Acther 4:3 - Wëël Jwøk

³ Kar kanyøgø kwöra näk dwøl mar nyeya ka awaaci mare opïï yie yïth mïëri moøgø bëët, kïmmö mo dwøŋ døc dagø ma atägö baŋ jø Juuth. Ni bëëtge ni ge wödö, ni ge jwöŋö, ni ge guyö; ni thööthge bëët ge buuta bäät abïïk keece yi bur.

Acther 4:3 Iomraidhean Croise

Acther 1:1

Luubö man täga ïth nïr Ayacewëëröc mana bëëdö na nyeya bäät mïëri ma dïpa ki pïërariiø ka abïriiø ki mana täge India këël Ithiöpia,

Acther 3:12

'Ba na tïm nïr dwää aciel na apaar kurdäk, Amaan jø wø gööt piny mo nyeya acwøle, ni göörge weeli ki køør mana caan Amaanni, ni løøge gø baŋ wïth dhøgi bëët, ki yi jöör göör mar wï jur man nø yïth mïëri moøgø bëët, ni jääŋ weeli moøgø baŋ kwääri mo mïëri, ki jø kööre, ki bwöthe mo wïth juurre mo nyeya bëët. Weeli moøgø göör ka nyeŋ nyeya ma Ayacewëëröc ni ŋïï mar ogut lweedø mare ogøø dëëtge.

Acther 4:16

ni «Ciï ni cooŋï jø Juuth bëët moa en Cuca, ni wödu kipera. Ni bëëdu ki nïne adäk, ki wärre ki cääŋŋe moge, nou ba cämö wala maath. 'Ba aani ki jø tïïc 'moa moa näk nyïïakuue wa wödö thuwø kaawat mano tïïyu. Køøre nø, aano ci baŋ nyeya, këël ni näk maa gwäya ciik. Ni näk maa thøw, aano thøw.»

Acther 4:2

këël mana pïïe dhi kal mar nyeya. 'Ba kär døny yi gø, kiper dhaanhø mo oruyö ka abïïn keeca ba døny yi kal mar nyeya.

Acther 4:4

'Ba kanya ö jø tïïci mo Acther moa näk nyïïakuue ki jøøa näk odïnö na caange gïna tïïc Mördekay jï Acther, Acther cwïnye apädhö døc, ni put kwääyö ka abïïe jï Mördekay nee røøe na kar abïïn keeca, 'ba ena kweer ki man jïëc ge.

Acther 9:31

kiper nee cääŋŋe mo Purim cïp piny ni teek kanya no ocaanø, kaawat mana ö Mördekay ŋat Juuth ki gwanynyø ma Acther na cïpge gø piny kiperge; ni beeye mana nø cïpge piny kiper dëëtge thuwø, ki jø oööi køørge, ni da pwöc kiper cääŋŋe mo jø ba cämö yïthge ni jø jwöŋö.

Jööp 2:8

Køøre Jööp alwötö ka abat nee dëëre gøønynye ki gø, ni eno pï piny yi bur.

Aydheea 22:12

Kiper manøgønø, dïcäŋeca, Kwäärö Wuuö Jwøk, eni na wïth jammi bëët, uuna cwøle nou jwöŋu nou gööu ko oduuru, nee wïthu gwääru wøk, ni dwølu keece dëëtu kiper pänh cwïny maru.

Aydheea 22:4

Kiper manøgønø aana köö, ni «Paanynyu nyeŋŋu dëëra. Weyu aani naa jwöŋa naa keeya yia. Kär pääru ki man cømmu cwïnya kiper ränynyö mana pïï dëët jø powa.»

Aydheea 58:5

?Aŋø, teeŋ wödö manøgø beeye mana manynya, ni tïme ni beeye cäŋ man ö dhaanhø ni dwøk dëëre piny ni mwöl keere yie? ?Aŋø, beeye ki man ö dhaanhe ni kuul wïïe piny kaamar otöök, ni but piny yïth keece ki yi bur? ?Aŋø, manøgø beeye man wø cwøllu ni wödö, ni beeye cäŋ man wø jïëa, a na Wuuö Jwøk?

Edhikiel 27:30

Køøre ge jwöŋö bäätï ni döötge ege tïŋ maal døc ni cwïnyge ege keeyø. Wïthge jööpge jööpö ki tør ni ŋïëlge yi bur.

Daniel 9:3

Kanyøgø nyïma aputa løø baŋ Kwäärö Wuuö Jwøk ki lam, naa manynya eni ni mara kwac, naa lämö ki lam wödö ki cam, naa käära keece na abïïe, naa bëëdö yi bur.

Joona 3:6

'Ba kanya ö dwølli na pïïe baŋ nyeny Nineba, ena put ö maal ki bäät wälu mare ni gööny abïïne wøk ni røø keeca dëëre na abïï ni pï yi bur.

Mathiew 13:42

ni leeŋge ge yi maac mana päl kar ajäla, kany wø jwöŋ jiyi yie ni mööta lakge.

Mathiew 22:13

Kanyøgø nyeya aköö jï laaŋe moe, ni ‹Twöyu ceŋŋe ki tiete, ni leeŋu eni wøk yi muudhö, kany wø jwöŋ jiyi yie ni mööta lakge.›

Mathiew 25:30

Ennø, leeŋu laŋŋø manøgø ni bäŋ gïn kønye enø wøk yi muudhö, kany wø jwöŋ jiyi yie ni ge mööta lakge.›

Jøcua 7:6

Kanyøgønø, Jøcua abïï mare ajeee, ni gøø ree piny nyïm acanduk mar Wuuö Jwøk, ni bëëde kaace këël mana tïm pinynyi na abøøya, ni beeye eni ki jø døøk Icriel bëët; ni jørge tør wïthge ki pänh cwïny.

1 Camiel 11:4

Køøre jøøa jääŋŋi apïï Giba, päänya bëët Cøølli yie, ni caange luup moøgø bëët ni wïnyö jï jiy, ni ö jiyi bëët ni putge jwøk ni döötge ege tïŋ maal.