Abakuk 3:6 - Wëël Jwøk

⁶ Ena cuŋŋö ni ree ee jiiø ni nëëk piny, ni räŋŋe ni jäŋ wïth juurre, ni ö kïte na käl piny cøøn ni øcge piny, ni ö thuuri na nut cøøn ni nigemwøny piny. Eni uutjïëth tïïe moe nut ki mana cääŋŋe.

Abakuk 3:6 Iomraidhean Croise

Wïlöölö 49:26

Gwïëth mo wäru bëëdö ni teeka geni ki kïte moa kwøŋ bëëtö cøøn, ni kaala thuuri mo wø bëëdö na bäre bäre. Beerra man bëët gwïëthi moøgø bäät Jocep, ni tïmge ni ena bääte, eni na näk dwøŋŋa kare ki uutwänni.

Jööp 21:18

?Aŋø, ge caala lethø ni wø kwør jamø, wala tør ni wø køøl apwøyaweerø?

Jööp 9:5

Eni kïte wø daae daaø ni bäŋ gïn mo ŋäcge, ni jaal geni ki wëër mare.

Bwøth Wøk 15:14

Gïrï owïny juurre ni tïm dëëtge ni kwanynyi; ni ö jø Pilitinni ni tïmge ni böö.

Bwøth Wøk 15:15

Køøre kwääri mo Ëdöm obëëdö ni cwïnyge opädhö; ni ö dïbwöthe mo Möap ni tïm dëëtge ni miel; ni ö jøøa bëëdö Keenan ni bwøkge.

Bwøth Wøk 15:17

Wui Wuuö Jwøk, geno bwøthï ni këëllï tietge piny bäät kïdi mana näk marï, kanya näk iï tïïö na näk kar bëëtö marï, ni beeye kanya en kur keere na näk marï na jiiŋŋï ki dëërï.

Bwøth Wøk 19:18

Kar kanyøgø Kïn Caynay atïmö na jïrö bäre, kiper mana ö Wuuö Jwøki na ö bäät kïdi manøgø ki maac. Ni put jïrö tïmö ni nyäälö bäät kïdi kaamar jïc dwaar, ni ö kïdi manøgø bäre ni put tïmö ni jäŋŋi døc.

Bwøth Wøk 21:31

Ni näk mo dhieŋ manøgø cwøpa nyilaal ma dïcwøø wala ma dhaagø, luubö manøgø doo ŋøla bäät wää dhieŋ manøgø ki køør ciik manøgø na aciel enø.

Aydheea 51:6

Tïŋŋu wïthu ni raŋŋu maal, ni raŋŋu piny thuwø; kiper maal rwäänyö kaamar jïrö ni wø maayi, ni räny pinynyi kaamar man wø räny abïï, ni ö jø wø bëëdö yie ni thøwge kaamar twöŋi. 'Ba køny mara bëëdö na bäre bäre, ni ö bëënynyö mara ni bëëde na bäre ni ba ränynyi.

Aydheea 51:8

Kiper geni, ge tïmö kaamar abïï mo ocam alweela, ni tïmge kaamar jïëc rööm mo ocam twöŋi. 'Ba bëënynyö mara poot bëëdö na bäre bäre, ni ö kønynyi mara ni këët yïth beenhnhe bëët.

Mikiya 5:8

Nyïïkwaac Jeekap moo dööŋ, geno bëëdö yïthakic wïth juurre, ni beeye wïth juurre mo thööth, ni ge caala ŋuu mo ena dï lääc paap, ni bëëtge kaamar nyi ŋuu mo ö dï pïïth dïëk, ni päär bäätge ni jeec ge, ni bäŋ ŋat mo maar lønyø jïre ki man køny geni.

Neeyam 1:5

Kïte atïmö ni jäŋŋi nyïme, ni ö thuuri ni nigemwøny piny. Piny tïmö ni kwanynyi nyïme, këël ki jiy moa en bäät piny bëët.

Abakuk 1:12

Wui Wuuö Jwøk, Jwøk mara, ï na en kur keere, ?aŋø, ï ba käl ya acääŋŋe? Waani, wa ba thøw. Wui Wuuö Jwøk, jø Kaldia akwanyï ki man ŋølge luup. Wui, ï na kïnna teek, tietge akëëlï piny ki man tiirge jiy.

Abakuk 3:10

Kïte ïïna jootge ni putge tïmö ni jäŋŋi, ni ö jwïëö ni pänhnhe, ni ö kanya päŋ ni lwöre ko odhäny, no odhäny mare puta ö maal døc.

Mathiew 24:35

Maal ki piny opöödhi, 'ba luupa ba dak.

Luk 1:50

Ni ö mëërri mare ni wø ba jøøl ni bëëde bäät jø wø lwäär ki eni, ni ö ki ri beenhnhi nø, ni pööth ri beenhnhø maya.

Moa Tïïc Nyïïatwieli 17:26

Ni eni wïth juurre bëët tïïe ka dëër dhaanhø aciel, nee bëëtge bäät piny bäre, ni cïp nïr bëëtö jïge ki nyeŋ keee mo kwör bëëte moge,

Tiet Ciik 32:8

Jwøa Dwøŋ ni en Maal, kanya pääŋ ŋøøm jï wïth juurre, ni beeye kanya pääŋ jiy ki dïge, keee mo jiy aŋøre, ni cïp kur wäät Icriel kur keere ki køør kwäänge.

Tiet Ciik 33:15

Ni tuc gïï mo beyø bäät kïte moge moa nut cøøn; ni tïme ni nuta gïïa beyø na tuy bäät thuuri moge ni wø bëëdö cooth.

Ibaru 13:8

'Ba Jecu Krictø poot na kare, ya awääre ki dïcäŋi, këël na bäre bäre.

Jøcua 10:42

Ni ö Jøcua ni put nyeye moøgø bëët ki mïëri moge mac yie aciel, kiper Wuuö Jwøk na näk Jwø Icriel beeye eni na këëdö kiper jø Icriel.

Pïëmme 5:5

Kïte atïmö ni jäŋŋi ki teegï, ï na Wuuö Jwøk; këël Kïn Caynay atïmö ni jäŋŋi ki teegï, ï na Wuuö Jwøk, Jwø Icriel.