Abakuk 1:9 - Wëël Jwøk

⁹ Ge öö bëët kiper tïï gïn mo leth, ge öö ni gena lwaak ni ge cäänhnha nyïmge ni giirge lwaa dhaanhø ki tøŋ mo caala nyeŋ akwöö.

Abakuk 1:9 Iomraidhean Croise

Wïlöölö 41:49

Ni ö Jocepi ni cooŋ beel mo thööth døc mo caala nyeŋ akwöny deŋ naama dwøŋ, gøøc mana dhäthe jïre ki man kwaan ge, kiper ba thum ki kwaan.

2 Nyeye 12:17

'Ba kar kaagø, Adhaël nyeny Aram acøø ni këëde ki jø Gëth ni mak pääny manøgø; ni ö Adhaëlli ni løø nyïme Jerucalem.

Jööp 29:18

«Aana cädö ni nïr kwøw 'moa thöönhnhö kaamar nyeŋ akwöö, ni thøøa ya abïla mara ki met ec.

Aydheea 27:8

'Ba ajäla mana tïïc Wuuö Jwøki, atïïe ni ee rømø kiper jø Icriel, ni cöör ge wøk kaawat man wø tïïc apwøyaweerø man wø kwönni ki jï løø kur tuul-cäŋ.

Jeremaya 15:8

Määr thuunhnhi otïïa ni thööth ni kaala nyeŋ akwöny deŋ näpa døøŋŋø; aani, a känna bäät mëëk wøpe ki jiy mo raanynya geni ki dhöör dïcäŋ. Ki nyi kany mo thiinh, kïmmö ki lwär okäla bäätge.

Jeremaya 25:9

ka adïëri møn, a na Wuuö Jwøk, a jääga baŋ jø tiet mïëri bëët moa en jï løø wï-piny, ki baŋ Nabukedenecör nyeny Babiløn, eni na en cera, ni käla geni nee këëtge yi ŋöömmi en ki jiy mo wø bëëdö yie, këël ki wïth juurre mo wø kïïö ki ŋöömmi en. Ni puta geni raanynyø na bäre bäre, ni tïïa geni ni cwïny jiy böö ki gïno tägi dëëtge, na gïr abuua, ni päthge yi ränynyö mo bäŋ cuŋŋe.

Jeremaya 34:22

Ka adïëri møn, a na Wuuö Jwøk, ge köömma köömmö ni duua geni päänyi, ni këëtge ki päänyi ni macge gø ni waaŋge gø. Ni tïïa mïëri mo Juuda na kwör mo oränynyö mo bäŋ jiy mo bëëdö yïthge.»

Jeremaya 4:11

'Ba kar kaace ocaan Wuuö Jwøki jï jøøi ki jø Jerucalem, na «Ajäla mara ööa bäätu, u na jiya, kaamar jamø mo teek mo lïëth mo kwönni ka bäät thuuri moa leer na en dï tëën, mo ba caal jamø man wø kwør beel ki gø,

Jeremaya 4:7

«Ŋat wø raany wïth juurre anø tïŋŋö, kaamar ŋuu mo ööa wøk ki ya abuŋŋö; ni eni tïŋŋi ka kar bëëtö mare kiper nee wï pou dïïre. Päänye mou ränynyö, ni dööŋge ni bäŋ jiy yïthge.

Edhikiel 17:10

?Aŋø, këël na cäŋi piithø, eni poot løth këët? ?Eni ba tal na bäre bäre kanyo näk mo eno gøøc jam wø ööi ki kur tuul-cäŋ? ?Eni ba tal kanya näk eno piith yie?› »

Edhikiel 19:12

'Ba lweete acööt wøk ki køør wëër, ni leeŋi yïth ŋøøm, ni ö nyïïe ni taali ya jamø man wø ööi ki kur tuul-cäŋ; bat mare na teek døc acööt wøk ni tale ni put waaŋ ki maac.

Daniel 11:17

Køøre eni nyïme løøe baŋ man ööe ki lwaa leny mar akwöm nyec mare bäre, ni kuurge dhøkge ki nyeny jï løø Tier-Piny. Ni bëët baŋ gø ki nyey, kiper nee akwöm nyec mar gø jale. 'Ba acaara mana näk ee cïp piny ba thur kare, ni eni ba kønye.

Odheea 1:10

'Ba kwään jø Icriel poot tïmö ni caala akwöny deŋ naama dwøŋ ni wø ba løny ki røm wala ki kwaan; ni købi ki geni, ni «Uuna wäät Jwøa kwøw;» yi paac mana wara købi jïge yie, no «U patha jiya.»

Odheea 13:15

«'Ba jø dhi øt Ipariem këël doo bëëdö ni jammi bëët päŋ jïge dï nyïïmëëkge, jamø man wø ööi ki kur tuul-cäŋ jääŋŋa jääŋŋö bäätge, a na Wuuö Jwøk, ni kwönne ki dïtëën; ni ö jøør moge ni putge niŋul, ni ö aguule moge ni putge talø. Ni ö gïïa perge leth na en kwör kän moge ni puti twier bëët.

Abakuk 1:17

?Aŋø, ge poot bëëdö no opëëlle moge ege wöth wøk ki man bëëtge ni ge nääŋŋa wïth juurre ni cwïnyge ba pädhi?

Abakuk 1:6

Kiper ka adïëri møn, aani jø Kaldia tïŋa maal, jøøa näk cwïnyge keec na näk cwïnyge piew ki lac gïrpiny, ni caathge piny bäre ki man macge kwör bëëte moa näk paa moge.

Wëëlö Mana Göör Pøølli Baŋ Jø Röm 9:27

'Ba Aydheea acäänö ki dwøl mo dwøŋ kiper gïr jø Icriel, ni «Këël wäät Icriel doo thööth ni caala akwöny naama dwøŋ, mo nøk keerge beege noo piem.

Pïëmme 7:12

'Ba jø Midien ki jø Amalëk ki jø wø bëëdö jï løø kur tuul-cäŋ, dï gool manøgø bäre ege gääbö, ni kwäänge thööth døc kaamar lwaa bäänyö; këël athïrööle moge ba løny ki kwaan, kiper ge thööth døc ni kwäänge caala nyeŋ akwöny deŋ naama dwøŋ.