Abakuk 2:1 - Wëël Jwøk

¹ Aani a bëëdö naa kurö kaamar ŋat mo cuŋŋa kar koor mare, ni bëëda naa kurö kaamar dhaanhø mo ena bäät gïr koor maal, naa rääŋö ki man neena gïno caan Wuuö Jwøki jïra, ki gïno løøa kanyo jook aani.

Abakuk 2:1 Iomraidhean Croise

2 Camiel 18:24

'Ba kar kaagø, Deebit opï piny dhi kiir. Køøre ŋat wø kurö aeth bäät kiir, ni tïŋ wïïe maal ni räŋŋe. 'Ba ka adïëri møn, dhaanhø mo rïïŋa eni keere aput joot ni rïŋŋö.

2 Nyeye 17:9

'Ba gena tïïö ki gïï mo patha karge ki piny dëër Wuuö Jwøk, Jwøk marge. Ni gëëtge ki kwör lam mo ena bäät thuuri yïth päänye moge bëët kiper dëëtge, ki mana täge ki mïëri moa therø këël päänye moa døøŋŋø.

2 Nyeye 9:17

'Ba ŋat koor mana en bäät gïr koor mana en maal yi Jedhriel, eni lwaa leny mar Jiyu ajoode ni ge öö, ni rwääye, ni «Aana jïtö ki lwaa leny!» Køøre Jeyöram aköö, ni «Lwötï ki ŋat wø cäädhi ki bäät okweeny ni jääŋŋï gøøni nee røømme ki geni nee kööe, ni ‹?U ööi ka mëër?› »

Jööp 31:35

«Wui! ?Aŋø ni bäŋe ŋat wïny dwøra en? Raŋï, ŋïï mara kee en, beerra man ö Jwøa en teeki jïre ni duunne jïra! Beerra man ö ŋati ni löö ki aani en ni göör luupa piny.

Jööp 31:37

Aani kwör cääthe mo tieta daa caanø jïre, ni daa cäänö nyïme kaawat man wø cään kwäärö.

Aydheea 21:5

'Ba kwääri mo Babiløn, kar cam ajiiŋge, ni peethge gø, ni cämge, ni mäthge. Ni put dwølli öö, mo köö, «Wui, kwääri mo jø leny, ööu maal ni jiiŋŋu kööt leny!»

Aydheea 21:6

Kiper man beeye gïna caan Kwäärö Wuuö Jwøki jïra, ena köö, ni «Ciï ni tïïyï ŋat koor nee cuŋŋe kare, nee gïïo joode nee caane.

Aydheea 21:8

Køøre ŋat koor acwötö ni dwøre ee tïŋ maal, ni kööe, «Wui kwäärö mara, ki yi cäŋ cooth a bëëdö naa cuŋŋö kar koor mara, ki yïth wärre cooth thuwø, a bëëdö kar koor mara.

Aydheea 62:6

Wui Jerucalem, Wuuö Jwøk acïpö ki dïkuye bäät kiir marï, mo ge bëëdö ni ge rwääö ki yi cäŋ ki wäär bäre ni ge ba lïŋi. 'Ba uuni ni wø par wï Wuuö Jwøk, kär dee jwöm mo tïïyu kiper dëëtu,

Jeremaya 12:1

Wui, Wuuö Jwøk, ï bëëdö ni marï adïëri kany wø lööa nyïmï; 'ba ï poot pëënynya pëënynyö kiper ŋøl marï. ?Aŋø, aperŋø ni ö gïï wø tïïc jø raayi ni thurge karge jïge en? ?Na aperŋø ni ö jiyi bëët mo wø tïïö ki gïï mo reyø ki piny ni bëëtge ni bëëtö marge jööt jaak?

Jeremaya 6:17

Ni kö Wuuö Jwøki, ni «Aana cïpö ki dïkuye jïïu mo koora uuni, ni kööa, ni ‹Cegu ïthu kanyo koothge tuuŋ!› 'Ba uuna köö, ni ‹Jïwa bäyö, ïthwa ba cekwa.› »

Edhikiel 3:17

ni «Wär dhaanhø, ïïna jiera niï tïmï ni ïïna ŋat koor kiper jø Icriel; luubö mano wïnynyï dhaa jaak, ge wär köömmï ki gø ki nyeŋŋa.

Edhikiel 33:7

«'Ba ennø, ï na wär dhaanhø, ïïna tïïa na ŋat koor bäät jø Icriel. Kiper manøgønø, wïny luup moi ni cara ii, ni köömmï jø Icriel ki ge.

Mikiya 7:7

'Ba aani, aano bëëdö naa raŋŋa mar Wuuö Jwøk ni cwïnya da ŋäädhe, naa koora mar Jwøk, eni noo piem aani. Eni na Jwøk mara, dwøra wïnynye wïnynyö.

2 Körin 13:3

Kiper u wø köö nou manynya ŋïï nee jootu ki man näk mo Krictø cäänö ki raa. Eni ba jääk ki man cääne ki uuni, 'ba eni wø tïïya tïïc mo teek dïïu.

Galeecia 1:16

kanya tïm yie ni met ki man nyooth Wääde jïra, nee gïre køba jï juurre bëët, bäŋ ŋat mo yaa pëënynyö ka acaara.