Abakuk 2:19 - Wëël Jwøk

¹⁹ Otïmö ni raac jï ŋat wø köö jï jaath, ni ‹Päyï,› ni kööe jï kïdi ni wø bäŋ jwïëy dëëre, ni ‹Ö maal.› ?Aŋø, teeŋ gïnögø, løny jïre ki man cïpe ki pwöc? Neenï, eni dëëre olëënynyö ki warkey ki gwel-bïrö, 'ba eni bäŋ jwïëy dëëre.

Abakuk 2:19 Iomraidhean Croise

Aydheea 26:14

'Ba jøøgø gena thøw, ni ge ba kwøw këët, ni jwïëcge ba duu maal këët! Kiper gena jäälï ni dïïrï wïthge, ni tïïyï ge nee wïc ba par ki geni këët na bäre bäre.

Aydheea 40:19

Kït gïn wø lam wø tïïc rëëmmö tïïö, ni ö ŋat wø lëënyö ki warkey ni lëëny dëër gø ki warkey, ni ö ŋat wø tïïö ki gwel-bïrö ni kïth dëër gø ki tiimme mo gwel-bïrö.

Aydheea 41:26

?Aŋa na cäänö kiper gïn ki mana täge dïkwøŋ, kiper nee ŋäcwa, wala caana gø ki mana täge ya acääŋŋe, nee wa köwa, ni ‹Mare beeye adïëri›? Ka adïëri møn, bäŋ ŋat mo ocaan gø, ni bäŋ ŋat mo okøp gø wala ŋat mo owïny luup mou.

Aydheea 44:17

'Ba thäk møga wø di tïïö na kït gïn wø lam ni ee tieŋø na jwøk mare, ni këël cøŋŋe piny nyïm gø ni wøør gø, ni läme jï gø ni kööe, ni «Piem aani, kiper bee ï na jwøk mara.»

Aydheea 46:6

Da jiy mo warkey wø kunyge wøk ki yïth opïri moge, ni rømge gwel-bïrö bäät gïr røm, ni cwötge ki ŋat mo waŋe riek ki tïï warkey, ni ö ŋatøgø ni tïïc gø na kït gïn wø lam. Kanyøgønø, cøŋge këëlge piny nyïme ni wøørge gø.

Aydheea 57:6

'Ba uuni nø, japa wøørru na en yïthakic kïte moa pøøth deŋ nyeŋ näm, beege noo tïmö na mou, na kuru; ka adïëri møn, uuna cïpö jïge ki muuce mo kwøŋ mo wø køny piny, ni mooyu geni ki muuce mo beel. ?'Ba you caarø ni cwïnya daa warø ki japøge?

Jeremaya 10:14

'Ba jiy bëët bëëdö ni wïthge bäŋ acaara, ni bäŋ gïn ŋäcge. Rëëm warkie, wïthge olää juuwi moa thiiwge, kiper juu moa thiiwge beege jap cwøk jaak, ni rege bäŋ jwïëy.

Jeremaya 10:3

Kiper gïï wø lam juurre ki køør kööŋŋe moge beege oballe jaak. Kiper geni jaath wø ŋøtge ŋødø paap, ni tieŋi ya rëëmme ki kweey dïnöök.

Jeremaya 10:4

Ni ŋwagi ya jiyi ni mïërö ki warkey ki gwel-bïrö, ni gurge gø piny ki mucumääre nee tïme ni ba nëëŋŋi.

Jeremaya 10:9

Dëët juu moge wø kïthge kïthö ki gwel-bïrö mo othäädhö mo käli ki Tarcëc, ki warkey mo käli ki yo Upath, ni kïtha rëëm nywïënynyi ki rëëm warkie. Dëët juu moøgø orunynyö ka abïïe mo rege da kït mo mïërö, mo tïïya jøøa nyeŋge reegø ki cwääc abïïe.

Jeremaya 2:27

jø wø köö jï jaath, ni ‹Ïïna wära,› ni köge jï kïdi, ni ‹Beeye ï na nywøl aani.› Kiper geni ŋäthge aluuge baŋa, ni patha nyïmge. 'Ba kany wø enge yïth gïï mo leth, ge wø köö ki aani, ni ‹Ö maal ni piemï waani!›

Jeremaya 2:28

?'Ba u na jø Juuda, age juu mou moa tïïyu kiper dëëtu? Beerra man öge maal, ni näk mo løny jïge ki man piemge uuni kany wø enu yïth gïï mo leth; kiper juu mou thööth ni röömi ki kwään päänye mou.

Jeremaya 51:17

'Ba jiy bëët bëëdö ni wïthge bäŋ acaare, ni bäŋ gïn ŋäcge. Rëëm warkie, wïthge olää juuwi moa thiiwge, kiper juu moa thiiwge beege jap cwøk jaak, ni rege bäŋ jwïëy.

Jeremaya 51:47

«'Ba ka adïëri møn, da nïne mo öö, mo juu moa näk otieŋø Babiløn raanynya raanynyø, ni ö paaci bäre ni lää wïïe, ni bëët jiyi moo 'näk no opäänhnhö dïëre.

Daniel 3:1

Nyeya ma Nabukedenecör atïïö ki gïn ma kït gïrpiny mar warkey mo bäye beeye gööye ma pïërabïciel, ni bär mar deŋŋe beeye gööye abïciel; ni cwöth gø piny yi pwöl Dura yi ŋööm jø Babiløn.

Daniel 3:18

'Ba këël ni näk mo wa ba pieme, beer ki man ŋäyï gø, ï na nyeya, ki man näk mo juu moï ba tïnywa, ni ba løny ki man wøørwa kït gïna näk otïïö ki warkey na näk iï cwöth piny.»

Daniel 3:29

Kiper manøgønø, aani, ciik man ŋøla beeye en: Noo dee jiy, ki wï jur, ki wïth dhøgi møøk mo cäänö ki luubö mo paa kare dëër Jwø Cidarak ki Micak ka Abedenagø, ge di tøyø na bulli, ni ö uudi moge ni tïï na wïthur. Kiper ki man bëëde cøøn en, bäŋ Jwøk mo jiy ee piemø ki øtjöö mo caala man nø.»

Daniel 3:7

Kanyøgø nø, kanya ö jiyi bëët na wïnyge dwør tuuŋ, ki dwør opelø, ki dwør thoom, ki dwør thoom-othïënhö, ki dwør buul, ki dööt wïth jap meeŋ bëët, wïth jiy bëët, ki wïth juurre, ki wïth dhøgi, cøŋge aputge këël piny ni ge wøøra kït gïnögø no otïïö ki warkey enø na cwöth nyeya piny ma Nabukedenecör.

Daniel 5:23

'Ba ïïna tïmö niï tïŋa riï maal niï läädö ka Kwääc maal, ni ö jiyi ni øømge athääe mo Øt Lam mare, ni kälge ge nyïmï, ni ö ïïni ki jø kööre moï, ki määrï, kö omëërri moï ni bëëdu ni køøŋ nyïïomøki maathu ka geni; ni tïme nou pwøya juu moa näk tïïc ka gwel-bïrö, ki warkey, ki jwïël, ki nywïënyö, ki jenni, ki kïte, ni beege gïï mo ba rääŋö, mo ba wïnyö, ni bäŋ gïn ŋäcge. 'Ba Jwøk, na näk jwïëc kwøw moï ena cere, ki jïëth tïïe moï, kärï jiemø.

Daniel 5:4

Kanya mäthge, marge atïmö ni ge pwøya juu moa näk tïïc ka warkey, ki gwel-bïrö, ki jwïël, ki nywïënyö, ki jenni, ki kïte.

Joona 1:5

Køøre jø tïïc mo baabuur alwäyö døc, ni ö ŋati man nø ni jwöŋe dëër jwøe. Ni leeŋge jammi yi naam moa en yi baabuur, kiper nee baabuur tïme ni jööt kiperge. 'Ba Joona onø ci yi baabuur piny ni nyaaŋ dëëre piny ni put nyeŋŋe gämmö døc.

Moa Tïïc Nyïïatwieli 17:29

'Ba kawaane kiper mana nägø nyïï Jwøk, ba døø caarø ni Jwøk caala warkey, wala gwel-bïrö, wala kïdi, na gïn wø tieŋ dhaanhe ni ee päärö ki gïn mo ee caarø ki wïïe ki køør riek waŋ mare.

Mana Nyooth 17:4

Ni dhaaŋŋøgø käära abïïe ma dïmuur ki mo kwaar, ni dëëre ee tïïö ni mïërö ki warkey, ki tii ma teeŋi, ni cere da athöödhi ma warkey mo päŋ ki gïï mo reyø døc ki rääc käp mare.