Abakuk 2:18 - Wëël Jwøk

¹⁸ «?Aŋø, gïn wø lam ni wø tieŋ dhaanhe na gïn ma kït gïrpiny, na dïpööy ma twöt, agïnaŋø ni kønye? Kiper ŋat wø tïïc gø, wø ŋäätha gïn wø tïïe ki cere, kany wø tïïe ki kït gïrpiny mo ba cäänö.

Abakuk 2:18 Iomraidhean Croise

Aydheea 1:31

Jiy moa teek dëëtu otïmö kaamar akaraac mo otal, ni ö tïïe moge ni tïmge kaamar maac mo pätha yie, ni putge waaŋ bëët ni bäŋ ŋat mo lønye jïre ki man bïp gø.

Aydheea 37:38

'Ba dïcäŋ aciel ni eni lämö øt Nicrøk, jwøk mare, ena put wääde ma Adramëlëk ki wääde ma Carëdher 'näk ko opëëllö; ni ö geni ni reŋge yi ŋööm Ararat. Ni ö wääde ma Ëcaradön ni läw kar gø na nyeya.

Aydheea 40:19

Kït gïn wø lam wø tïïc rëëmmö tïïö, ni ö ŋat wø lëënyö ki warkey ni lëëny dëër gø ki warkey, ni ö ŋat wø tïïö ki gwel-bïrö ni kïth dëër gø ki tiimme mo gwel-bïrö.

Aydheea 41:26

?Aŋa na cäänö kiper gïn ki mana täge dïkwøŋ, kiper nee ŋäcwa, wala caana gø ki mana täge ya acääŋŋe, nee wa köwa, ni ‹Mare beeye adïëri›? Ka adïëri møn, bäŋ ŋat mo ocaan gø, ni bäŋ ŋat mo okøp gø wala ŋat mo owïny luup mou.

Aydheea 42:17

'Ba jø wø ŋääth juu mo wø tïïc ki ceŋ, ni wø köö jï kït gïï wø lam, ni ‹Uuna juu mowa,› ge dwøga ŋäthge ki lään wïc mo dwøŋ.»

Aydheea 44:12

Rëëmmö man wø thädhö ki nywïëny, nywïënyö wø di thäädhö ni tïïe ka maac, ni thääth gø ki nyööl na kït gïn wø lam, ni tïïe ka cere na teek. 'Ba eni thuwø wø näk käci nääö ni tïm dëëre ni jääk; ni nägi ya riewi kiper mana käre mäthö ki pïï.

Aydheea 45:16

Jiy bëët mo wø tïïö ki kït gïï wø lam, wïthge olääy ni tïm nyeŋge ni law. Ni ö geni bëët ni putge aay ni wïthge olääö.

Aydheea 45:20

«Dwallu rou na aciel ni ööu! Nyänhnhu kany mo cään na aciel, u na wïth juurre moa no obøth. Jiy mo wø käär jenni na juu mo wø lam, ni wø lam juu moøgø ni ba kunyö yøø, bäŋ gïn mo ŋäcge.

Jeremaya 10:8

Geni bëët wïthge bäŋ acaara ni gena bøøre, ni dïpööye moge beege juu ma jenni na gïï mo oballe jaak.

Jeremaya 16:19

Wui Wuuö Jwøk, ï na teek mara, ï na kar gwøk røk jïra, na kar kan røk kany wø pïïc gïï mo lethi bääta, wïth juurre öa baŋï ki kwör mo bäyö, ni köge, ni «Kwäcwa bäŋ Jwøk jïge, 'ba beege juu mo oballe jaak mo bäŋ gïn duuge.»

Jeremaya 2:8

Këël dïlämme thuwø, ge kär pëëö, ni ‹?Wuuö Jwøk en kaa?› Jø wø caan tiet ciik a kärge ŋääö, ni ö dïbwöthe ni bääcge dëëra, ni ö nyïïkuk Jwøki ni køpge luup ki nyeŋ jwøa cwøl ni Baal, ni caathge køør juu mo bäŋ gïn duuge.

Jeremaya 50:2

ni «Gøøu piny ni køpu gø jï wïth juurre bëët; køpu, ni tïŋu ŋïï maal; kär dee gïn kannu, kööu, ni ‹Babiløn omak ki tøŋ; jwøge ma Bël ni wø cwøl ni Merödak oränynyi ni tïme na gïn mo duua lään wïc, ni ö gïïa tieŋge ni wø lamge ni ränyge ni tïmge na gïï mo duua lään wïc.›

Jeremaya 51:17

'Ba jiy bëët bëëdö ni wïthge bäŋ acaare, ni bäŋ gïn ŋäcge. Rëëm warkie, wïthge olää juuwi moa thiiwge, kiper juu moa thiiwge beege jap cwøk jaak, ni rege bäŋ jwïëy.

Daniel 5:23

'Ba ïïna tïmö niï tïŋa riï maal niï läädö ka Kwääc maal, ni ö jiyi ni øømge athääe mo Øt Lam mare, ni kälge ge nyïmï, ni ö ïïni ki jø kööre moï, ki määrï, kö omëërri moï ni bëëdu ni køøŋ nyïïomøki maathu ka geni; ni tïme nou pwøya juu moa näk tïïc ka gwel-bïrö, ki warkey, ki jwïël, ki nywïënyö, ki jenni, ki kïte, ni beege gïï mo ba rääŋö, mo ba wïnyö, ni bäŋ gïn ŋäcge. 'Ba Jwøk, na näk jwïëc kwøw moï ena cere, ki jïëth tïïe moï, kärï jiemø.

Amøc 2:4

Wuuö Jwøk aköö na ennø, ni «Kiper mana ö jø Juuda na kaathge bääyö marge, a ba døø ŋääa ki man jääla geni, kiper mana kwierge ciik Wuuö Jwøk, ni kärge luumme gwøø; ni gaage wøk thuwø køør juu mo patha adïëri moa cääth kwäcge køørge.

Joona 2:8

«Jøøa wøør juu mo bäŋ gïn duuge, ge luua ŋäthge baŋï, ï ni wø nyooth mëër mo ba jøøl.

Dhekaraya 10:2

Juu moa näk patha adïëri ge cara tööt, ni jø adïëda jammi mo wø carge no onyoodhø jïge beege mo cwøk; geni, ge cara lääk mo patha adïëri, ni ge cøømma cwïny jiy ki gïï mo bäŋ tietge. Kiper manøgønø, jiy geno thääyi kaamar dïëk mo bäŋ dïkwääy jïge, ni caar geni kiper na bäŋe ŋat bwøth geni.

Wëëlö Mana Göör Pøølli Baŋ Jø Röm 6:21

?'Ba kanyøca nø, agïnaŋø na duu japøka ni wïthu olää ki ge kawaane yøø? Cuŋ japøgø beeye thøø.

1 Körin 12:2

Kiper ŋäyu ni kanya bëëdu ni luum Jwøk kuyu, wïthu amaaŋŋi ki uutjïëthe møøk ma teeŋi, ni wøørru gïï wø lam ni wø ba cäänö.

Mana Nyooth 19:20

Ni ö Lääyi ni maai, ge ki nyikuŋ jwøk mana näk patha adïëri, ŋata tïïö nyïme ki ŋïïce moa cøøk jøøa dëëtge jïtö ki ŋïï mar Läänögø, ki jøøa wøør gïna näk ocwääö na caal kïte. Gïïögø karge riet gena leeŋ yi naama liel ki maac mo jïye keec ni lïëth døc ni ge poot kwøw.

Pïëmme 17:4

'Ba kanya ö Mikiya na duu gwet-bïrö jï menni, menni alwötö ki gwet-bïrö ma yïth rumme ma dïpe ariiø, ni cïp ge jï ŋat wø thädhö ki gwel-bïrö, ni ö ŋatøgø ni tïïc ge na kït gïn mo otieŋø ki kït gïn mo oleenyø ki gwel-bïrö ni tïmge ni bëëdö øt Mikiya.

1 Camiel 12:21

'Ba käru gaa wøk køør juu mo oballe, mo bäŋ gïn mo duuge dëër dhaanhø wala gïn mo kønyge kønyø, kiper gena juu mo oballe jaak.