Acther 1:3 - Wëël Jwøk

³ 'Ba kanya tïme na ri dää cwiiri moe bäät nyec, ena tïïö ka ajwöm-cam jï jø kööre ki jø tïïc moe; ni kwääri mo tøŋ mo Parca ki mo Mëdön ee cwølø, ki kwääri mo mïëri moa en tiere, ki jiy moa kwörge døøŋŋø bëët.

Acther 1:3 Iomraidhean Croise

Wïlöölö 40:20

'Ba na tïme na dää nïne, atïmö na kanya lwaarø ki Peerø yie, ni tïme ka ajwöma kiper jø tïïc moe bëët. Ni ö eni ni pät ŋata bëëdö na nyikeenø ki ŋata en tïï dääpe cere dï jø tïïc moe.

1 Nyeye 3:15

'Ba kanya ö Cølömanni na pääe, gïnögø aput ŋäc ni beeye lääk mo käla baŋ Jwøk. Ni ö eni ni ö Jerucalem ni cuŋŋe nyïm acanduk man wø nyooth luumma tuut Wuuö Jwøki ki jiy, ni cïpe ko olämme mo wø waaŋ bäre, ko olämme mo wø duunni ki mëër, ni tïïe ka ajwöma jï jø kööre moe bëët.

Edhera 1:2

ni «Man beeye dwør Kiröc nyeny Parca, ena köö, ni ‹Wuuö Jwøk, Jwø maal, mïëri moa en bäät piny bëët anø cïbe jïra, ni nø tïïc aani nee eni gëënna ki øtø yi Jerucalem, na en Juuda.

Acther 1:14

Jaae moa pï piny bäät acooŋa ki nyeya beege Karcëna, ki Cëthar, ka Admatha, ki Tarcëc, ki Mërëc, ki Marcëna, ki Memukan. Jøøgø na abïriiø yøø beege jø kööre mo Parca ki Mëdön moa karge cään ki nyeya ni løny ki man dønyge baŋ gø kany wø manyge, ni beege jø wø pï piny nyïm dïkwøŋ cwöt.

Acther 1:4

Ni bëëde ni nyøtha jap kwär mar øt nyec mare, ka ajieme ki dööŋö mare ki nïne mo thööth mo dïpa ki pïërabära.

Acther 2:18

Køør manøgøøni nø, nyeya atïïö ka ajwöm-cam mo dwøŋ mar wödö kiper Acther, ni cwøl jø kööre moe ki bwöthe bëët, ni gööc piny ka awaaci yïth mïëri moa en tiere bëët kiper nee cäŋeca tïïc na cäŋ jwöm røk, ni cïpe ki muuce ni cwïnye tar.

Acther 3:7

'Ba kanya tïm cwiic nyeya ma Ayacewëëröc na apaar kurriiø bäät nyec, ri dwääy mana dïkwøŋ man wø cwøl ni Nican, gïn mo cwøl ni pur, mo caala thöör war, aleeŋge nyïm Amaan, nee cäŋ mano raany jø Juuth yie ki dwääy manøca nyoodhe. Ni päth bäät dwää apaar kurriiø man wø cwøl na Adar.

Aydheea 21:2

Luubö mo teek anyooth jïra ki yi wïïa na ennø nø: Ni ŋat wø tïïc gïï mo reyø ki piny poot bëëdö ni tïïya ge, ni ö dïräänyi ni bëëde ni poot räänyö. Wui, u na jø Ilam ki jø Mëdön, ööu maal ni cou ni cielu Babiløn dïër; Wuuö Jwøk gïïa tïïc jø Babilønni na wëëk jø møøk cooyø otïïe nee cuŋge.

Jeremaya 51:11

«Athëëre mou wär paagu, ni pääŋŋu yïth købe ki geni. Wuuö Jwøk yïth nyeye mo Mëdön anø theŋe, kiper acaara mare beeye ki man raany Babiløn. Kiper Wuuö Jwøk cudö ki kwör, ni beeye cuut kwör mar øtø mare.

Daniel 5:1

Nyeya ma Belthacör atïïö ka ajwöm-cam mo dwøŋ kiper jø kööre moe ma kuma, ni bëëde ni mädhö ki køøŋ nyïïomøki nyïm jøøgø na kuma yøø.

Daniel 5:28

«PARCIN beeye pääŋŋö, ni tiere beeye na akwöm nyec marï di pääŋŋö ni mëëge jø Mëdön ki jø Parca.»

Daniel 6:1

Kanyøgø anëënö ni beer jï Dariöc ki man kwänye ki jiy ma dïpa ki pïërariiø na dïbwöthe mo akwöm nyec mare kiper nee akwöm nyec mare bëëde ni ena ceŋge;

Daniel 8:20

Nywø røømmø mana jootï na näk jïre da tuŋi ariiø, nyootha nyeye mo jø Mëdön ki mo jø Parca.

Maak 6:21

'Ba dïcäŋ aciel jöö ree ajabe, kanya ö Eerati na cwøl jaae moe, ki kwääc jø leny moe, ki dïbwöthe mo Galili, baŋ cam cäŋa nywøli yie.