:15

Man beeye mana caan Wuuö Jwøki, ena köö, ni «Da dwøl mo wïnyö yi Reema, ni jiy göö ko oduuru ni yïthge ege keeyø, ni beeye Reecal ni jwöŋi kiper obwöre moe, ni kweere ki man cïp cwïnye piny kiper obwöre moe, kiper na bäŋe nyilaal mo odööŋ.»

Moa Tïïc Nyïïatwieli 8:27

Ni ö maal ni aae. 'Ba kanyøgø da nyï Ithiöpia mo odïnö mo tïnynya nyijøøa cwøl ni Kandace, ma nyeny jø Ithiöpia, na en jape bëët cere, mo oöö yi Jerucalem kuna wøør Jwøk.

1 Camiel 8:15

Ni ö paac wïth caammi mou, ki paac wïth nyïïomøki mou, ni käl geni, ni cïp ge jï jiye moa näk ee cuumö ki jø tïïc moe.