Abakuk 3:16 - Wëël Jwøk

¹⁶ Gïïögø bëët awïnynya, ni tïm dëëra ni miel, ni tïm dhaa ni kwanynyi ki lwär, ni ö dëëra ni øc piny, ni tïm tieta ni nhønhnhi. 'Ba a puta bëëtö ni cwïnya yaa cïp piny naa koora cäŋ gïï mo leth mano tägi dëët jiy moo tuk waani.

Abakuk 3:16 Iomraidhean Croise

Jööp 30:17

Kany wø tïme na wäär, cuu 'moa puta tïmö ni möödö ni rämö; ni rääm mara bëëdö dëëra ni ba maar cuŋŋö.

Jööp 30:30

Buny dëëra atïmö ni cøl; ni tïm dëëra ki cuu 'moa ni waŋŋi ka adïrïgi.

Pwöc Leec Wïc 12:4

Dhaagø mo bëëtö mare beer caala aduda jï cwøre, 'ba dhaagø mo kännö ki lään wïc caala atwøda mo odheeth dëër cwøre.

Pwöc Leec Wïc 14:30

Bëëtö ni cwïny beer jaak duunnö ki jööt dëël, 'ba keec cwïny, jööt dëël di raanynyø.

Aydheea 21:3

Kanya jooda gïnögø, rääm mo leth aput tägö dëëra, kaamar dhaagø mo ogøøc mäc lwaarri; Aani wïïa ree akiere døc, ni tïme ni tiet luup ba kwanya, ni lwäya døc, ni tiet luup ba jooda.

Jeremaya 23:9

'Ba kany wø caara bëët nyïïkuk Jwøk, cwïnya puta pädhö døc, ni tïm dëëra ni kwanynyi. Aana tïmö naa caala dhaanhø moo meer moo bööt køøŋe, kany wø cäda kiper Wuuö Jwøk, ki luup moe na en kur keerge.

Jeremaya 30:7

Wui! Dïcäŋo täk gïïögø yie otïmö na cäŋ mo raac døc, mo bäŋ cäŋ mo pääri ki gø; ni beeye cäŋo pïïc gïï mo lethi yie dëët nyïïkwaac Jeekap, 'ba geno piem yïth gïïögø.

Jeremaya 4:19

Wui ayaŋ øøy! Wui ayaŋ øøy! Aŋø ni ö pänh cwïnynyi ni kaath cera en, ni tïm dëëra ni kwanynyi! Wenynya atïmö ni pärö døc, ni tïme ni ba løny ki man lïŋa; kiper dwør tuuŋ awïnynya ni beeye tuuŋ man wø kooth na mar leny.

Jeremaya 5:15

Ni cäŋ Wuuö Jwøki köö, ni «Ennø, u na jø Icriel, jiy mo käla paac mo bäär okäla baŋu ki man tukge uuni, ni beege jiy mo teek mo paac marge käla cøøn, mo dhøk marge kuyu, ni gïn wø caange ba wïnynyu.

Wëël Kïmmö 1:13

«Eni maac ajääŋŋe ki maal, ni jääŋ gø yïth cuu 'moa. Eni thøøl aciie kwör tieta, ni tïïc aani naa duua ŋääa, ni tïïc aani naa ränynya, naa tuu ki yïth nïne bëët.

Wëël Kïmmö 1:20

«Wui Wuuö Jwøk, neenï, a ena yïth gïï mo leth. Jwïëya bëëdö ni kïmmö døc, ni bëët cwïnya no opädhö, kiper aana bëëdö naa gëëmö døc. Opëëllö bëëdö ni nääö wøk nyeŋ jïëthe, ni bëët yïth uudi na thøø keere.

Edhikiel 3:14

Kanyøgø Jwïëc Jwøk aana put tïŋ maal ni 'käl aani, ni puta aay ni cwïnya okëënynyö ni aano gootø, ni cer Wuuö Jwøk ena bääta naa ee maa ni teek.

Daniel 10:8

Kanyøgø aana dööŋ a keera naa raŋŋa gïna nyooth manøgø ni thääŋ ec enø. Køøre aput tïmö ni bäŋ teek mo odööŋ dëëra, ni ö täärnyïma ni wiil ree kaamar nyïm dhaanhø mo othøw, ni bëëda ni bäŋ teek dëëra.

Daniel 10:9

'Ba aani dwør dhaanhø manøgø awïnynya, 'ba kanya wïnynya dwøre ennø mana caane, aani nyeŋŋa aput gämmö døc ni täärnyïma yaa këël piny yïth ŋøøm.

Daniel 8:27

'Ba a na Daniel, dëëra aput nidhooth piny, ni bëëda naa tuu ki nïne møøk. Køøre aana cäŋ ö maal ni døøa baŋ tïï nyeya, 'ba aani a bëëdö ni yia othäŋŋö jaak ki gïna nyooth, kiper tiere kär ci wïïa.

Abakuk 3:2

Wui Wuuö Jwøk, lïëŋ mar nyeŋŋï awïnynya, ni thäŋ yia ki gïr tïïe moï. Wui Wuuö Jwøk, tïïe moa tïïyï, cäŋ tïïyö kar kany ennø, niï tïïya geni nee ŋäc yïth cwiiri moi. Nyooth met ec këël na bëëdï ni ïïno wëër.

Luk 21:19

'Ba jwïëyu ojootu ki køør jïëny gïï mo leth moo jwørru.