Abakuk 2:3 - Wëël Jwøk

³ Kiper gïno nyooth poot koora kanya wäŋŋi kipere. 'Ba eni laara cwöp øde ni ba kääŋi. Këël doo nëënö no oruu, koor eni, kiper ka adïëri møn, eni öö, ni eni ba ruu.

Abakuk 2:3 Iomraidhean Croise

2 Nyeye 6:33

'Ba kanya poode ni eni poot cäänö ki geni, ka adïëri møn, nyeya ki ŋata jääŋŋi aput pïï baŋe; ni kö nyeya, ni «Ka adïëri møn, käc man ni raac en käla baŋ Wuuö Jwøk. ?Poode naa køya Wuuö Jwøk aperŋø?»

Bwøth Wøk 12:41

'Ba na tïme na aŋuun cwiiyøgø na dïpe aŋween ki pïëradäk yøø, dïcäŋögø kiree, lwaae bëët mo Wuuö Jwøk na näk jø Icriel aput aa wøk yi ŋööm Ijep.

Aydheea 30:18

'Ba Wuuö Jwøk poot manynya uuni ki man cäŋ mëër mare nyoothø jïïu, ni poot koora uuni ki maal ki man nyooth bäth ec mare jïïu. Kiper Wuuö Jwøk beeye Jwø adïëri. Gwïëth en bäät jiy bëët mo wø bëëdö ni koora eni.

Aydheea 7:4

Ni caanï gø jïre, ni ‹Gwøk riï, ni cïbï cwïnyï piny, ni ba lwäyï, ni ö cwïnyï ni ba pädhe kiper wëër mar Recin ki jiye ma jø Aram, ki wëër mar o Remaliya, jøøgø na ariiø yøø ni caal dhøk ameethi ariiø mo marge duuŋ jaak.

Aydheea 8:17

'Ba aani, Wuuö Jwøk na kan täärnyïme ki dhi øt Jeekap koora koorø; ni bëëda naa ŋäätha gø.

Jeremaya 27:7

Ni ö wïth juurre bëët ni bëëtge ni gena laaŋe moe, eni ki wääde, ki nyikwaare, këël mano päŋ cwiiri moa kwaan kiper akwöma mare. Køøre wïth juurre mo thööth ki nyeye mo døøŋŋø eno tïïcge na laŋŋø marge.

Edhikiel 12:25

'Ba a na Wuuö Jwøk, aano cäänö, ni ö luupi moo cara ni laarge thur karge ni ba ruu. Wui, u na jø ageem! Yïth nïne mou moo beetu nou kwøw, a cäänö ki uuni, ni ö luupi moo cara ni wëëga ge thur karge.› Luummögø caana Kwäärö Wuuö Jwøki.»

Edhikiel 30:9

« ‹Dïcäŋöca a jääga wøk ki jiy ki jïëth naam kuna wëëkge jø Kuuc lwär, ni beege jø wø köö ni geno gwøø. Geni, gïï mo leth tägö bäätge kaawat mana tägö bäät jø Ijep; ni manøgø beeye gïn ma adïëri mo ba kääŋi ki man täge.›

Daniel 10:14

'Ba ennø, a ööi kaper nee gïno tägi dëët jiyï yïth nïro en nyïm nee tiere tïme ni ŋäyï, kiper gïna nyooth cäänö kaper nïne mo poot ena nyïm.»

Daniel 11:27

'Ba nyeye moø na ariiø yøø, cwïnyge oløøge baŋ gïn mo raac, ni pïge piny kar acooŋa, ni ö ŋati man nø ni cään watge ki tööt. 'Ba bäŋ gïn mo thur kare. Kiper aŋuunne poot öö kanya no owäŋŋö.

Daniel 11:35

'Ba jiy møøk røk jøøa wïthge leer, ge päänhnhö møn ki thøø, kiper nee jiy døøc mo waany, ni tar, ni tøŋ, këël kanyo pïïe ya aŋuunne. Kiper aŋuunne poot öö kanya no owäŋŋö.

Daniel 8:17

'Ba kanya pïïe buut kanya cuŋŋa yie, aana lwäyö ni pädha ki täärnyïma. Ni kööe jïra, ni «Wär dhaanhø, wär ŋäyï ki man näk mo gïna nyooth cäänö kaper kanyo ŋuut pinynyi yie.»

Daniel 8:19

Ni kööe, ni «Neenï, aani gïïo tägi ya aŋuudi yïth nïr wëër caana caanø jïrï, kiper gïna nyooth cäänö kaper kanya wäŋŋi na näk aŋuudi.

Daniel 9:24

«Cwiiri abïriiø kwöre ma pïërabïriiø akwaan kiper jø pou ki pääny maru na en kur keere, ki man mwön bääyö yïth cwiiri moøgø, ki man thum raayi, ki man tïïc okïdi kiper gïïa bayi, ki man ö bëënynyö mana näk bëëdö na bäre bäre, ki man thur gïna nyooth kare ki luupa køp nyïïkuk Jwøki, ki man ö kar lam na en kur keere na pere leth ni jøri ki maaw.

Mikiya 7:7

'Ba aani, aano bëëdö naa raŋŋa mar Wuuö Jwøk ni cwïnya da ŋäädhe, naa koora mar Jwøk, eni noo piem aani. Eni na Jwøk mara, dwøra wïnynye wïnynyö.

Jepaniya 3:8

Kiper manøgønø, Wuuö Jwøk aköö, ni «Koorru aani, kiper dïcäŋo cuŋŋa naa cäänna uuni. Aani, anø ŋøla ki man cooŋa wïth juurre ge ki buc nyeye bëët, nee wëër mara bäre ni wø liel kaamar maac nee kønynya bäätge. 'Ba jø bäät piny bäre geno put maaci thöör mar këëny cwïny mara.

Kwään Jiy 23:19

Jwøk ba caal dhaanhø ni wø cäänö ki tööt; ni eni ba caal o dhaanhø ni wø laar acaaye wiil. ?Gïna näk ee caanø, a ba dee gø tïïö nidïï? ?Ni gïn mo ee buuö, a ba dee gø tïïö nee thur kare nidïï?

Luk 2:25

'Ba kanyøca da ŋat mo ena yi Jerucalem mo nyeŋŋe cwøl ni Cimien. 'Ba ena dhaanhø mo beer ni cwïnye ena køør Jwøk, ni bëëde ni køya ŋato cøm cwïny jø Icriel. Ni Jwïëc Jwøk na en kur keere ena bääte.

Moa Tïïc Nyïïatwieli 1:7

'Ba ena köö jïge, ni «Paa kare kiperu ki man ŋäyu nïne ki kwöra wäŋŋi na caan Jwøki ki teege.

Moa Tïïc Nyïïatwieli 17:26

Ni eni wïth juurre bëët tïïe ka dëër dhaanhø aciel, nee bëëtge bäät piny bäre, ni cïp nïr bëëtö jïge ki nyeŋ keee mo kwör bëëte moge,

Galeecia 4:2

'Ba eni bëëdö ni wïnynya luum jøøa piith gø ki jøøa en jammi moe ceŋge, këël kanyo ö cwiina caan wänni.

2 Piter 2:3

'Ba kiper mano wärge ki uuni, uuno møøthge ki luup atade. 'Ba ajäla marge nutö cøøn ni ena dëëtge, ni ränynyö marge patha okääŋö.

2 Piter 3:9

Kiper Wuuö ba dwiil ki mana buue, keda man wø caan jø møøki ni dwiil, 'ba eni poot koora uuni ni cwïnye ee cïp piny, ni bäŋ ŋat manynye nee ränynye, 'ba eni manynya jiy bëët nee thumge ri løk cwïny.