Abakuk 2:6 - Wëël Jwøk

⁶ «?Aŋø, jøøi bëët ii, jøøgø ba cäŋge ki duut aŋaada, ni marge abuua ni ge jøøŋŋa geni, ni köge, ‹Otïmö ni raac jï jø wø löör jammi piny jïge mo paa moge. Kiper akëël kany mo nyïëdi noo bëëtge ni dëëtge thørge thørø ki jap dïgïti?›

Abakuk 2:6 Iomraidhean Croise

Pwöc Leec Wïc 22:16

Ŋat wø møt dhaanhø mo can nee jap kwärö moe meede, ki ŋat wø cïpi jï jøøa näk okwär, wø pätha yi can.

Aydheea 10:13

Kiper nyeny Aciria onø köö, ni «Ki køør teek bada ki riek waŋ mara gïnögø atïïa, kiper aani gïnögø tiere yaa nø kwany. Aani, nyeŋ kee mo wïth juurre yaa nø raanynyø, ni twiera jammi moa en jïge. Aani, mïëc nyeye moge adïïma ki teek mara.

Aydheea 44:20

Teeŋ ŋatøgø tïmö ni cama bur, ni bee cwïny man wø cøøk dhaanhø na tïïc eni nee gaa wøk. Ni ba løny jïre ki man piem dëëre, ni dëëre ba pëënynye, na «?Aŋø, man paa tööt ni cer cwïïa en?»

Aydheea 5:8

'Ba otïmö ni leth jïïu, u ni wø meet uudi mou ki uudi møøk, ni wø mëën bäät pwöth mou ki pwöth møøk, ni tïme ni bäŋ kany mo dööŋ jï jiy møga, ni dööŋŋa u keeru yi ŋöömö manøgø.

Aydheea 55:2

?Aŋø ni raanynyu gwetu jaak en ki ŋïëw gïï mo patha caammi? ?Aŋø ni wø kälu gwetu wøk moa jootu ki køør kwäk maru nou ŋeewa gïï mo u ba jäŋ ki ge en? Ennø, cegu ïthu na kare ki dwøra, ni cammu cam mana beer, ni mïn yïthu ki cam mana beer na kaal caammi bëët.

Jeremaya 17:11

Ŋat wø jïti ki jap kwärö ki øtjöö mo patha kare, eni caala ajwiero mo buta bäät tøŋ møøk mo patha moe na leeŋ piny. 'Ba kanyo tïme na thäk nïr cwiiri moe, kwärö manøgø aay cere; 'ba noo tïme na aŋuudi, put ka ŋäc ni tïïc mana tïïe beeye tïï bøøl jaak.

Jeremaya 29:22

Ki køør mano tägi dëët jøøgø, jø Juuda bëët moa näk omaaø ki tøŋ na kïth Babiløn, geno bëëdö ni ge cïënö ni ge köö, ni ‹Wuuö Jwøk ïïno raanynye kaamar Cëdëkiya ka Akap na waaŋ nyeny Babilønni ki maac,›

Jeremaya 50:13

Ki køør wëër mar Wuuö Jwøk eni ba beet këët, 'ba eni ränynyö na bäre. Ni ö jø wø pöödhi ki buute ni thäŋ yïthge, ni buuge gø kiper gïïa leth bëët noo pïï bääte.

Edhikiel 32:21

'Ba dïbwöthe moa teek na en kar bëët jwïëc jøøa no othøw, geno cäänö kiper Ijep ki jøøa wara køny gø, ni köge, ni ‹Gena ö piny nee butge piny yïthakic jøøa näk kär daŋø, ni beege jøøa 'näk ko opëëllö.›

Mikiya 2:4

'Ba dïcäŋece uuno cäŋ jiyi ki duut, ni duudögø beeye duut mar jwøk keec ec, ni beeye duut mano løøgu ni kööu, ni ‹Waana ränynyö na bäre! Wuuö Jwøk ŋøøp jø powa alwøre, alwøre baŋwa møn, ni cïp pwöth mowa jï jø wø mac paac.› »

Abakuk 1:15

Ge bëët, gena jwïër jø Kaldia wøk kaawat man wø jwïër rec wøk ko obïth, ni piecge geni kaawat man wø pëëö rec wøk ka ajääp bat, ni køølge geni kanya ciel kaawat man wø køøl rec ya ajääp, ni put yïthge mïnnö ni kanyge.

Abakuk 2:12

«Otïmö ni raac jï jø wø geer pääny ki jap rem jiy mo wø kønyge piny, ni wø këël tier pääny piny ni teek ki køør tïïc gïï mo reyø.

Abakuk 2:13

?Neennu, aŋø, Wuuö Jwøk, eni na wïth jammi bëët, paa eni na caan gø ki man näk mo beeye maac noo pwøc öölö mar jiy, ni ö öölö mar wïth juurre ni cami paapi?

Kwään Jiy 23:18

Køøre Beelam aput tägö ki man køp dwør Jwøk, ni kööe, ni «Ï na Balak, ö maal, ni wïnynyï gïn. Wïny mara, ï na o Cëëpör.

Kwään Jiy 23:7

Ni ö Beelammi ni täge ki man køp dwør Jwøk, ni kööe, ni «Balak aana käle ki ŋööm Aram; eni na nyeny Möap aana käle ki bäät kïte moa en jï løø kur tuul-cäŋ; ni kööe, ‹Ööï, ni cienï nyïïkwaac Jeekap jïra, ni kïthï bäät jø Icriel ka ajäla kipera.›

Luk 12:20

'Ba Jwøk aköö jïgø, ‹Ï ni bäŋ wïc en. Wääni en, jwïëyï olwør. ?A kanyøgønø, japa jiiŋŋï yøø otïmge na mo ŋa?›

1 Piter 4:7

'Ba aŋuun jammi bëët kare acäännö. Bëëdu ni wïthu leer, ni koorru dëëtu ni lämu.